گەنجانی ئەوروپا و پرسی ژینگە
٣٠/١٠/٢٠٢٣
بەگوێرەی ڕاپۆرتێکی نوێ کە لەم ڕۆژانەدا لە ڕۆژنامەی گاردیانی بریتانیی دا بڵاوکرایەوە بەتەنگەوەهاتنی ژینگە لە لایەن گەنجانەوە مایەی دڵخۆشییە.
ئەو ڕاپۆرتە زانیارییەکی زۆری تێدایە سەبارەت بەو مەسەلەیە ، منیش بەپێویستم زانی کە هەندێکی وەرگێڕمە سەر زمانی کوردی و لێرەدا داینێم.
ڕاپۆرتەکە دەڵێت گەنجانی ئەوروپی زیاتر واز لە لێخوڕینی ئۆتۆمبێل دێنن و منداڵیان کەمتر دەبێت بۆ ئەوەی هەسارەکە ڕزگار بکەن. ئەوان ئامادەن خێزانێکی بچووکتریان هەبێت، واز لە بەکارهێنانی ئۆتۆمبێل بهێنن و – هەرچەندە بە ژمارەیەکی کەمتر – شێواز و جۆری خواردنیان بگۆڕن بۆ ڤیگن [ ڤیگن ئەوانەن نەك هەر ڕوەکین بەڵکو بەروبوومی هیچ جۆرە ئاژەڵ و گیانلەبەرێ ناخۆن. بۆ نموونەڵ شیر و هێلکە و پەنیر و ماست و هەنگوین و….] .
لە سەرانسەری ئەوروپادا، بەپێی ڕاپرسییەکی حەوت وڵات، پێدەچێت گەنجان زیاتر لە نەوە بەتەمەنەکان ئامادەبن گۆڕانکاری گەورە لە شێوازی ژیاندا بکەن کە یارمەتیدەر دەبێت لە بەرەنگاربوونەوەی قەیرانی کەشوهەوا هەروەها ڕاپرسییەکانی YouGov بۆ ڕۆژنامەی گاردیان دەریخستووە کە خراپی ئابووری هیوای گەنجان بۆ داهاتوو لەبار بردووە، زیاتر لە نیوەیان ڕایانگەیاندووە کە نیگەرانن لەوەی لە دەیەی داهاتوودا ناتوانن ببنە خاوەنی ماڵێک.
ڕاپرسییەکە کە لە مانگی ئابدا لە بەریتانیا، دانیمارک، فەرەنسا، ئەڵمانیا، ئیتاڵیا، ئیسپانیا و سوید ئەنجامدراوە، هەروەها دەریخستووە کە کەمینەیەکی زۆر لە گەنجانی تەمەن 18 بۆ 24 ساڵ هەستیان کردووە نیگەرانییە ئابوورییەکان و نیگەرانی دامەزراندنی خێزانیان هەیە.
لە وەڵامی پرسیارێکدا سەبارەت بەوەی کە ئامادەن چ قوربانییەک بدەن بۆ یارمەتیدانی بەرەنگاربوونەوەی گەرمبوونی جیهانی، 28%ی گەنجانی تەمەن 18 بۆ 24 ساڵ و لە 30%ی گەنجانی تەمەن 25 بۆ 34 ساڵان ڕایانگەیاند کە ئامادەن – یان پێشتر پلانیان هەیە – بۆ ئەوەی منداڵی کەمتریان هەبێت گەر چی حەزیان لە منداڵە. ئەمەش بە بەراورد لەگەڵ ژمارەکانی نێوان 19% بۆ 13% بۆ نەوە کۆنەکان – بەڵام زۆربەیان لە ئێستاوە ئەگەری ئەوە هەیە کە دایک و باوک بن. بەڵام نەوە گەنجەکانیش زیاتر لەگەڵ گۆڕانکارییە بەرچاوەکانی تری شێوازی ژیان بوون بە بەراورد بە وەڵامدەرەوە بەتەمەنەکان. گەنجان زیاتر ئامادەبوون واز لە ئۆتۆمبێل بهێنن، 54%ی گەنجانی تەمەن 18 بۆ 24 ساڵان دەیانگوت تەنها بە پێ دەڕۆن، یان پێشتر بە پێ ڕۆیشتون، پاسکیل یان گواستنەوەی گشتی بەکاردەهێنن، لە بەرامبەر 45%ی ئەو کەسانەی تەمەنیان لە سەرووی 65 ساڵەوەیە. لە هەمان شێوە 41% دەگۆڕدرێن بۆ ئۆتۆمبێلی کارەبایی لە بەرامبەر 21%ی ئەو کەسانەی تەمەنیان لە سەرووی 65 ساڵەوەیە.
لە کاتێکدا تەنها 21%ی گەنجانی تەمەن 18 بۆ 24 ساڵان ووتیان کە ئامادەن – یان پێشتر هەبووە – گۆشت و شیرەمەنی لە خۆراکەکانیاندا بە تەواوی ببڕن، بەڵام ئەوە هێشتا ڕێژەیەکی بەرچاو زیاترە لە چاو بەتەمەنانی (17%ی 55- بۆ کەسانی تەمەن 64 ساڵ، و 64%ی ئەو کەسانەی کە تەمەنیان لە سەرووی 65 ساڵەوەیە). هەروەها نەوە گەنجەکان زۆر زیاتر ئامادەبوون (یان پێشتر ئامادە بوون) پارەی زیاتر بدەن بۆ گەشتە ئاسمانییەکان (30%ی کەسانی تەمەن 18 بۆ 24 ساڵ لە بەرامبەر نزیکەی 22%ی کەسانی سەروو 55 ساڵ)، و تەنها جل و بەرگی دەستی دوو بکڕن (35 % لە تەمەنی 18 بۆ 24 ساڵ و 38%ی تەمەنی 24 بۆ 34 ساڵ لە بەرامبەر 26%ی کەسانی سەروو تەمەنی 65 ساڵ(.
ڕاپرسییەکە جیاوازییەکی کەمی تەمەنیان دەرخستووە سەبارەت بە نیگەرانی لەبارەی قەیرانی کەشوهەوا و کاریگەرییە ئەگەرییەکانی، زیاتر لە 70%ی هەموو کۆمەڵێك لە تەمەنی 18-24 ساڵەوە تا ئەوانەی تەمەنیان لە سەرووی 65 ساڵەوەیە وتوویانە زۆریان تاڕادەیەک نیگەرانن. زۆرینەی گەورە لە نێوان 64% بۆ 72% لە هەموو گروپێکی تەمەنیدا هاوڕان لەسەر ئەوەی کە کەشوهەوای جیهان لە ئەنجامی چالاکییەکانی مرۆڤەوە دەگۆڕێت، هەرچەندە ئەو کۆمەڵەی تەمەن 18 بۆ 24 ساڵان بە شێوەیەکی پەراوێزخراو زیاتر ئەگەری ئەوەیان هەبوو بڵێن هۆکارەکان مرۆڤ دروست نین.
نزیکەی 43%ی گەنجانی تەمەن 18 بۆ 24 ساڵ لە سەرانسەری کیشوەرەکەدا ڕایانگەیاندووە، نیگەرانن لەوەی دۆخی ئابووری ئێستا کاریگەری لەسەر توانای گواستنەوەیان لە ماڵی خێزانەکەیان هەبێت؛ 56% وتوویانە ڕەنگە ئەوە بگەیەنێت کە ناتوانن خانوو بکڕن، لە 38%یشیان منداڵیان نەبێت.
ئەمە بڵاوبکەرەوە:
No to all wars anywhere in the world
No to all wars anywhere in the world
No to armies and to the armament industries and programs.
No to governments.
No to class domination.
No to war in any corner of the world, whether in Rojava / Syria, Ukraine, Karabakh, Palestine, Israel, etc. , or on other continents ! We have been and we will always be against all wars. Opposition to the war is one of the fundamental grounds against the class sovereignty and its worldwide capitalist system and against all the various governments in the world.
War for us anarchists is not only armed attacks and bombings of villages and cities. War is at the base of the class system, it’s the destruction of life’s resources and the deprivation of the oppressed majority from necessary needs for survival, It is the trading of information and science, it is taking people’s livelihoods, it is forcing people to flee their homeland, it is the repression and imprisonment of protesters, it is the assassination of anti–state militants, It is the authority building, it is electoral competition for superiority, it is merely the existence of class society.
Therefore, opposing armed warfare but turning a blind eye on hidden causes of the war is simply meaning accepting the class sovereignty and consequently calling political parties, militias and governments to cooperate in oppressing humanity, and to operate with skill in destroying the environment, to maintain the domination of the class society. This has always been the demand and the wish of the reformist movements that will only strengthen and protect class sovereignty and reinforce our oppression!
We have been and we will always be against the war ! This opposition is part of the broad and global class antagonism and as long as class societies, governments, borders and nationalist political identities remain, war will continue, because class society and classe system cannot survive without wars..
According to the experiences of the struggles of the world’s oppressed class, the first step in resisting armed wars is the direct and local resistance of the oppressed classes to the war inside the warring governments. Only through the reinforcement of the unity and resistance of our oppressed class can the cycles of arm production and arm sales be stopped and the battlefields be deserted. Without such antagonism of the oppressed class against the class system, it will be difficult to eradicate the wars permanently and even the pause of the armed warfare and the peace will be in the service and interests of the worldwide capitalist system!
No to war in all its forms and levels
No to government of all kinds
Towards a global uprising against the all class system and its society.
Kurdish Speaking Anarchists Forum
October 19th 2023
ئەمە بڵاوبکەرەوە:
ئیسرائیل دەیەوێت کۆنترۆڵی ڕۆژنامەی گاردیان بکات
زاهیر باهیر
٢٨/١٠/٢٠٢٣
پێگەو ڕێگە و هێزی ئیسرائیل ئەوەندە کاریگەرە لەسەر ئاستی ئەورپا و ئەمەریکا کە هەرچی بکات و بڵێت نەك هەر مۆڵەتی پێدەدەرێ بەڵکو پشتگیریی بێ پێچ و پەناشی دەکرێت. هەڵوێستی دەوڵەتانی ئەوروپا و ئەمەریکا و کەنەدا و ئۆسترالیا و هەندێکی دیکەشیان سەبارەت بەو جێنۆسایدەی کە لە غەززەدا ڕوودەدات زۆر ئاشکرایە .
تەنانەت ئیسرائیل دەیەوێت سەرکوتی هەموو جۆرە ڕاگەیاندن و ڕا و بۆچونێکی ئازادانە بکات نەک هەر دژایەتی بەڵکو هەتا ئەگەر ڕەخنەشی لێبگرێت . لەم دوو سێ ڕۆژەی پێشوودا ڕاز سیگل کە مێژوونوسێکی دیارە و خۆشی جوولەکەیە وتارێکی لەسەر ئەم جەنگەی نێوانی ئیسرائیل و حەماس و بارودۆخی دانیشتوانی غەززە نوسی، لە لایەن ئیسرائیلەوە نەك هەر سەرەکۆنەی خودی نوسەر کرا بەڵکو هی ڕۆژنامەی گاردیانیش .
ڕۆژنامەکە تۆمەتبار کرا بە ‘نەبوونی حوکمدانی سەرسوڕهێنەر’ لەسەر بابەتەکەی هۆلۆکۆست. بە “کەمی حوکمدانی سەرسوڕهێنەر” تۆمەتبار کرا، دوای ئەوەی بابەتێکی بڵاوکردەوە کە ئیسرائیلی بە ” بەکارهێنانی هۆلۆکۆست وەکو چەک” لە شەڕەکەی دژی حەماس تۆمەتبار کرد. ئەو وتارە بۆچوونە بەناونیشانی ‘ئیسرائیل دەبێت واز لە کردنی هۆلۆکۆست وەکو چەكێك بهێنێت’، لەلایەن مێژوونووسی ئیسرائیلی ڕاز سیگلەوە نووسراوە.
لەو وتارەدا سیگل دەنووسێت کە بەرگریکردن لە تۆڵەسەندنەوەی ئیسرائیل لە هێرشەکانی حەماس لە ٧ی ئۆکتۆبەردا “بەکارهێنانی کتێبی خوێندنە بۆ هۆلۆکۆست نەک بۆ ئەوەی لەگەڵ کەسانی بێدەسەڵاتدا بوەستن کە ڕووبەڕووی ئاسۆی توندوتیژی جینۆساید دەبنەوە، بەڵکو بۆ پشتگیریکردن و پاساوهێنانەوە بۆ هێرشێکی ئەوپەڕی توندوتیژانە”. لەلایەن دەوڵەتێکی بەهێزەوە و لە هەمان کاتدا ئەم واقیعە دەشێوێن.
هەروەها بە چەککردنی هۆلۆکۆست بەراورد دەکات بە ڤلادیمێر پوتین، کە بە وتەی خۆی “بە وردی ئەم بە بەچەککردنەی مێژووی هۆلۆکۆستی بەکارهێناوە کاتێک لە شوباتی ساڵی ڕابردوودا هێرشەکەی بۆ سەر ئۆکرانیا دەستپێکرد، وەک هەڵمەتێکی لەکارخستنی ‘نازییززم’ ” ڕوونیکردەوە. سیگل کە لە وتارەکەدا بە شێوەیەکی دوور لە دوودڵی تاوانەکانی جەنگی حەماسی ئیدانە کردووە، وتی زانایان تادێت “بەکارهێنانی مەترسیدارانەی هۆلۆکۆست بۆ شێواندنی واقیعی مێژوویی هۆلۆکۆست و توندوتیژی جەماوەری ئیسرائیل دژی فەلەستینییەکان” پووچەڵ دەکەنەوە. وتارەکەی سیگل کاردانەوەی بەرچاوی لەڕێگەی ئۆنلاینەوە بەدوای خۆیدا هێنا، لەکاتێکدا سەرۆکی دەستەی جێگرانی جولەکەکانی بەریتانیا هێرشی کردە سەر بڕیاری ڕۆژنامەکە بۆ بڵاوکردنەوەی ئەو وتارە. سەرۆک ماری ڤان دێر زیل بە یاهوو نیوزی ڕاگەیاندووە: “بڕیاری گاردیان بۆ بڵاوکردنەوەی وتارەکە بۆچوونێک بە ناوی ‘ئیسرائیل دەبێت واز لە بەکارهێنانی هۆلۆکۆست وەکو چەکێك بهێنێت’ بە شێوەیەکی باوەڕپێنەکراو خراپ بوو”. “بۆ نموونە شکستی ئەو بابەتە لە داننان بە بەراوردکردنی دەیان ساڵەی ئیسرائیل لەگەڵ نازییەکان – لەنێویاندا لە میساقی دامەزرێنەری جینۆسایدی حەماسدا – کورتەیەک لە بێ حوکمدانی سەرسوڕهێنەرە کە نمایشکراوە. بڵاوکردنەوەی ئەو بابەتە نزمترین ئاستی نوێیە بۆ ڕۆژنامەکە.”
ئەمە بڵاوبکەرەوە:
مارکس و ئەنارشیزم
مارکس و ئەنارشیزم
نووسینی : ڕودۆڵف ڕۆکەر
وەرگێڕانی: زاهیر باهیر
چاپ: چاپ:خانەی بینایی
ساڵی چاپ : ٢٠٢٣
شوێنی چاپ:سلێمانی
بۆ داگرتنی پەڕتووکەکە، لەسەر ئەو لینکەی خوارەوە کلیک بکەن
Marx and Anarchism by Rudolf Rockeer-Booklet-online
ئەمە بڵاوبکەرەوە:
کۆمپانیاکانی سووتەمەنی بەردینی ملیۆنان دۆلاریان بۆ یاسادانەرانی ئەمریکا خەرج کردووە کە سپۆنسەری پڕۆژە یاسای دژە ناڕەزایەتیان کردووە
26/10/2023
بەپێی ڕاپۆرتی گرینپیس لە ئەمریکا، نزیکەی 60%ی کار و چالاکییەکانی نەوتی و گازییەکان لە ناڕەزایەتی پارێزراون بەهۆی ئەو پارەیەی کە بۆ لۆبیکردن خەرجکراون.
کۆمپانیاکانی سووتەمەنی بەردینی ملیۆنان دۆلاریان خەرج کردووە بۆ لۆبیکردن و بەخشینی هەڵمەتی هەڵبژاردن بۆ یاسادانەرانی ویلایەت کە سپۆنسەری یاساکانی دژە ناڕەزایەتیان کردووە – کە ئێستا نزیکەی 60%ی کار و چالاکییەکانی گاز و نەوتی ئەمریکا لە ناڕەزایەتی و نافەرمانی مەدەنی دەپارێزن، بەپێی ڕاپۆرتێکی نوێی گرینپیس، Greenpeace ، ئەمریکا هەژدە ویلایەت لەوانەش مۆنتانا، ئۆهایۆ، جۆرجیا، لویزیانا، ویرجینیای ڕۆژئاوا و داکۆتا یاسای بەرفراوانیان بۆ دژە ناڕەزایەتی دەرکردووە کە سزاکانی سەرپێچیکردن لە نزیک ژێرخانی بەناو گرنگ وبەرز و وەبەرهێنان و خۆشگوزەرانی دەکەنەوە. ئەمەش مەترسیدارتری دەکات بۆ کۆمۆنێتییەکان بۆ دژایەتیکردنی بۆری و پڕۆژەکانی تری سووتەمەنی بەردینی کە هەڕەشە لە زەوی و ئاو و کەشوهەوای جیهانی دەکەن.
بەپێی ڕاپۆرتەکە، لە 10 کۆمپانیای سەرەکی کە لە ساڵی 2017ەوە زۆرترین لۆبییان بۆ پڕۆژە یاسای دژە ناڕەزایەتیەکان کردووە، 9 کۆمپانیای سووتەمەنی بەردینین، لەوانە کۆمپانیا ئەمریکییەکانی ئێکسۆن مۆبیل، کۆچ ئیندستریز و ماراسۆن پترۆلیۆم، هەروەها کۆمپانیاکانی کەنەدی ئێنبریج و تی سی ئینێرجی (ترانس کەنەدا) . جگە لەوەش، 25 کۆمپانیای سووتەمەنی بەردینی و وزە لەم ماوەیەدا زیاتر لە 5 ملیۆن دۆلاریان بەخشیوە بە سپۆنسەرانی پڕۆژە یاسای دژە ناڕەزایەتییەکانی دەوڵەت، بەپێی زانیارییەکانی بەدواداچوونی دارایی سیاسی.
“ئێمە دەبینین پەرەسەندنی تاکتیکەکان بۆ تاوانبارکردن، چەوساندنەوە و سکاڵاکردن لەسەر ئەوانەی کاردەکەن بۆ کردەوەی کەشوهەوا، مافەکانی ڕەسەن و دادپەروەری ژینگەیی… [وەک] کۆمپانیاکانی نەوت و گاز ڕێگەی نوێ دەدۆزنەوە بۆ دواخستنی گواستنەوە بۆ وزەی پاک و پاراستنی قازانجی خۆیان، ” ئیبۆنی تویلی مارتن، بەڕێوەبەری جێبەجێکاری کۆمپانیای گرینپیس ئەمریکا وتی. “چالاکوانانی هێڵی پێشەوە نابێت ڕووبەڕووی مەترسی یاسایی توندڕەو و گۆڕینی ژیان ببنەوە بەهۆی دانانی جەستەیان بەکردەوە بۆ ئەوەی هەسارەکەمان ببێتە شوێنی نیشتەجێبوون.’ لە ساڵی 2017ەوە زیاتر لە 250 پڕۆژە یاسای دژە ناڕەزایەتی لە 45 ویلایەتدا پێشکەشکراون لەنێویاندا یاسای نەهێشتنی بەرپرسیارێتی شۆفێر لە لێدانی خۆپیشاندەران و دروستکردنی تاوانی گەورە بۆ خۆپیشاندانەکان کە وەک ئاژاوە لێکدەدرێتەوە، بەپێی سەنتەری نێودەوڵەتی یاسای قازانج نەویست (ICNL) .
یاسادانەران ئیدیعایان کردووە کە ئەو پڕۆژە یاسایانە پێویستن بۆ ڕێگریکردن لە توندوتیژی، سەرەڕای ئەوەی یاساکانی قەدەغەکردنی کردەوەی توندوتیژی و زیانگەیاندن بە موڵک و ماڵی پێشتر هەن لەکاتێکدا زۆرینەی ڕەهای ناڕەزایەتییەکان لە ئەمریکا ناتوندوتیژن. لە ویلایەتی مینیسوتا، جێبەجێکردنی یاسا – کە لەگەڵ دەزگاکانی دی3 وەرگرتووە – زیاتر لە هەزار دەستگیرکردن لە نێوان کانوونی دووەمی 2020 و ئەیلوولی 2021 دا ئەنجامدرا لەکاتێکدا خۆپیشاندەرانی ناتوندوتیژ هەوڵیاندا ڕێڕەوگۆڕین و فراوانکردنی. بۆری نەوتی 1097 میلی تار ساندز لە ڕێگەی زەوی و ڕێڕەوی ئاوی ڕەسەنەوە. بەلایەنی کەمەوە 967 تۆمەتی تاوانکاری تۆمارکراون لەنێویاندا سێ کەس کە بەپێی یاسای نوێی پاراستنی ژێرخانی گرنگی ویلایەتەکە تۆمەتبارکراون.
ئەمە بڵاوبکەرەوە:
مانگرتنی قیتارەکان لە ئینگلتەرە دەکرێت تا شەش مانگی تریش بەردەوام بێت
25/10/2023
یەکەم مانگرتنی سەرتاسەری لە هێڵی ئاسنی بەریتانیا لە ماوەی دەیان ساڵدا لە مانگی حوزەیرانی ٢٠٢٢ بانگهێشت کرا و لەو کاتەوە کرێکارانی شەمەندەفەر لە نقابەی RMT زیاتر لە ٢٠ ڕۆژ ناوبەناو مانیان گرتووە.
زیاتر لە ٢٠ هەزار ئەندامی سەندیکاکان لە سەرانسەری ئەو ١٤ کۆمپانیایەدا دەنگیان پێدرا کە گرێبەستیان لەگەڵ وەزارەتی گواستنەوەدا کراوە، ٩٠% دەنگیان داوە بە پێدانی ئیختیاری بەردەوامی سەندیکاکە بۆ مانگرتن، بە ڕێژەی ٦٤%ی بەشدارییان لە دەنگداندا کردووە. سکرتێری گشتی RMT، مایک لینچ، وتی ئەندامان “ئەرکێکی یەکلاکەرەوەیان بە سەندیکاکە داوە بۆ چالاکی مانگرتن لە داهاتوودا” لەکاتێکدا بەدوای یەکلاییکردنەوەی دانوستانێکدا کاردەکەن تاکو لە سەر کێشە درێژخایەنەکەی وەکو زیادکردنی کرێ و مەرجەکانی و هەلی کار و دەرکردنی کرێکاران .
ئاماژەی بەوەش دا : “ئەم دەنگدانەی زۆربە بە بەردەوامی مانگرتن پشتگیرییە بۆ نقابەی RMT بۆ کێشەکان ، بەو مانایە دێت کە ئێمە هێزی مانگرتنمان هەیە بۆ دەستەبەرکردنی ئۆفەرێکی باشتر. حکومەت کە لە ڕێگەی ئیختیاری گرێبەستییەوە لەسەر کۆمپانیاکانی بەڕێوەبردنی شەمەندەفەر ئەم ناکۆکییە کۆنتڕۆڵ دەکات، ئێستا دەبێت ڕێگە بە کۆمپانیاکانی قیتارەکان بدات تاکو بە ئۆفەرەکەدا بچنەوە بۆ ئەوەی بتوانین کاربکەین بۆ گەیشتن بە یەکلاییکردنەوەی گرفتەکا. بەڵام ئەگەر هیچ ئۆفەرێکی نوێ لە ئارادا نەبێت جارێکی دیکە ڕێوشوێنی مانگرتن دەگرینەبەر بۆ بەرگریکردن لە بژێوی ئەندامەکانمان”.
دوایین مانگرتن بۆ ڕاگرتنی شەمەندەفەرەکان لە سەرانسەری ئینگلتەرا لە میانی کۆنفرانسی پارتی پارێزگاران [پارتی حوکمڕان] لەم مانگەدا بوو. نقابەی مانگرتنەکە لەلایەن شۆفێرانی شەمەندەفەر لە نقابەی ئەسلەف ئەنجامدرا، کە بە دەنگی زۆرینە دەنگیان بە بەردەوامی چالاکیی مانگرتن دا کە لە مانگی حوزەیران کۆتایی هات.
تا ئێستا بەهانەی زیادنەکردنی کرێ لە لایەن حکومەت و کۆمپانیاکانەوە ئەوە بوو کە داوایان لە نقابە دەکرد کە ئۆفەرەکەیان بخاتە بەردەستی ئەندامانی نقابەکە . ئەمان بە بەجێگەیاندنی ئەو داخوازییە وایان دەزانی کە ئەندامەکانی نقابە بە ئۆفەرەکە ڕازی دەبن و کۆتایی بە مانگرتنەکانیان دەهێنن.
ئەمە بڵاوبکەرەوە:
نەتەنیاهو چەند منداڵی دیکە دەکوژێت بۆ تۆڵە سەندنەوە لە حەماس
25/10/2023
لە جەنگ و هێڕشی ئیسرائیل بۆ سەرغەززە وەك هەموو جەنگێكی دیکە قوربانیانی جەنگ بەشی شەیری بەر منداڵان و ژنان و پیر و کەمئەندام خاوەنپێداویستی تایبەتی دەکەوێت .
تاکو ڕۆژی ٢٢ی مانگ ژمارەی منداڵانی کوژراو ٢٠٣٦٠ منداڵ بووە کە دەکاتە لە سەدا ٤٠ی ڕێژەی هەموو کوژراوانی غەزە، ژمارەی بریندارانیش ٣٢٥٠ بووە ، سەرەتای هەفتەی پێشوو هەموو ١٥ خولەکێك منداڵێك کوژراوە. ١٢٤٠ لەو منداڵە بریندارانە پێویستیان بەتەنگەوەهاتن و چاودێری تایبەتی هەیە.
تەندروستی دەروونی منداڵانی خوار ١٨ ساڵ کە ٤٧%ی دانیشتوانی غەززەیە کە ٢.٣ ملیۆن دانیشتووی غەززە پێکدەهێنن (بە بەراورد لەگەڵ ٢٢% لە ئەمریکا و ٣٣% لە ئیسرائیل)، ساڵانێکە لە قەیراندایە. لە ڕاپۆرتێکدا ساڵی ڕابردوو دەرکەوتووە کە چوار لە پێنج کەس دەڵێن تووشی خەمۆکی، خەم یان ترس دەبن – ئەمەش تێکچوونێکی بەرچاوە بە بەراورد بە توێژینەوەیەکی ساڵی٠١٨ ٢
لە ڕاپۆرتەکەدا هاتووە، زیاتر لە نیوەی منداڵانی غەززە بیریان لە خۆکوشتن کردووەتەوە و لە پێنج منداڵ سێیان زیان بە خۆیان دەگەیەنن. دۆزینەوەکانی لەلایەن لێکۆڵینەوەکانی ئەم دواییەی کاریگەرییە دەروونییە نەرێنییەکانی “جەنگی درێژخایەن” لەسەر مێشکی گەنجان پشتگیری دەکرێن.
کوشتن و بەئامانجکردنی خەڵکی سڤیل بەتایبەتی منداڵان بەپێی یاسا مرۆییە نێودەوڵەتییەکان نایاساییە. ڕێککەوتننامەکانی ژنێڤی ساڵی ١٩٤٩ کە شەڕی چەکداری بەڕێوەدەبەن، باس لەوە دەکەن کە دەبێت منداڵان بپارێزرێن و مرۆڤانە مامەڵەیان لەگەڵدا بکرێت. ئیسرائیل لە ساڵی ١٩٥١دا ڕێککەوتننامەکانی پەسەند کرد.
ڕێکخراوی لێبوردنی نێودەوڵەتی هەفتەی ڕابردوو بەڵگەی وردی لەسەر ئەو شتانە بڵاوکردەوە کە بە وتەی خۆی تاوانی جەنگە. ئاماژەی بەوەشکردووە، هێزەکانی ئیسرائیل “بێبایەخێکی شۆککەریان بە ژیانی مەدەنییەکان نیشانداوە“.
لەگەڵ هەموو ئەمانەشدا نەتەنیاهو و جێنڕاڵەکان نایەنەوێت شەڕەکە بوەستێنن چونکە وەستانی شەڕەکە یانی دەرکردنی ئەوان و سەرۆکی تۆڕێ سیخووڕیی مووساد و سەرۆکی پۆلیس. ئیسرائیل گەورەترین شکستی بەخۆیەوە دی کە شکستی ئاوای لە دروستبوونییەوە نەدیوە. بڕیاری چونە ناو غەزە و گەڕان بەدوای چەکدارانی حەماس و هەوڵی چوونە ناو تەناڵەکانیانەوە شکستێکی دیکە تۆمار دەکات.
ئەمە بڵاوبکەرەوە:
ناوی پەرتووک: داهاتوویەک کە بەهەموومان دروستی دەکەین
ناوی پەرتووک: داهاتوویەککە بەهەموومان دروستی دەکەین
نوسراوی: گروپی شاری یاخی
وەرگێڕانی: زاهیر باهیر
دیزاین و ئامادەکردنی: شاخەوان عەلی
ساڵی چاپ: ٢٠٢٣
چاپکردن:چاپخانەی بینایی
شوێنی چاپکردن: سلێمانی
بۆ داگرتنی کتێبەکە و خوێندنەوەی، لەسەر ئەو لینکە کلیک بکەن
داهاتوو کۆتا جار.pdf (AutoRecovered)
ئەمە بڵاوبکەرەوە:
نا بۆ جەنگ لە هەر کوێی جیهان بێت
نا بۆ جەنگ لە هەر کوێی جیهان بێت
نا بۆ چەک
نا بۆ جەنگ
نا بۆ حکوومەت
نا بۆ سەروەریی چینایەتی
نا بۆ جەنگ لە هەر گۆشەیەکی جیهان بێت، چ لە ڕۆژاڤا/سووریە، چ لە ئۆکرانیا و کاراباخ و فەلەستین و ئیسرائیل و …تد، چ لە کیشوەرەکانی دیکەی جیهان! ئێمە دژی جەنگ بووین و هەین و دەبین، دژایەتی جەنگ یەکێکە لە سەنگەرەکانی بەرەنگاربوونەوە دژی سەروەریی چینایەتی و سیستەمە جیهانییەکەی؛ دژی حکوومەتە جیهانییەکەی سەرمایەداری و پارچەکانی لە هەرێمەکانی جیهان.
جەنگ بۆ ئێمەی ئەنارشیست! بەس هێرشی چەکدارانە و بۆمبارانی گوند و شارەکان نییە، جەنگ بوونی سەروەریی چینایەتییە، پاوانکردنی سەرچاوەکانی ژیان و چەپاوڵکردنی داهاتی ڕەنجی چەوساوانی کۆمەڵە؛ بازرگانیکردنە بە زانیاری و زانست، دەستگرتنە بەسەر قووتی خەڵک، ناچارکردنی مرۆڤەکانە بە هەڵهاتن و ڕەوکردن، زیندانی کردنی ناڕازییانە، تیرۆرکردنە، سەرکوتکردنە؛ حکوومەتکردنە، بەرتەریی دەستەبژێرانە، بوونی کۆمەڵی چینایەتییە.
لەبەر ئەوە، بەس دژایەتی جەنگی چەکدارانە و چاونووقاندن لە ئاست بەشە شاردراوەکانی دیکەی جەنگ، ڕازیبوونە بە سەروەریی چینایەتی و دواجاریش داواکردنە لە حزبەکان و میلیشیاکان و حکوومەکان، کە ژیر و زانا بن و برایانە پێکەوە مرۆڤایەتی بچەوسێنەوە و ژینگە وێران بکەن و سەروەر بمێننەوە و کۆمەڵی چینایەتی بپارێزن؛ ئەوەش هەمیشە داخوازی ڕەوتە ڕیفۆرمیستەکان بوە و هەیە دەبێت، سەرەنجامیش بەس سەروەریی چینایەتی تۆکمەتر و پارێزراوتر دەکات و زنجیرە چینایەتییەکانی ئێمەی چەوساوە بەهێزتر و توندتر دەکاتەوە!
ئێمە دژی جەنگی چەکدارانە بووین و هەین و دەبین! ئەو دژایەتییەش بەشێکە لە دژی جەنگە چینایەتییە فراوان و جیهانییەکە و تاکو کۆمەڵی چینایەتی و حکوومەتەکان و سنوورەکان و شوناسە ڕامیارییەکان بمێنن، جەنگ بەردەوام دەبێت، چونکە کۆمەڵ و سیستەمی چینایەتی بەبێ جەنگ ناتوانن بەردەوام بن و بمێننەوە.
بەگوێرەی ئەزموونەکانی خەباتی چەوساوانی جیهان، بەرەنگاری جەنگە چەکدارییەکان، هەنگاوی یەکەم بە بەرەنگاربوونەوەی ڕاستەوخۆ و خۆجێی چەوساوانی کۆمەڵە ژێردەستەکانی حکوومەتە بەشەڕهاتوەکان دەبێت و هەنگاوی دوەم هاوپشتی جیهانیی چەوساوان دەبێت بۆ چەوساوانی هەرێمە بەشەڕدراوەکان و بەرەنگاربوونەوەی حکوومەکانی دیکە، کە لە بەرە جەنگکەرەکان پشتیوانی دەکەن؛ بەس بە هێزی یەکگرتن و بەرەنگاریی ئێمەی چەوساوە دەتوانرێت چەرخەکانی چەکسازیی و بازارەکانی چەکفرۆشتن ڕادەگیردرێن و مەیدانەکانی جەنگ چۆڵ دەکرێن. بێجگە لە وەها سەنگەرگرتنێکی ئێمەی چەوساوان دژی سیستەمی چینایەتی، وەستانی هەمیشەیی جەنگەکان ئەستەم دەبێت و تەنانەت نەبوونی جەنگی چەکدارانە و ئاشتیش لە خزمەت و بەرژەوەندی حکوومەتەکان و کۆمپانییە جیهان–داگرەکان تەواو دەبن!
نا بۆ جەنگ بە هەموو شێوە و ئاستەکانییەوە
نا بۆ حکوومەت بە هەموو جۆرەکانییەوە
بەرەو جەنگی جیهانیی چەوساوان دژی سیستەم و کۆمەڵی چینایەتی
سەکۆی ئەنارکیستانی کوردیی–زمان
١٩ی ئۆکتۆبەری ٢٠٢٣
Anarkistan ئەنارشیستان 
پێویستە لە ژوورەوە بیت تا سەرنج بنێریت.