له‌ ئاژاوه‌نانه‌وه‌ بۆ گفتوگۆی ده‌سه‌ڵات و پارته‌ ئۆپۆزسیۆنه‌کان و هاوپشتی په‌نانه‌کی خۆراوا له‌ دیکتاتۆر

دوێنێ پاش ئه‌وه‌ی که‌ سوارگه‌لێك به‌ وشتر و ئه‌سپه‌وه‌ دڕیان به‌ کۆبوونه‌وه‌ی نارازییان دا و که‌وتنه‌ تێکدان، ئاژاوه‌ که‌وته‌ نێوان خه‌ڵکه‌که‌، پاش ئه‌وه‌ی که‌ جه‌ماوه‌ری یه‌ك ملیۆنی مه‌یدانی ئازادی قسه‌کانی دیکتاتۆریان به‌ هه‌ند وه‌رنه‌گرت، به‌کرێگیراوانی پێشتر ئاماه‌کراوی ڕژێم له‌ پۆشاکی سڤیلیدا، که‌وتنه‌ لێدانی ئازادیخوازان و سوپا که‌ جێگه‌ی پۆلیسیشی گرتووه‌ته‌وه‌، هیچ هه‌ڵوێستێکی نیشان نه‌دا و ئه‌م بێهه‌ڵویستییه‌ نیشانی دا، که‌ پیلانێکی هه‌مه‌لایه‌نه‌ی ده‌سه‌ڵاتداران و نۆکه‌رانی له‌ ئارادایه‌ و سوپاش که‌ تا ڕۆژی 01ی فیبریوه‌ری نزیکی خۆی له‌ به‌ره‌ی جه‌ماوه‌ر نیشان ده‌دا، به‌و بێده‌نگییه‌ هاوده‌ستی خۆی له‌ته‌ك دیکتاتۆر و سیخوره‌کانی خسته‌ڕوو و به‌هۆی به‌رده‌وامی پێکددانه‌کان هه‌ژمارێکی زۆر کوژران و سه‌دان برینداریش له‌ هه‌ردوولا.

ئه‌مڕۆ پاش ئه‌وه‌ی پیلاگێری ده‌سه‌لات و داروده‌سته‌که‌ی له‌ ئاژاوه‌کانی دوێنێدا ده‌رکه‌وت و زۆرێك له‌ بینه‌رانی بیانی گه‌واهی ئه‌وه‌ ده‌ده‌ن و هه‌روه‌ها له‌و ئاژاوه‌دا ژماره‌یه‌ك ڕۆژنامه‌گه‌ر و هه‌واڵێری بیانی که‌وتنه‌ به‌ر هێرش لێدان، قسه‌گه‌رانی ده‌سه‌لات رایانگه‌یاند که‌ له‌ته‌ك 12 گروپی ئۆپۆزسیۆن له‌ گفتوگۆدان، که‌ ئه‌مه‌ش جارێکی دیکه‌ نیشانی ده‌داته‌وه‌، که‌ ئه‌وه‌ی به‌ ئۆپۆزسیۆنی فه‌رمی و پارته‌ رامیاره‌کان ناسراون، هه‌میشه‌ سه‌ره‌داوگه‌لیکی شاراوه‌ به‌ ده‌سه‌ڵاته‌وه‌ ده‌یانبه‌ستێته‌وه‌ و کاتێك که‌ بزانن جڵه‌وی جه‌ماوه‌ر و ڕووداوه‌کان له‌ ده‌ستییان ده‌رده‌چیت، پێ ده‌که‌نه‌ که‌وشه‌ پاژنه‌ ئاسنینه‌کانی ده‌سه‌ڵات و له‌ تیاچوون رزگاری ده‌که‌ن.

هاوکات میدیای خۆراوا خه‌ریکی ترساندنی خه‌ڵکه‌ به‌وه‌ی که‌ چاوه‌ڕوان ده‌کرێت نوێژی ڕۆژی هه‌ینی 04ی فێبریوه‌ری، ببێته‌ هۆی ئاژاوه‌یه‌کی گه‌وره‌، ئه‌مه‌ به‌شێکه‌ له‌و شێواندنانه‌ی که‌ ده‌سه‌ڵاتدارانی خۆراوا له‌ رێی ماسمیدیاوه‌، مێشکی پێ ژاراوی ده‌که‌ن و ده‌یانه‌وێت خه‌ڵکی ئازادیخواز له‌ ئه‌وروپا له‌ هه‌ستان به‌ هاوپشتی و فشارخستنه‌ سه‌ر سه‌فاره‌تخانه‌کان و کونسولییه‌کانی ده‌وڵه‌تی میسر و ولاتانی دیکه‌ی دیکتاتۆر، بگێڕنه‌ دواوه‌، له‌ لایه‌کی دیکه‌وه‌، ئه‌گه‌ر پێویست به‌ پیلانێکی له‌و جۆره‌ هه‌بوو، پێشتر زه‌مینه‌که‌یان له‌ هۆشی خه‌ڵکدا ئاماده‌ کردبێت.

ئه‌گه‌ر سه‌رنجی ڕه‌وتی ڕووداوه‌کان بده‌ین و له‌ کارکردی هه‌ردوو به‌ره‌ له‌ جیهاندا وردبینه‌وه‌، ئه‌وا به‌ره‌ی ده‌سه‌ڵات له‌ سه‌رتاسه‌ری دونیادا به‌جۆرێك له‌ جۆره‌کان خه‌ریکی هاوپشتی و راگرتنی دیکتاتۆره‌کانی باکووری ئه‌فه‌ریکا و خۆرهه‌ڵاتی ناوه‌راستن، به‌ڵام له‌ به‌رامبه‌ردا ئازادیخوازان و خه‌ڵکی چه‌وساوه‌ واقیان وڕماوه‌ و به‌ ترس و گومانه‌وه‌ له‌ وێنه‌کانی راپه‌ڕین ده‌ڕوانن. ئه‌مه‌ نیسانه‌ی زاڵی ماسمیدیا و ئۆپۆزسیۆنی ده‌سه‌لاتخوازه‌ به‌سه‌ر هۆشی جه‌ماوه‌ردا، ئه‌گینا هیچ بیانوویه‌ك نییه‌، بۆ گێڕانه‌وه‌مان له‌ به‌شداری و سازدانی خۆپیشاندانی هاوپشتی و فشارخستنه‌ سه‌ر بنکه‌کانی ده‌وڵه‌تی میسر له‌ وڵاتان.

هه‌ر بێه‌نگییه‌ك له‌ به‌رامبه‌ر پیلانگێڕی ده‌وڵه‌تان بۆ خامۆشکردنی ڕاپه‌رین و به‌رگرتن به‌ په‌ڕینه‌وه‌ی بۆ ولاتانی دیکه‌ی ناوچه‌که‌، هاوده‌ستی و هاوپشتییه‌ له‌ته‌ك ده‌سه‌ڵاتداران. ڕزگارکردنی راپه‌ڕینی جه‌ماوه‌ری میسر له‌ به‌رده‌م پیلانگێری ده‌وله‌تان، خۆبه‌خۆ بردنه‌پێشه‌وه‌ی خه‌باتی نێونه‌ته‌وه‌ییه‌ به‌ره‌و کۆتاییهێنان به‌ دیکتاتۆره‌کان و نزیککردنه‌وه‌ی دیکتاۆره‌کانی لای خۆشمان له‌و مه‌رگه‌ بێگه‌ڕانه‌وه‌یه‌.

ڕاپه‌ڕین له‌ مه‌غریبه‌وه‌ بۆ یه‌مه‌ن، هه‌مان داخوازی و په‌یامی چه‌وساوه‌کانی کوردستانی هه‌یه‌، هه‌مان داخوازی کرێکارانی به‌نگلادیش و هه‌مان خه‌ونی خه‌ڵکی ئازادیخوازی ئێرانی هه‌یه‌. هه‌روا که‌ سه‌رکه‌وتنی ڕاپه‌رین له‌ تونس، بۆ هاتنه‌مه‌یدانی راپه‌ڕیوانی جه‌زائیر و مه‌غریب و میسر ده‌گه‌ڕێته‌وه‌، سبه‌ینێش راپه‌ڕینی خه‌ڵکی کوردستان و عیراق و ئێرانیش، به‌بێ ئه‌و پشتیوانییه‌ هه‌رێمیی و جیهانییه‌، ئه‌سته‌مه‌ سه‌رکه‌وتن به‌ده‌ست بهێنێت، هه‌ر له‌به‌ر ئه‌وه‌ هه‌ر جۆرێك له‌ پشتیوانی له‌ خه‌ڵکی ئازادیخوازی میسر له‌ ئه‌وڕۆکه‌دا ، ده‌بێته‌ مسۆگه‌رگه‌ری سه‌رکه‌وتنی بزاڤی خۆجێییه‌کانی خۆمان له‌ ئه‌مڕۆ یا به‌یانی و داهاتوودا.

جارێکی دیکه‌ ڕووداوه‌کان نیشانیان دایه‌وه‌، که‌ ڕاپه‌ڕین وه‌ك سه‌ربه‌خۆترین شێوازی جه‌ماوه‌ری ڕوخاندنی دیکتاتۆره‌کان، زۆر له‌ ده‌نگدان به‌م لیست و به‌و پیاوچاك کاراتره‌ و ڕاپه‌ڕین ده‌نگ و خه‌باتی راسته‌وخۆی جه‌ماوه‌رییه‌ و په‌رده‌ له‌سه‌ر ناپێویستی مامۆستایه‌تی و رابه‌رایه‌تی رامیاران و پارته‌کان و ئۆپۆزسیۆنه‌ فه‌رمییه‌کان لاده‌دات. راپه‌ڕین سه‌لماندییه‌وه‌، که‌ ویست و هوشیاری جه‌ماوه‌ر له‌ نه‌خشه‌ڕێژی ده‌سته‌بژێره‌کان و جوینه‌وه‌ی وته‌ی نێو په‌رتووکه‌ تۆزلێنیشتوه‌کان کاراتره‌.

هاوڕێیانی ئازادیخواز له‌ هه‌ر کوێیه‌کی ئه‌م جیهانه‌ هه‌ن

وه‌ك ئاگادارن هاوڕێییانی ئازادیخواز له‌ میسر و یه‌مه‌ن و ئوردون و جه‌زائیر و مه‌غریب که‌وتوونه‌ته‌ به‌ر هێرش، به‌تایبه‌ت دوابه‌دوای خرۆشانه‌ ملیۆنییه‌که‌ی دوێنێ 01ی فێبریوه‌ری له‌ مه‌یدانی ئازادی قاهیره‌، له‌لایه‌ن به‌کرێگیراوانی ده‌وڵه‌ته‌وه‌ له‌ پۆشاکی سڤیلیدا و وه‌ك به‌شێك له‌ خۆپیشانده‌ران، هێڕش ده‌که‌نه‌ سه‌ر نه‌یارانی ده‌سه‌ڵات.

ده‌وڵه‌تی میسر خاوه‌نی 1.4 ملیۆن هیزی پۆلیس و زیاتر له‌ ملیۆنێك سیخور و هێزی تایبه‌تییه‌ و ئه‌م ‌هێزانه‌ی وه‌ك لایه‌نگر له‌ ده‌وڵه‌ت به‌رداوه‌ته‌وه‌ گیانی ئازادیخوازانی ،میسر و گه‌رماوی خوێنی به‌ڕێخستووه‌.

با به‌هه‌ر جۆرێك بۆمان ده‌کرێت فشار بخه‌ینه‌ سه‌ر ده‌وڵه‌ته‌ خۆجێییه‌کان و سه‌فاره‌ت و کونسلییه‌کانی میسر، یه‌مه‌ن، ئوردون، جزائیر، مه‌غریب و لیبیا و سوریه‌ و عه‌ره‌بستانی سعودی و ولاتانی تری هاوکاریان.

با شانبه‌شانی ئازایخوازانی باکووری ئه‌فریکا بۆ ئازادی بجه‌نگین، چونکه‌ تێكشکانی ده‌سه‌ڵاته‌ دیکتاتۆره‌کانی ئه‌فریکا و ئاسیا، پایه‌ی ده‌وڵه‌ته‌ زلهیزه‌ سه‌رمایه‌ارییه‌کان لاواز ده‌کات و به‌ره‌ی خه‌باتی جیهانی فراوان ده‌کات، سه‌رکه‌وتنی ڕاپه‌ڕین و به‌ره‌ی ئازادیخواز له‌ گره‌وی هاوپشتی هه‌مه‌لایه‌نه‌ی نێونه‌ته‌وه‌یی ئێمه‌ی قوربانیانی سه‌رکو‌تگه‌رییه‌ ئابووریی و سه‌ربازیی و ڕامیارییه‌کانی سیسته‌می سه‌رمایه‌داریدایه‌ ..

سه‌رکه‌وتوو بێت خه‌باتی ئازادیخوازانی میسر

به‌هێز بێت هاوپشتی جهیانی ئازادیخوازان

آنارشیستهای ایران – صدای آنارشیسم

سه‌کۆی ئه‌نارکیستانی کوردستان

Hawrrêyanî azadîxwaz le her kwêyekî em cîhane hen

Wek agadarn hawrrêyyanî azadîxwaz le mîsr û yemen û urdun û cezaîr û mexrîb kewtûnete ber hêrş, betaybet dwabedway xroşane milyonîyekey dwênê 01î fêbrîwerî le meydanî azadî qahîre, lelayen bekrêgîrawanî dewlletewe le poşakî svîlîda û wek beşêk le xopîşanderan, hêrrş dekene ser neyaranî desellat.
Dewlletî mîsr xawenî 1.4 milyon hîzî polîs û zyatir le milyonêk sîxur û hêzî taybetîye û em hêzaney wek layengir le dewllet berdawetewe gyanî azadîxwazanî ,mîsr û germawî xwênî berrêxistuwe.
Ba beher corêk boman dekrêt fşar bxeyne ser dewllete xocêyyekan û sefaret û kunsilîyekanî mîsr, yemen, urdun, czaîr, mexrîb û lîbya û surye û ‘erebistanî s’udî û wlatanî trî hawkaryan.
Ba şanbeşanî azayixwazanî bakûrî efrîka bo azadî bcengîn, çunke têkişkanî desellate dîktatorekanî efrîka û asya, payey dewllete zilhîze sermayearîyekan lawaz dekat û berey xebatî cîhanî frawan dekat, serkewtinî raperrîn û berey azadîxwaz le grewî hawpiştî hemelayeney nêwneteweyî êmey qurbanyanî serkutgerîye abûrîy û serbazîy û ramyarîyekanî sîstemî  sermayedarîdaye ..

Serkewtû bêt xebatî azadîxwazanî mîsr
Behêz bêt hawpiştî cihyanî azadîxwazan

Anarchistani Iran: Dengi Anarchism

Sekoy Anarkistani Kurdistan

به‌ڵگه‌نامه‌ی نێوخۆیی ده‌زگه‌ سیخورییه‌کانی ڕژێمی میسر بۆ تێکدانی ڕیزه‌کانی جه‌ماوه‌ر و تێکشکاندنی راپه‌ڕین



الثلاثاء 1 شباط (فبراير) 2011

تعيش انتفاضة الشعب المصري

ما يحدث هذه الأيام في مصر هو تعبير عن الظلم والاضطهاد الذي يعانيه الناس من الدولة والرأسمالية، ومن الدكتاتوريات التي تفرض أنظمة الطوارئ وتحارب حقوق وحريات الناس.

إننا لسنا متفاجئين من رد فعل الطبقة الحاكمة، في منطقتنا غالبا ما شاهدناه من ردة فعل الحكومة الإيرانية ضد الشباب وصولا إلى ردة الفعل ضد الانتفاضة التونسية. الدولة دائما تستخدم العنف ضد الناس المطالبين بالتغيير.

الانتفاضة المصرية بدأت ونظمت ذاتيا من قبل الشباب المصري بهدف إسقاط حسني مبارك ودكتاتورية الحزب الوطني، وبهدف الحرية والعدالة الاجتماعية.

إننا نأمل من مجموعات العمال والشباب تطوير عملهم بشكل مستقل ومنظم ذاتيا، لحماية الانتفاضة من السقوط تحت سيطرة الأحزاب السياسية والمنظمات الدينية.

فقط هذا ما يمكنه الوقوف في وجه بربرية نظام مبارك.

تعيش الشيوعية التحررية.

الفيدرالية التحررية اللبنانية

الخميس 27/1/2011

کارمان ژنه‌ ڕۆژنامه‌گه‌ری ئازادیخواز، که‌ ڕۆژی یه‌کشه‌ممه‌، له‌ خۆپیشاندانه‌کانی یه‌مه‌ندا به‌شداری چالاکانی کرد. ڕۆژی دووشه‌ممه‌ ژنانی ئازادیخوازی یه‌مه‌ن، له‌ خۆپیشاندانێکی هه‌زاران که‌سیدا له‌ژێر ئه‌م دروشمه‌دا “یا عصابة الاشرار، الشعب الیمنی الاحرار” به‌ره‌و به‌رده‌رگه‌ی زیندان به‌ڕێکه‌وتن و خوازیاری ئازادی کارمان بوون.

[http://www.reuters.com/resources_v2/flash/video_embed.swf?videoId=180067831]

ئه‌گه‌ر ڤیدیۆکه‌ نیشان نه‌درا، بۆ بینینی ڤیدیۆکه‌ کلیکی ئه‌م لینکه‌ بکه‌

http://www.reuters.com/resources_v2/flash/video_embed.swf?videoId=180067831

دووبه‌ره‌کی نانه‌وه‌ له‌ نێو ڕیزی خۆپیشانده‌ران، پیلانی لاوازکردنی به‌ره‌ی جه‌ماوه‌ر

ده‌سه‌لاتداران پاش ئه‌وه‌ی که‌ هه‌ڕه‌شه‌ و بڕینی هیڵی مۆبایل و ئنته‌رنێت و داخستنی پێگه‌ کۆمه‌ڵایه‌تییکانی وه‌ك فه‌یسبووك دادی نه‌دان، گه‌ڕانه‌وه‌ سه‌ر تاکتیکه‌ کۆنه‌کان و به‌ دووبه‌ره‌کی دروستکردن، توانییان جه‌نگی جه‌ماوه‌ر به‌ره‌و داگیرکردنی پارله‌مان و هێناخواره‌وه‌ی ده‌سه‌ڵاتداران، بگۆڕن به‌ جه‌نگی به‌شێکی خه‌ڵک دژی به‌شه‌ خۆشباوه‌ڕ و پارێزه‌که‌ی دیکه‌ی که‌ تا دوێنێ بوو، دیاری نه‌بوو و به‌ درێژایی خۆپیشاندانه‌کان ده‌نگێکی پڕۆ موباره‌ك ئاماده‌ نه‌بوو، که‌چی ئه‌مڕۆ به‌یانی پاش خۆپیشاندانی ملیۆنی دوێنێ و سووکایه‌تی موباره‌ك به‌ خه‌ڵک و دانی به‌لێنی ساردگه‌رانه‌وه‌ و که‌مگرتنی ناڕه‌زایه‌تی خه‌ڵك، له‌ سووچێکی مه‌یدانی ئازادیدا کۆمه‌ڵێك به‌ دروشمی لایه‌نگری له‌ موباره‌ك خۆیان نیشان دا و ئه‌مه‌ بووه‌ هۆی توڕه‌یی و ته‌قینه‌وه‌ی نارازییان و به‌یه‌کدا هه‌ڵشاخانی هه‌ردوولا و له‌ دوانیوه‌ڕۆیی ئه‌مڕۆوه‌ ڕه‌وتی خۆپیشاندانه‌کان  گۆرا و بوو به‌ شه‌ڕه‌ به‌رد و په‌لاماری یه‌کتری و ده‌وڵه‌ت و هاوبه‌رژه‌وه‌نده‌ییه‌کانی و هێزه‌کانی سوپا و ئاساییش، بوونه‌ بینه‌ری به‌رهه‌مهاتنی پیلانه‌یه‌کان .

به‌پێی هه‌واله‌کان  له‌ ناوخۆوه‌، ئه‌وانه‌ی که‌ وه‌ك پشتیوانی له‌ موباره‌ك  له‌ پێکدا قوتبوونه‌وه‌، پیاوانی پۆلیس و ده‌زگه‌ سیخوڕییه‌کان و به‌کرێگیراوانن و له‌ پۆشاکی سڤیلیستدا خۆیان نشانداوه‌ و سووکایه‌تی به‌ نارازاییان له‌لایه‌ن ئه‌وانه‌وه‌ ده‌ستی پێکردووه‌ و به‌و جۆره‌ ئاراسته‌ی جه‌نگه‌که‌یان گۆرێوه‌.  ئه‌م باره‌ تازه‌یه‌ ئه‌گه‌ر ئاراسته‌ی به‌رده‌هاویشتنه‌کان به‌ره‌و بنکه‌کانی ده‌سه‌ڵات نه‌گۆڕدرێت، ئه‌وا دوور نییه‌،  ببێته‌ هۆی شکشتی ڕاپه‌ڕین.

خۆپیشاندانه‌کانی ئوردون، وێرای ناچارکردنی پاشا عه‌بدوڵڵا به‌ ده‌رکردنی شالیاری ناوخۆ، شانبه‌شانی خۆیشاندانه‌کانی میسر، به‌ردوامن

دیکتاتۆره‌کانی ناوچه‌که‌ و ده‌وڵه‌ته‌ دێمۆکراته‌کانی ئه‌وروپا و ڕێکخستنه‌وه‌ی دژه‌شۆرش

پاش ئه‌وه‌ی که‌ هێزه‌کانی پۆلیس ناچاربوون خۆیان بکێشنه‌وه‌، سوپا به‌ تاکتیکی راگه‌یاندنی فریودانی خه‌ڵك، توانییان جۆرێك له‌ ئارامی و به‌رته‌سککردنه‌وه‌ی داخوازییه‌کانی ناڕازییان به‌ ته‌نیا وازهێنانی موباره‌ك و چاوه‌ڕوانی، زه‌مینه‌ی گاڵته‌جاری مانه‌وه‌ی موباره‌ك تا مانگی نۆڤه‌مبه‌ری داهاتوویا ڕه‌خساند و هاوکات تێکه‌ڵکردنی به‌کرێگیراوی خۆراوا ئێلبارادا، جۆرێك له‌ خۆشباوه‌ڕیی به‌ به‌شێك له‌ نارازییان ببه‌خشن و به‌و جۆره‌ لایه‌نگرانی موباره‌ك و به‌کرێگیراوانی خۆراوا، ئه‌م به‌یانییه‌ به‌ پاراستن و پشتیوانی سوپا ڕژانه‌ سووجێکی مه‌یدانی ئازادی و له‌ به‌رامبه‌ردا سوپا داوا‌ له‌ خه‌ڵك ده‌کات بچنه‌وه‌ ماڵ و واز له‌ خۆپیشاندان بهێنن.

هه‌رچه‌نده‌ وه‌ك ده‌زانین له‌ سیسته‌مه‌ دیکتاتۆرییه‌کانی خۆرهه‌ڵاتی ناوه‌ڕاست و باکووریی ئه‌فریکادا ده‌وڵه‌ت به‌ ناچارکردنی له‌شکری فه‌رمانبه‌ران و کرێکاران و خوێندکاران و به‌شه‌کانی تری موچه‌خۆر، خه‌ڵك ده‌کێشێته‌ پای پشتیوانی له‌ مانه‌وه‌ی خۆی. به‌ڵام له‌م باره‌ی میسردا، پیلانی ده‌ره‌کی بۆ ڕزگارکردنی که‌شتی نووقمبووی ده‌سه‌لات ڕۆڵی گه‌وره‌ ده‌بینێت، ئه‌مه‌ش ته‌نیا بۆ پاراستنی دۆسته‌ سه‌ره‌کییه‌که‌ی ئه‌مه‌ریکا و ئه‌وروپا له‌ ناوچه‌که‌دا نییه‌، به‌ڵکو بۆ پاراستنی دیکتاتۆره‌کانی دیکه‌ی وه‌ك ئه‌سه‌د و قه‌زافی و عه‌لی عه‌بدوڵڵا و پاشای ئوردون و سعودیه‌ و ده‌سه‌ڵاتی سه‌پینراوی خۆراوایه‌ له‌ عیراقدا.

ئه‌گه‌ر بێتو دروشمی “بڕۆ موباره‌ك” نه‌گۆڕدرێت به‌ دروشمی “دادگایی ده‌ستبه‌جێی موباره‌ك و ده‌سته‌پێوه‌نده‌کانی” و روخانی میری و هه‌نگاو بۆ ده‌ستبه‌سه‌رداگرتنی ناوه‌نده‌کانی کار و فه‌رمانگه‌ و خوێندگه‌کان نه‌نرێت و ڕاپه‌ڕین بۆ ئاڵوگؤری ڕامیاریی نه‌گۆڕدرێت به‌ راپه‌ڕین له‌پێناو ئاڵوگۆڕی ئابووریی و کۆمه‌ڵایه‌تی له‌ خواره‌وه‌را و ڕێکخستنه‌وه‌ی به‌ڕێوه‌به‌رایه‌تی جه‌ماوه‌ری سه‌ربه‌خۆ، شانبه‌شانی مانگرتنی گشتی و سه‌رتاسه‌ری و خۆپیشاندانی هێرشبه‌رانه‌ نه‌کرێت، ئه‌وا به‌ زوویی دژه‌شۆڕش خۆی ڕێکده‌خاته‌وه‌ و نارازییان ده‌ئاخنرێنه‌وه‌ زیندانه‌کان و موباره‌ك و میرایه‌تییه‌که‌ی له‌ سه‌روه‌ری کۆمه‌ڵگه‌دا ده‌مێننه‌وه‌ و زیاتر له‌ پێشتر به‌رژه‌وه‌ندی کۆمپانییه‌ ئه‌وروپییه‌کان و ئیسرائیل و ئه‌مه‌ریکا مسۆگه‌ر ده‌که‌ن.

تا کاتێك که‌ ڕاپه‌ڕین نه‌بێته‌ هۆی په‌کخستنی کاروباره‌ ئابوورییه‌کانی خۆراوا و په‌کخستنی گواستنه‌وه‌ی نه‌وت له‌ ته‌نگه‌به‌ری سویس، ئه‌وا ده‌وڵه‌ته‌ دێمۆکراته‌کان ده‌ستبه‌رداری پشتیوانی ڕژێمی دیکتاتۆری میسر و هاوخوانه‌کانی نابن.