دانیشتنی ئه‌مساڵی ژنه لێسبنه ئۆتۆنۆم – فێمینیسته‌کان له ڕێکه‌وتی 09-14ی ئه‌پڕیلی 2009 له پایته‌ختی نه‌مسا/ ڤیه‌ن ده‌به‌سترێت
بۆ زانیاری زیاتر، کلیکی ئه‌م لینکه‌ی خواره‌وه بکه‌ن:
کۆنگره‌ی بزاڤی ئه‌نارکیستی له ئاڵمانیا
له ژێر سه‌ردێری ئه‌نارکیزم له سه‌ده‌ی بیست و یه‌کدا، ئه‌مسال له 10- 13ی ئه‌پریلی 2009دا له بێرلین کۆنگره‌ی ئه‌نارکیسته‌کان ده‌به‌سترێت.
هاتن و به‌شداری بۆ هه‌مووانه، بۆ زانیاری زیاتر له‌م باره‌وه، سه‌ردانی ئه‌م لینکه‌ی خواره‌وه بکه‌ن:
http://projekt-menschwerdung.com/wiki/index.php?title=Hauptseite
ئەمە بڵاوبکەرەوە:
کۆنگره‌ی بزاڤی ئه‌نارکیستی له بریتانیا
ئه‌مساڵ کۆنگره‌ی بزاڤی ئه‌نارکیستی له بریتانیا / له‌نده‌ن، ڕۆژی شه‌ممه 17ی جانیوه‌ری 2009 ، کاتژێر 1:30 ی پاشنیوه‌ڕۆ تا 6:00ی پاشنیوه‌ڕۆ له
Conway Hall
25 Red Lion Square
(London WC1 (nearest tube: Holborn
Bradford
کۆنگره‌یه‌کی کراوه‌یه و هه‌مووان بۆیان هه‌یه به‌شداری تێدا بکه‌ن.
بۆ زانیاری زیاتر کلیکی ئه‌م لینکه‌ی خواره‌وه بکه‌ن
http://www.ainfos.ca/en/ainfos22017.html
ئەمە بڵاوبکەرەوە:
ئیسرائیل – فه‌له‌ستین، ڕاگه‌یاندن و هیتر
ئیسرائیل – فه‌له‌ستین، ڕاگه‌یاندن و هیتر، 21 هه‌ڵسوراوی (گروپی ئه‌نارکیستانی دژه دیوار)*، له‌سه‌ر خۆپیشاندانیان دژی هێڕشه هه‌واییه‌کان بۆسه‌ر شاری ( غه‌ززه)، کۆتایی هه‌فته زیندانیی کران.
ڕێکه‌وتی: هه‌یینی، 02ی جانیوه‌ری 2009
سه‌ر له به‌یانی ئه‌ورۆ، (شانۆیی سه‌رشه‌قامی) پۆلیسی نهێنی «ته‌ل ئه‌بیب»ی به (دیمه‌نی مه‌رگ) له ده‌رگه‌ی بنکه‌ی هێزه هه‌واییه‌کانی «ته‌ل ئه‌بیب» دا، له‌وێنده‌رێ که فرۆکه‌وانه‌کان به ترومبێله‌کانیان به‌ره‌و ئه‌نجامدانی تاوانه ڕۆژانه‌ییه‌کانیان ده‌که‌ونه ڕێ.
له‌سه‌ر داوای شه‌رمنۆکانه‌ی پۆلیس له‌به‌ر ئه‌وه‌ی که نه‌یانتوانیوه ڕێگه له ڕوودانی بگرن، بڕیاری ئه‌م گرتنانه، به بیانووی پاراستنی ئاشتی له کاتی شه‌ڕدا له‌لایه‌ن دادگه‌ر (دادیار) ده‌رچووه، که ده‌بێت کۆتایی هه‌فته له زینداندا بمێننه‌وه.
ڕاگه‌یاندن: «ئه‌نارکیسته‌کان» ده‌رگه‌ی بنکه‌ی هێزه هه‌واییه‌کانی ته‌ل ئه‌بیب IAF دا وه‌ك ناڕه‌زایه‌تی به‌رامبه‌ر به بۆمبارانه‌کانی شاری «غه‌ززه» داگیر ده‌که‌ن —– بیست و یه‌ك 21 که‌س له گروپی ( ئه‌نارکیستانی دژه دیوار) به‌یانی ڕۆژی هه‌ینی پاش ئه‌وه‌ی که ده‌رگه‌ی بنکه‌ی هه‌وایی (Sde Dov Israel Air Force base) له باکووری ته‌ل ئه‌بیب داگیر ده‌که‌ن، ده‌گیرێن. نارازییان ده‌مامکی سپی له خوێن گه‌وزاوییان پۆشی بوو و له‌سه‌ر شه‌قامه‌که ڕاکشابوون و ڕۆڵی مردوویان ده‌گێڕا.
ئایالا Ayala یه‌کێك له خۆپیشانده‌ران، وتی ” مه‌به‌ستی خۆپیشانده‌ران ئه‌وه بوو، که نیشانی فرۆکه‌وانه‌کانی (IAF) بده‌ن، که به‌رئه‌نجامی فڕین و هێڕشه‌کانیان بۆ سه‌ر شاری «غه‌ززه» چییه. له به‌رزی هه‌زاران پێ له هه‌واوه، فرۆکه‌وانێك که دوگمه‌یه‌ك فشار ده‌دا یا تاقی ده‌کاته‌وه، له‌وانه‌یه پشتگوێی بخا له بیری بکا یا توانای ئه‌وه‌ی تێگه‌یشتنی ئه‌وه‌ی نه‌بێت، که له‌و ساته‌دا که‌سانی بێتاوان ده‌کوژێت، ئێمه هاتووین ئه‌وه‌یان به‌بیر بهێنینه‌وه”.
بۆ بینینی ڤیدیۆی چالاکییه‌که: http://www.youtube.com/watch?v=WpeC7P-2LfU
بۆ بینینی خۆپیشاندانه‌کانی دژی شه‌ڕ: http://www.youtube.com/watch?v=bB23y9WQOWE
سه‌رچاوه‌ی هه‌واڵ : http://haaretz.com/hasen/spages/1052261.html
سه‌رچاوه‌ی لێوه‌رگیراو : تۆڕی زانیاری ئه‌نارکیستی http://www.ainfos.ca/en/ainfos21987.html
* گروپی دژه‌دیوار له ساڵی 2003 ه‌وه سه‌ری هه‌ڵداوه و زۆربه‌ی هه‌ڵسوڕاوانی بریتین له ئه‌نارکیستانی ئیسرائیل و فه‌له‌ستین، له‌م بزاڤه‌دا ژنان ڕۆڵی به‌رچاوییان هه‌یه و پێش ئه‌م بزاڤه‌ش له ساڵی 1978ه‌وه بزاڤێك به‌ناوی (ئاشتی هه‌ر ئێستا) سه‌ریهه‌ڵداوه، که له درێژه‌ی ئه‌و بزووتنه‌وه‌دا ساڵی 15ی ئایاری 2004 نزیکه‌ی 250.000 که‌س له شاری ته‌ل ئه‌بیب له کۆبوونه‌وه‌یه‌کی سه‌رشه‌قامیدا ڕژانه سه‌ر شه‌قامه‌کان دژی هه‌نگاوه‌کانی شارۆن. بۆ سه‌ردانی پیگه ئینته‌رنێتییه‌کانی ئه‌م بزاڤانه، کلیکی ئه‌م لینکانه بکه‌ن:
ئاشتی هه‌ر ئێستا : http://www.peacenow.org.il/site/en/homepage.asp
گروپی دژه دیوار : http://awalls.org/ (و.کوردی
ئەمە بڵاوبکەرەوە:
هاوپشتی و هاوده‌نگی ئه‌نارکیسته‌کان بۆ زیندانیان له ئاڵمانیا
ئه‌و ساڵیش وه‌ك ڕێسایه‌کی خه‌باتکارانه‌ی جێکه‌وته‌ی ساڵانی ڕابوردوو، له ئه‌ڵمانیا ئه‌نارکیسته‌کان له ده‌وری زیندانه‌کان کۆبوونه‌وه و به دروشم و هه‌ڵدانی په‌یام، هاوده‌نگی و هاوده‌می خۆیان ڕاگه‌یانده‌وه.
کاتژێر 06:00ی ئێواره‌ی 31ی دێسه‌مه‌بری 2008 له‌به‌رده‌م زیندانی ئۆسندۆرف Ossendorf ی شاری کۆڵن Köln ئه‌نارکۆسه‌ندیکالیسته‌کان و هاوپشتیگه‌رانی ئازادی زیندانیان، کۆبوونه‌وه و به دروشم و خوێندنه‌وه‌ی په‌یامه‌کانیان، هاوده‌ردی و هاوده‌نگی و پشتیوانی خۆیان بۆ زیندانیان ده‌ربڕی و نیشانیان دا که ئه‌وان له‌بیرکراو نین و ڕووبه‌ڕووبوونه‌وه‌ی ئه‌وان له‌ته‌ك زیندانه‌وانه‌کان و ده‌ستووره‌کانی زیندان، به‌شێکه له خه‌باتی بێ وچانی خه‌باتی جه‌ماوه‌ری چه‌وساوان.
ئەمە بڵاوبکەرەوە:
یۆنان: ڕاپۆرته‌کانی ساڵی تازه
ڕێکه‌وتی : شه‌ممه، 3ی جانیوه‌ری 2009
شه‌وی سه‌ری ساڵ، زۆربه‌ی خه‌ڵك مانه‌وه‌یان له ماڵه‌وه یا چونیان بۆ باڕه‌کان هه‌ڵبژارد و هه‌مووان ئاهه‌نگی هاتنی ساڵی تازه‌یان گێڕا. به‌ڵام که‌سانێك هه‌ن، که له‌م ساته‌دا له نزیك ئه‌وانه‌ی که ته‌نیان و له زینداندان و له‌بیرکراون وه‌ستان، ئه‌وانه‌ی که هه‌رگیز باوه‌ڕییان به کۆتایی هاتنی خه‌باتی کۆمه‌ڵایه‌تی نییه. له یۆنان، کاتژێر 11:30 خوله‌کی شه‌و، چه‌ند خوله‌کێك پێش هاتنی ساڵی تازه، ئه‌نارکیسته‌کان و هاوپشتیگه‌ران له‌نزیك زیندانه‌کان له هه‌ر چوارلای وڵاته‌وه به دروشم و فیشه‌که‌شێته و ده‌مه‌ڵقاچان، په‌یامی خۆیان بۆ زیندانییه‌کان نارد، که ئه‌وان له‌بیر نه‌کراون. له‌وێ له ده‌ره‌وه‌ی زیندانه‌کانی ئه‌سینا Athens، پاتراس Patras، چانیا Chania، ئیراکلیۆ Irakleio، کۆبووبوونه‌وه و کاتێك که ساڵی گۆڕا، فیشه‌که‌شێته و ده‌مه‌ڵقاچانه‌کان هه‌ڵکران و دروشمی هاوپشتی بۆ زیندانیان هه‌ڵدران. زیندانییه‌کانیش له په‌نجه‌ره و که‌لێنه‌کانه‌وه سه‌یریان ده‌کرد و دروشمه‌کانیان له‌ته‌ك هه‌ڵکردنی ئاگرۆکه‌ی بچکۆله ده‌وته‌وه!
له ئه‌سینا نزیکه‌ی 1000 که‌س به‌شدارییان تێدا کرد. سه‌ره‌تا له نزیك زیندانی پیاوان وه‌ستان و پاشان چوونه لای زیندانی ژنان. هاوکات خۆپیشاندانی گچکه له ئارادا بوون، که ماشینی ئۆتۆماتیکی چه‌ند بانکێك و کامێرا چاودێره‌کانیان تێكشکاند. 6-7 ده‌سته‌ی کۆنترۆڵی تێکدان –پۆلیس- له‌و ناوه هه‌بوون، که هیچ کاردانه‌وه‌کیان نیشان نه‌دا.
بۆ بینینی وێنه و ڤیدیۆی لای زیندانی کۆریدالۆس Koridalosی ئه‌سینا، کلیکی ئه‌م لینکه بکه :
وێنه‌کان : http://athens.indymedia.org/front.php3?lang=el&article_id=958925#959017
ڤیدیۆ : http://www.youtube.com/watch?v=kCm4EVN8R7I
هیتر : http://athens.indymedia.org/front.php3?lang=el&article_id=959426
وێنه‌کانی نزیك زیندانی Ag. Stefanos
http://patras.indymedia.org/front.php3?lang=el&article_id=3654#3655
سه‌رچاوه‌ی هه‌واڵ: http://www.ainfos.ca/en/ainfos21996.html
ئەمە بڵاوبکەرەوە:
تورکیا: هاوپشتی بۆ ئه‌نارکیستانی یۆنان له ئیستانبول و ئیزمیر
تورکیا: هاوپشتی بۆ ئه‌نارکیستانی یۆنان له ئیستانبول و ئیزمیر
10ی دێسه‌مبه‌ری 2008
له ده‌سته و گروپی چه‌ند که‌سیدا (50-60) ئه‌نارکیست له ئیستانبول هێڕش ده‌که‌نه سه‌ر سه‌فاره‌تی یۆنان و دامه‌زراوه‌یه‌کی ئه‌و وڵاته و به بۆمبی ڕه‌نگی سوور و سپرای دیواره‌کانیان سوور کرد. پاش ئه‌وه به‌ره‌و لایه‌لی تری چوون و ده‌رگه‌ی سه‌فاره‌تیان شکاند و ترومبێلێکی سه‌فاره‌تیان تێکشاند، که له‌به‌رده‌م سه‌فاره‌تدا وه‌ستا بوو…
هه‌واڵێکی تر له ئه‌زمیر دوێنێ شه‌و گروپێك ئه‌نارکیست به سپرای دیاره‌کانی چوار ده‌وری کۆنسۆڵاتیان به دروشم و ڕه‌نگ سوور کرد…
ئەمە بڵاوبکەرەوە:
یۆنان: مانگرتنی سه‌رتاسه‌ری به‌رده‌وامه
نووسراوه له‌لایه‌ن: ستێڤین 10 دێسه‌مبه‌ری 2008
سه‌ره‌ڕای بانگه‌وازه‌کانی سه‌رۆکشالیاران له ده‌می هه‌ڵچوونه سه‌رتاسه‌رییه‌کاندا، مانگرتنی سه‌رتاسه‌ری له یۆنان ئه‌وڕۆ 10 دێسه‌مبه‌ری 2008 ده‌ستی پێکرد.
سه‌ندیکا گشتییه‌کانی «ADEDY» و «GSEE» که دوو ملیۆن و نێو (2.5) کارگه‌ر ده‌گرنه خۆ، واته نیوه‌ی هه‌ژماری گشتی هێزی کاری یۆنان ئه‌مڕۆ ده‌ست به مانگرتنی گشتی ده‌کات.
داخوازییه‌کانیان بریتین له راگرتنی پلانی که‌مکردنه‌وه‌ی خزمه‌تگوزارییه گشتییه‌کان و هێرش بۆ سه‌ر کڕێی کار و موچه‌ی خانه‌نشینان.
له ئه‌نجامی ئه‌م مانگرتنه‌دا بڕیاره تۆڕی هاتووچۆ و راگواستنی گشتی له یۆنان بوه‌ستێت، هه‌روه‌ها ژماره‌یه‌کی زۆر له کۆمپانیه‌کانی گه‌شته ئاسمانییه‌کان هه‌موو گه‌شته‌کانیان بۆ ناوخۆ و ده‌ره‌وه هه‌ڵوه‌شانده‌وه.
ئه‌گه‌ری ئه‌وه هه‌یه که ده‌یان هه‌زار له کارگه‌ران بڕژێنه سه‌ر شه‌قامه‌کان، پاش ئه‌وه‌ی به هۆی کوشتنی لاوێکی 16ساڵه‌وه شه‌قامه‌کان بوونه شوێنی ڕووبه‌ڕووبوونه‌وه‌ی خۆپیشانده‌ران و هێزه داپڵۆسێنه‌ره‌کانی پۆلیس.
سه‌رچاوه‌ی هه‌واڵ: http://libcom.org/news/greek-general-strike-go-ahead-10122008
ئەمە بڵاوبکەرەوە:
یۆنان، پاترا، هاوکاری فاشیسته‌کان بۆ هێزه‌کانی پۆلیس دژه به خۆپیشانده‌ران!!
یۆنان، پاتراس، هه‌واڵی به‌په‌له!!
فاشیسته‌کان هاوکاری پۆلیس ده‌که‌ن
چوارشه‌ممه، 10 دێسه‌مبه‌ری 2008-12-10
ئه‌وه پشتڕاست کرایه‌وه که له شاری پاتراس کۆمه‌ڵه فاشیسته‌کان هاوکاری پۆلیس ده‌که‌ن، ئه‌وه‌ی که ڕوو ده‌دا، نوکته نییه!
مه‌گه‌ر ڕاگه‌یاندن باس له په‌لاماردانی ئه‌نارکیسته‌کان له‌لایه‌ن خه‌ڵکی سڤیله‌وه ناکات. —- ئێمه زۆر به ڕوونی له‌وه واتای سڤیلی توڕه تێده‌گه‌ین. ئه‌وه‌ش ده‌زانین که له‌ته‌ك ده‌رکه‌وتنی فاشیسته‌کانی شاره‌کانی تر (له‌وانه ئه‌سینا) له پاتراس ڕووبه‌ڕووین، به هاوڕایی پۆلیس له به‌رگی سڤیلیدا به شه‌قامه‌کاندا ده‌سووڕێنه‌وه و په‌لاماری هه‌ر که‌سێك ده‌ده‌ن که گومانی لێ بکه‌ن. له‌وانه قوتابییه‌ك له‌تاو په‌لامار و لێدان که‌وتووه‌ته نه‌خۆشخانه. خه‌ڵکی رایان گه‌یاند که خۆپیشانده‌ران له ده‌ست ئه‌و کۆمه‌ڵه فاشیستانه ده‌شارنه‌وه و به‌و هۆیه‌وه ماڵه‌کانیان له‌لایه‌ن ئه‌و گروپانه‌وه ده‌ستنیشان و نیشانه گیراون و چوارده‌وریان گیراوه و له ده‌ره‌وه ڕاوه‌ستاون و هاوار ده‌که‌ن وه‌رنه ده‌ره‌وه یا ئێمه دێینه ژووره‌وه، به‌م جۆره هه‌ڕه‌شه له خاوه‌نماڵه‌کان ده‌که‌ن.
وه‌ك ده‌زانین هێزه‌کانی پۆلیس ناتوانن سه‌راپای یۆنان کۆنترۆڵ و به‌رهه‌ڵستی هه‌ڵچوونه‌کان بکه‌ن، بۆ ئه‌مه‌ش ده‌ستی ڕاستیان به سه‌ری گروپه فاشیست و نازییه‌کاندا ده‌هێنن.
سه‌رچاوه: http://www.ainfos.ca/en/ainfos21837.htm
ئەمە بڵاوبکەرەوە:
هاوپشتی سه‌رتاسه‌ری بۆ زیندانیانی مانگر
له یه‌کی دێسه‌مبه‌ری 2008دا زیاتر له 300 زیندانی له ئیتالیا ده‌ست به مانگرتن –مانگرتن له خواردن- ده‌که‌ن. ئامانجیان له‌م مانگرتنه: هه‌ڵوه‌شاندنه‌وه‌ی سزای زیندانی هه‌تاهه‌تایی له سه‌رتاسه‌ری ئۆروپایه. هه‌ندێکیان له‌م باره‌وه سکاڵایان بۆ باره‌گای دادگه‌ی ئۆروپی به‌ڕێکردووه و داوای ڕوونکردنه‌وه له پارڵه‌مانی ئۆروپی ده‌که‌ن. به‌م مانگرتنه ده‌یانه‌وێت پافشاری له‌سه‌ر داواکانیان بکه‌ن.
هه‌ڵبه‌ته ئه‌وه‌شمان له‌بیر نه‌چێت، که پێشینه‌ی ئه‌م مانگرتنه بۆ ساڵێك له‌مه‌وبه‌ر ده‌گه‌ڕێته‌وه، که هاوپه‌یمانی زیندانیانی هه‌تاهه‌تایی پێی هه‌ستان و سه‌ره‌نجام حه‌وت که‌سیان ژیانیان له‌و پێناوه‌دا دانا.
بۆ زانیاری زیاتر له‌م باره‌وه ده‌توانن سه‌ردانی ئه‌م لینکانه‌ی خواره‌وه بکه‌ن:
http://t9-ruebenfunk.npage.de/hungerstreik_gegen_lebenslaenglich_in_italien_45213996.html
http://ch.indymedia.org/frmix/2007/12/54998.shtml
Anarkistan ئەنارشیستان 
پێویستە لە ژوورەوە بیت تا سەرنج بنێریت.