نهورۆزتان پڕ خۆشی و ژیانتان بههار
خامهتان چهکی نۆژهنی ڕاپهڕینی ئازار
ڕاپهرینێ، که کۆمهڵگه بۆ ئازادی و
یهکسانی و دادپهروهری بکاته ههوار
ئەرشیفەکانى هاوپۆل: گشتی
ئهرژهنتین، دهستبهسهرداگرتنی کارگهیهکی چوکلێت لهلایهن کارگهرانهوه
له 5ی جانیوهری 2009وه 50 کرێکار له کارگهیهکی چوکلێت له ئهرژهنتین بێکار کراون، لهبهر ئهوهی که خاوهن کارگه، کارگهکهی داخستووه. بهو هۆیهوه کرێکارهکان دهستییان بهسهردا گرت.
کاتێك که 5ی جانیوهری 2009 کرێکارهکان چوون بۆ سهر کار، لهسهر دهرگهی کارگهکه ڕاگهیاندنێکیان بهرچاو کهوت، که تێیدا نووسرابوو “ ئاگادارتان دهکهین، که لهبهر هۆکاری ئابووری له توانادا نهبوو، کرێی کارهکانتان ببژێردرێت. لهبهر ئهوه ههوڵ دهدهین، که کرێکاران نههێنینه سهر کار، تا کاتێك که کارگه سهرلهنوێ دهخرێتهوه گهڕ” و له ژێریدا خاوهن کارگه واژۆی کردبوو.
بهم جۆره بێ شهرمانهیه خاوهنکاران دهرکردنی کرێکارانێك که کرێی 10 مانگیان وهرنهگرتووه، ڕادهگهیێنن. بهڵام لهم ڕۆژهدا کرێکارهکان نهگهڕانهوه ماڵهوه، بهڵکو لهوێ مانهوه و به ئامانجی ئهوهی که لهسهر بنهمای خۆبهڕێوهری خۆیان (کرێکاران) کارگهکه بخهنهوهگهر، لهسهر بڕیارێکی بهردهوام و دهستبهسهرداگرتنی کارگهکه خۆیان ڕێك خست.
تا ئهوڕۆکه کرێکارهکان، لهپای ئهوه وهستاون،که لهو خهباتهدا نهکشێنه دواوه. ئهم ههوڵه چانسی ئهوهی که ههیه، که ببێته ئهزموونێکی سهرکهوتوو له ناو کارگهرانی کارگه و کارخانهکانی تردا، ههر وهك دهستبهسهرداگرتنی کارخانهی سیرامیکی زانۆن له 2001دا، که بووه سهرمهشقی دهستبهسهرداگرتنی زنجیرهیهك کارگه و کارخانه و هوتێڵ و چاپخانه و رێستورانت له سهرتاسهری ئهرژهنتندا.
خوێنهرانی بۆ زانیاری فرهتر لهو بارهوه سهردانی سهرچاوهی ههواڵهکه (بهشی ئاڵمانی ، تۆڕی ههواڵی ئهنارکیستی) بکهن:
http://www.ainfos.ca/de/ainfos02852.html
ئەمە بڵاوبکەرەوە:
ساڵیادی کیمیابارانی شاری ههڵهبجه ههڵهبجه، ناوچهکانی شارهزوور و هۆرامان
کیمیابارانی ههڵهبجه، وهك ئهوهی ئیسلامیستهکان پاگهندهی بۆ دهکهن، تۆڵهی خوایهکی خهیاڵی نهبوو، له کیژانی قوڵڕووت و پیاوانی بهدمهست و کوران و کچانی شانۆگهر، ههرواش تهنیا تاوانی تاکهکهسێکی وهك سهدام حوسهین نهبوو، بهڵکو تابلۆیهکی بهخوێن نهخشێنراوی ههرهوهزیکارانهی دهستوپهنجهی میلیتاریستانهی (بهرهی کوردستانی) و (کۆماری ئیسلامی ئێران) و (ڕژێمی بهعسی عیراق) بوو.
ههردوو بهرهی شهڕ، لهسهر داخوازی دهلاڵانی بازاری چهك، له تاران و باخداد کۆ دهبنهوه؛ کۆماری ئیسلامی، نۆکهره یهکگرتووهکانی ناو ب(هرهی کوردستانی) پێكهاتوو له پارته ئیسلامی و نهتهوهیی و چهپهکان، بانگهێشتی تاران دهکا، کۆماری ئیسلامی بۆ کهمکردنهوهی فشاری بهرهکانی شهڕ له خوارووی وڵاتی، بزووتنهوه به خهیاڵی دامهزراندنی کۆماری ئیسلامی ئێران، یهکێتی نیشتمانی بهنیازی کهمکردنهوهی هێڕشی سهر ناوهندی و سهرکردایهتییهکهی – وهك نهوشیروان موسهتهفا دانی پیدا دهنێت- و فرهتر خۆبردنه پێش لای کۆماری ئیسلامی، پارتی دیموکراتی کوردستان و حزبی سۆشیالیستی کوردستان (حسك) وهك پیشهی ههمیشهییان، که له ماوهی 8 ساڵهی شهڕی عیراق- ئێران دا ڕۆڵی دیدهبانی بان سورێن و مڵهخوردیان دهدیت، بێ سێ و دوو ملیان به نهخشهکه دا. ئامادهیی بۆ جێبهجێکردنی پێشنیارهکهی کۆماری ئیسلامی ئێران، بووبووه هۆی دروستکردنی پێشبڕکێ لهنێوان پارتهکانی بهرهی کوردستانیدا، لهوهی کێ باشتر دهتوانێت، زۆرترین پاسدار بهرێته ناو شار و چاوساخی مینههڵگرهوهکانی قهرارگای ڕهمهزان بکات، تهنیا حزبی شیوعی بهشداری نهکرد، بهڵام ئهویش به بێدهنگهکردن بهرامبهر ئهو تاوانه، ڕهزامهندی بۆ کۆماری ئیسلامی / دۆستی پهنانهکی نیشان دا و بارگهکانی له( کهرهژاڵ و مڵهخورد و مۆرین)هوه بهرهو (شیوی قازی) له (قهرهداخ) گواستهوه.
بهرهی دووهمی شهڕ، که ڕژێمی عیراقی به پشتیوانی دهوڵهته ئیسلامییهکانی کهندا و دهوڵهته عهرهبییهکانی تر و ئهمهریکا، دهبوو نهخشهکانی کۆمپانیا سهروو نهتهوهکان و دهلاڵانی بازار و ئهمهریکا و ئیسرائیل، بهههر نرخێك بووه، بهسهرکهوتووی ئهنجام بدات، یهکیك لهو نهخشانه، تاقیکردنهوهی چهکه کیمیاییه بهرههمهێنراوهکانی پاش جهنگی جیهانی دووهم بوو له ناوچهیهکی گونجاودا، که له زهڕاتخانهکاندا کهڵهکه بوون .
شاری ههڵهبجه له دهشتی شارهزوور و شاخهکانی هۆرامان، لهبهر ئهوهی که ناوچهیهکی کشتوکاڵی، ئاژهڵداری، خاوهن تهپۆڵکه، شاخ، دهشت، ڕوبار و گۆم و کانی و کارێز و دۆڵ و باخ و ڕهزهدێم، ئاژهڵی جۆراوجۆر، بلداری جۆراوجۆر..تد، ئهو شوێنه گونجاوه بوو، که شارهزایانی تاقیکرندهوهی چهکی کیمیایی بۆ ئهو تاقیکرندهوهیه ههڵیان بژاردبوو…
لهوانهیه، کهسانێکی خۆ به ڕۆشنبیر و ئهکادیمیكزان و ڕامیارکار، بێن و بۆ سهلماندنی ئهم پاگهندانه، داوای بهڵگهمان لێبکهن، داوای سۆپهرمانیمان لێ بکهن، تاوهکو له ژێرزهمینه شاراوهکانی سیئایئهی و نووسینگهی شاراوهی ناوهنده جیهانییهکاندا، ئهو بهڵگانه دهرکهین. چونکه ئهو جهنابانه، بێجگه له کوته کاخهزی مۆرکراو، ئاوهزییان بههیچ نیشانه و بهڵگهیهکی تر ناشکێت و بنێشتی دهمی سهرانی خۆیان دهجوونهوه.
بۆ وهڵام، بهو پرسیاره بازاریانهی، بهرکارانی دهلاڵانی بازاری چهك و کۆمپانیاکانی چهکسازی، دهڵێین:
چۆن بوو، که عیراق، چاوی لهوه پۆشیبوو، که شهش مانگ لهوهوبهرهوه، له ناوچهکانی ئاتهشگه و لهشکرگه و زمناکۆوه ، له ناوچهکانی مڵهخورد و سورێن و هۆرامانهوه به بهرچاوی پایگاکانییهوه ڕژێم له (باڵامبۆ و بهمۆ و شنروێ)وه، ئێران ڕێگهی تایبهتی بۆ زرێپۆش و لهسهر چۆمی سیروان پردی دهبهست، ئهو ههمووه چهکدارهی لێژنهی باڵای ئیسلامی (مجلس أعلی الاسلامي في العراق) و پاسدارهی هێنابووه ناوچهکه، شهش مانگ لهوهوبهرهوه، نوێنهرانی (قهراگای ڕهمهزان) له سهربازگهکهی سهرووی ههڵهبجهدا لهتهك ئهفسهرانی باڵای عیراقی دانیشتنی چهند ڕۆژهیان دهکرد، زۆربهی سهرۆکچهکدارهکانی ڕژێم لهلایهن ئێران و بهرهی کوردستانییهوه پهیوهندییان پێوه دهکرا و سهرۆکی لهشکر و سوپای پاسداران بهچهند شهو له گهڕهکی (پیرموحهمهد) و (کانی شێخ) له ماڵی سهرۆکخێڵ و پیاوانی ئاییندا دهمانهوه و ئهو ڕژێمه دیکتاتۆره پڕ سیخوڕ و چهکدار و سهرباز و ههواڵگر و ههواڵدهرهوه، ئاگای لهم کهین و بهینانه نهبوو؟
له 13-15ی ئازاری 1988 به شێوهیهکی بهردهوام و له گشت لایهکهوه، له سنوورهکانی ئێرانهوه شاری ههڵهبجه و دهوروبهری له ژێر تۆپبارانێکی بهردهوام و خهستدا بوو، له ههمان شهودا 13/14ی ئازاری 1988 سوپای پاسداران و پێشمهرگهکانی یهکێتی نێشتمانی کوردستان، له قۆڵی ئهشکههۆڵهوه هێڕشیان بۆ سهر لوتکهی (شنروێ) هێنا، بهڵام لهبهر ئهوهی که ئهو سهربازانهی که پێشتر لهوێ بوون، له پڕ گۆڕدرابوون و له جێیان سوپای گهلی (جیش الشعبي) که بهزۆری خهڵکی کهرکووك و خواروو بوون، جێگیر کرابوون، ئهمهش بووه هۆی شکستی ئهو هێرشه و دواخستنی. ههروهها شهوی 14/15ی ئازاری 1988 له قۆڵی (ڕێشا)وهوه بۆ سهر سهربازگهی ههڵهبجه هێرش دهستی پێ کرد و ئهو شهوهش به کوژرانی بهسیج و پاسدارێکی زۆر ئێران شکستی هێنا، تا له ڕۆژی 15ی ئازاری 1998دا له ههمان قۆڵهوه پاسدار و بهسیج و پێشمهرگه چوونه شارهوه و پاسدار و بهسیج و پێشمهرگهی بزووتنهوهی، پێشتر له قۆڵی (نهوڕۆلی)ییهوه گهیشتبوونه ناوشار و له قۆڵی ئهحمهداوا و سورێنهوه ناوچهکانی هۆرامان و خورماڵ و تا پردهکهی زهڵم دابڕ کرابوون. بهو جۆره لهشکری عیراقی ئهوهی که فریا کهوت و خۆی بهدهستهوه نهدابوو، کشایهوه و گامێش تهپه و گردهنازێ بوون به بهرهی شهڕ، ئایا دهکرێت بزانین، بۆچ ڕژێمی عیراقی کاردانهوهیهکی پهیگیر له خۆی نیشان نادات؟
ههمان ڕۆژ، پێشمهرگهکانی کۆمهڵهی زهحمهتکێشان (حکا)، لهبهر ئهوهی که پێشتر ئاگادار نهکرابوون، له (بیاره) کهوتبوونه بهر هێرشی سوپا و پاسداری ئێرانی و ناچار بهرهو چۆمی سیروان کشانهوه و لهوێدا که دهیانویست له (ئیمامی زامن)هوه بهرهو (کانی بهردینه) بپهڕنهوه، له دواوهڕا پاسدار و بهسیج و پێشمهرگهی بزووتنهوهی ئیسلامی دهکوتنه سهریان و له پێشهوهش سهربازانی عیراقی بواری پهڕینهوهیان نادهنێ و تهقهیان لێدهکهن و لهو نێوهدا ههموو کوشتوبڕ کران، ئهوهی که بۆ (حزبی دیموکراتی کوردستانی ئیران) و (سوپای ڕزگاری شێخ ئوسمان) ئاگادار دهکرێن و (کۆمهڵه) ئاگادار ناکرێت، ئایا ئهمهشیان ڕێکهوت و لهبیر چوون بوو؟
له15ی ئازار، ڕۆژی گرتنی ههڵهبجهوه تا 16ی ئازار، ڕۆژی کیمیابارانکردنی ههڵهبجه، ڕژێم بێدهنگییهکی سهرسووڕهێنهری له خۆی نیشان دا و فرۆکهکانیشی سهرهتا به ناپاڵم و ڕۆکێتی ئاسایی هێڕشیان کرده سهر شار، تاوهکو خهڵک پهنا بهرێته ژێرخانهکان و ئهوسا به ڕۆکێتی گازی پهلاماری شار درا و بهزۆریش ڕۆکێت لهو شوێنانه درا، که ئاراستهی با لێوهی بهرهو شار بوو، کهچی ههموو ئهمانه وایان له بهرهی کوردستانی و ئێران نهکرد، بیر له ڕزگارکردنی خهڵکی بکهنهوه، بۆچی؟
لهباری ئاساییدا پیشمهرگه به کلاشینکۆڤ تهقهیان له فڕۆکهکانی ڕژێم دهکرد و زۆرجار دهبوونه داستانی پڕ ههڵا، کهچی لهو ڕۆژهدا لوولهی چهکهکان بهروخوار به زهویدا ڕۆچووبوون! هێزی پێشمهرگهی یهکێتی نیشتمانی کوردستان، چهکێکی دژه فڕۆکهی، لهوهی موجاهیدینهکانی ئهفگانستان بهناوی (سام) ههبوو، کهچی لهو ڕۆژهدا بۆ ڕۆژی تهنگانه ههڵیان گرتبوو، یهکێتی نیشتمانی کوردستان له جونی 1987دا بڵاوکراوهیهکی دهرکرد، که باسی ههموو چهکه کیمیاییهکانی ڕژێم و ولاتی دروستکهر و ناوی ئهندازیاره بیانییهکانی تێدا بوو، کهچی لهو ڕۆژهدا بهخهڵکی دهوت هیچ نییه، لهم ناوچهیه کیمیایی کارایی نییه، ئهمه بۆچی؟
کاتێك، که خهڵکی ههڵهبجه، لهتهك داگیرکردنی ههڵهبجهدا له شاڕێگهکانی شارهوه بهرهو ناوچهی نهوڕۆڵی، سازان، چناره و مۆردین، بۆین و ڕێشاو، دهرهتفێ و هاوارهکۆن، بیاره و تهوێڵه، کهوتنه ڕێ و شهوی داگیرکردنی ههڵهبجه، زۆرینهی شار بهرهو ئهو ناوچانه کهوتبوونه ڕێ، کهچی پێشمهرگه و پاسدار ڕێگهیان لهخهڵك گرت و خهڵکیان به گهڕانهوه بۆ ناوشار، ناچار کرد، ئهمه سهرهڕای ئهوهی که سهرانی بهرهی کوردستانی دهیان زانی، که له سهدا ههزار، ڕژێـمی بهعس کیمیایی بهکار دههێنێت، بهتایبهت ساڵی پار بهبێ داگیرکردنی ئیرانیش، ههر لهبهر خۆپیشاندانێك بۆ ڕاگرتنی گواستهوهی لادیکانی دهوروبهری، ڕژێم خۆی له ههڵهبجهدا گهڕهکی کانی ئاشقانی به تیئێنتی تهقاندهوه؟
له کاتێکدا که ههموو پێشمهرگهکانی بهرهی کوردستانی، سهرو ماسکی دژه کیمیایی و پۆشاکی تایبهت و دهرزی و دهرمانی ئێرانی (ش.م. ر) دژه کیمیاییان پێ بوو، چۆن بوو، که به خهڵکیان دهوت، مهترسن، شۆڕش پلانێکی پتهوی بۆ بهرگری له شار، ههیه و بهیانی نا دوو بهیانی (سلێمانی)ش دهگرین و ڕژیم له ڕوخاندایه؟
ئێران بهو ههموو توانا سهربازی و لۆجیستیکییهوه، بهو ههموو ئهزموونهی 8 ساڵی شهڕهوه، که بهردهوام چهکی کیمیایی تێدا بهکار هاتبوو، چۆن بوو هیچ چهکێکی دژهفڕۆکهی له ههڵهبجهدا بهکار نههێنا، بهتایبهت ئهوهی که گشت چهکه دژه ههوایی و قورسهکانی ڕژێم له جێی خۆیاندا له سهربازگهکانی ههلهبجه و زهمهقی و پایهگا بهرزهکانی بهمۆ، باڵامبۆ و شنروێ و شرام و تد. مابوون؟ ئهی بۆ ئێران نهخشهی تایبهتی بۆ تهقاندنهوهی تاك به تاكی خانوو و فهرمانگهکانی ههڵهبجه ههبوو؟ ئهی چۆن بوو ئێران نهخشهی بۆ دزینی سهیارهکانی شارهوانی و مهنجهڵی ماڵان ههبوو؟
ئهی ناوهندهکانی مافی مرۆڤ و ئۆروپای دیموکرات و سۆڤیهتی کۆمونیستی و چینی گهلی و ئهمهریکای باوکی گهلان بۆ بێدهنگ بوون؟
ئایا هێشتاکه پیاوانی ڕۆشنبیر و ئهکادیمیست داوای بهڵگهمان لێ دهکهن؟ ئایا بوارێك بۆ پاسا و خۆدزینهوه و ماکیاژی دهموچاوی دهسهڵاتی بۆرژوازی کورد ، که له کیمیابارانکردنی شاری ههڵهنجهدا دهستی ههیه، ماوهتهوه؟؟؟؟؟؟؟؟
ئەمە بڵاوبکەرەوە:
بزاڤی دژهدیوار
הכיתמ םישקבמ המוהח דגנ םיטסיכרנאה תמזוי יליעפ : לארשי/ فوضويون ضد الجدار بحاجة إلى دعمكم / ئهنارکیستانی دژهدیوار داوای پشتیوانیتان لێدهکهن/ /Anarchists Against the Wall initiative request your support / Les anarchistes contre le mur ont besoin de votre soutien / Anarchici contro il muro bisogno del vostro sostegno / Anarquistas contra el muro necesitan su apoyo / duvara karşı anarşist destek gerek / анархистов против стену нужна ваша поддержка /无政府主义者的墙壁需要你们的支持 /
http://awalls.org
ئەمە بڵاوبکەرەوە:
هاوڕێیانی Karakök autonome turquie/Suisse له وهڵامی پهیامێکی سهکۆدا
هاوڕێیانی بهڕێز،
خۆشحاڵ بووین به پهیامه ئهلهکترۆنییهکهتان. سوپاس بۆ پیرۆزباییهکهتان.
رادیۆکهمان له 19ی مارچی ئهم ساڵدا دهستبهکار دهبێت و ئهگهر ههواڵ، وتار یا ههر شتێکی ترتان بۆ دابهزاندی له رادیۆدا ههیه، دهتوانن به بهردهوامی بۆ پێگهکهمانی بنێرن.
ههروهها هیوای پهیوهستبوون به هێزه شۆڕشگێڕهکانهوه و تێکۆشانی هاوبهش دژی دهسهڵات، پلهوپایهی قوچکهیی و ئهو بههرهکێشییهی پێی ههڵدهستن، دهخوازین.
ئێوه له کوێن، ئایا ئهندامانتان له تورکیه و سویسرا ههن؟ چاوهڕێی دیدار و پێکهوه دانیشتن، دهکهین.
وێرای سڵاوی هاریکاریانه و ئازادیخوازانهمان بۆ جیهانێکی ئازاد و سهربهخۆ ..
خۆشحاڵین به دانانی لینکهکهمان، ئێمهش لینکی سهکۆکهی ئێوهمان بۆ لیستی هاوڕێیانمان زیاد کرد
Karakökئۆتۆنۆمی تورکییه / سویسرا
ئەمە بڵاوبکەرەوە:
ناڕهزایهتی بهرفراوان لهمهڕ چارهسهری قهیرانی ئابوری ئێرلهنده
ڕۆژی شهممه 21ی فێبریوهری، نزیکهی 100.000 کهس له نێوهندی شاری دهبلن دا ناڕهزایهتیان بهرامبهر میری ئێرلهندی بۆ چارهسهری ئهو داتهپینهی که ولای پێدا تێدهپهڕێت، دهربڕی
دژی پلانی خانهنشینی لێڤی ‘pension levy‘ لێگرتنهوهی خانهنشینی (کهمکردنهوهی 10%ی ئهوهی ئێستا که ههیه) له 350.000 کرێکارانی کهرتی گشتی، وهستانهوه. یهکێتی کرێکاران ڕێکخهرانی ڕێپێوانهکه وتیان ” کرێکاران هۆکاری دروستبوونی قهیرانی ئابوری نین بهڵام خهریکه ئهوان باجهکهی بدهن.
بۆ زانیاری زیاتر سهردانی ئهم لینکه بکهن:
http://libcom.org/news/huge-protests-against-irish-economy-22022009
ئەمە بڵاوبکەرەوە:
مانگرتنێکی کتوپڕ له بهشی ئۆتۆمۆبێلی پیشهسازی ئاڵمانی
کرێکاران له بهشی ئۆتۆمۆبێلیی پیشهسازی کارمان Karmann پاش ئهوهی ههواڵی کهمکردنهوهی 1400 شوێنی کاریان پێگهیشت، دهستییان له کار کێشایهوه.
بۆ زانیاری زیاتر سهردانی ئهم لینکه بکهن:
http://libcom.org/news/wildcat-strike-german-car-part-manufacturer-23022009#comment-318731
ئەمە بڵاوبکەرەوە:
کتوپڕ مانگرانی (wildcatstrike ) ئیسرائیل له یهکێتییهکهیان کرانه دهرهوه
له ههنگاوێکی بێ پێشینهدا، فیدراسیۆنی سهندیکاکانی هیستادروت Histadrut union federation ههڵسوراوانی مانگرتنی کتوپڕی ههفتهی پێشووی هێڵی شهمهندهفهری ئیسرائیلی کرده دهرهوه.
لێپرسینهوهکان ڕێگه بۆ بهڕێوهبهرایهتی هێڵی ئاسنی ئیسرائیل خۆش دهکهن، تاوهکو دادگایی شهش له کرێکارانی ئهندامی کۆمیته ههرچهنده کرێکارانێکی ههمیشهیی (دامهزراوی ناکاتی) بوون، بکات.
Ofer Eini سهرۆکی هیستادروت به پێشنیارهکهی کۆمیتهی دیسپلین له Trade Union، که دهرکردنی ئهندامانی کۆمیتهی کارگهری هێڵی ئاسنی باکووری ئیسرائیل که ههفتهی ڕابوردوو له مانگرتنی کتوپڕدا ههڵسوراوبوون، ڕازی بوو.
وهها لێپرسینهوهیهك که له Histadrut (فیدراسیۆنی گشتی سهندیکاکانی کارگهرانی ئیسرائیل) دا پێشینهی نهبووه، ڕێگه بۆ بهڕیوهبهرایهتی هێڵی ئاسنی ئیسرائیل خۆش دهکات، که دادگایی شهش کارگهری ئهندامی کۆمیته خۆش دهکات، ههرچهنده ئهوان کارگهریی ههمیشهیی بوون. له ڕێکهوتنی نێوان Eini و بهڕیوهبهری کۆمپانی هێڵی ئاسنی ئیسرائیل Yitzhak Harel ڕێگه بهدهرکردنی ههژمارێکی کارگهران لهلایهن هێڵی ئاسنی ئیسرائیڵهوه دهدات، بهڵام نهك به تهقهکردن لێیان، لهبهر ئهو سزا تووندهی که Histadrut لهسهری ڕێكکهوتووه.
بهڕێوهبهرایهتی هێڵی ئاسنی ئیسرائیل له بڕیارهکهیدا دوانهکهوت، دهستبهجێ ههڵسوراوانی مانگرتنهکهی بۆ کۆبوونهوهیهکی سزادان له ڕۆژی یهکشهممه بانگهێشت کرد.
بۆ زانیاری زیاتر له libcom.org دا سهردانی ئهم لینکهی خوارهوه بکهن:
Aftermath of wildcat at Israel Railways
سهرچاوهی ههواڵ: http://libcom.org/news/israeli-wildcat-strikers-kicked-out-union-13022009
ئەمە بڵاوبکەرەوە:
بهردهوامی پشێوی له یۆنان هاوکاتی مانگرتن و پێکدادان و جهنگی پارتیزانی له شارهکاندا
له بهردهوامی ههفتهی دووهمی مانگرتن و خۆپێشاندانی ناڕهزایهتی له یۆناندا، مانگرتنی دکتۆری نهخۆشخانهکان، کارگهرانی هاتوچۆ و گواستنهوهی گشتی و شۆڤێر لۆرییهکان سهری ههڵدا و خۆپیشاندانی هاوپشتی لهتهك K. Kouneva پێکدادان و گهرانهوهی سێبهری شهڕ و یاخیبوون باڵی بهسهر شارهکاندا کێشاوهتهوه.
/* Style Definitions */
table.MsoNormalTable
{mso-style-name:”Normale Tabelle”;
mso-tstyle-rowband-size:0;
mso-tstyle-colband-size:0;
mso-style-noshow:yes;
mso-style-priority:99;
mso-style-qformat:yes;
mso-style-parent:””;
mso-padding-alt:0in 5.4pt 0in 5.4pt;
mso-para-margin-top:0in;
mso-para-margin-right:0in;
mso-para-margin-bottom:10.0pt;
mso-para-margin-left:0in;
line-height:115%;
mso-pagination:widow-orphan;
font-size:11.0pt;
font-family:”Calibri”,”sans-serif”;
mso-ascii-font-family:Calibri;
mso-ascii-theme-font:minor-latin;
mso-fareast-font-family:”Times New Roman”;
mso-fareast-theme-font:minor-fareast;
mso-hansi-font-family:Calibri;
mso-hansi-theme-font:minor-latin;
mso-bidi-font-family:Arial;
mso-bidi-theme-font:minor-bidi;}
ڕێپێوانه ناڕهزایهتییهکان له شاره گهورهکانی یۆناندا ئهوڕۆکه 19ی فێبریوهری شهقامهکانیان پڕکرد. له شاری تسالۆنیکی خۆپێشاندهران له سهرمایهکی تهزێنهردا بهرهنگاری پۆلیسی (MAT) بوونهوه. درهنگتر له ههمان شهودا، پێکدادان ڕوویدا، کاتێك که کۆمهڵێکی زۆر بۆ دهستپیکردنی ئاههنگی کهرنهڤال ئاماده بوون و پێکدادان لهتهك پۆلیس ڕوویدا گازی فرمێسك و بۆمبی دهستی و شوشهیی تهقینهوه تێدا بهکار هات.
له ئهسینا، ههزاران خۆپیشاندهر وهك هاوپشتی لهتهك کارگهرانی خاوێنکردنهوه له ڕێپێوانێکدا بهرهو پارلهمان بهشدارییان کرد. له ماوهی خۆپیشاندانهکهدا چهند بانكێك کهوتنه بهر هێرش و ئهمهش بووه هۆی پێکدادان لهتهك پۆلیسدا. پێشتر لهم ههفتهدا له خۆپیشاندانێکی هاوپشتی لهتهك Kouneva هێرشکرایه سهر نوسینگهکانی OIKOMET له Piraeus و تێكشکێنران.
له ههمان کاتدا، دکتۆری نهخۆشخانهکان ڕۆژی پێنجشهممه 19ی فێبریوهی له خولی دووهمی 48 کاتژێردا دهستیان به مانگرتن کرد و داوای باشترکردنی باری شیفته یاساییهکانی خۆیان کرد. له ههمان ڕۆژدا شۆڤیری باس و تڕێلییهکان له ئهسینا وهستانێکیان له کاتژێر 9:00- 17:00ی پاشنیوهرۆ ڕێکخست، سهرهرای ئهوهی که ڕۆژی مانگرتنی کارگهران و ڕۆژی دهستپێکردنی کهرنهڤاڵ بوو. لهتهك ئهمهشدا 19ی فێبریوهی شۆڤێری لۆرییهکان له سهرتاسهری وڵاتدا مانگرتنی کراوهیان راگهیاند و گشت خاڵهکانی چاودێری لهنگهرگه و ڕێگه خاکییهکانیان داخست.
باری شێواوی له سهرتاسهی وڵاتدا بهردهوامه و بهردهوامی لهسهر توندتیژی چهکدارانه و شهڕی پارتیزانی له شارهکاندا لهلایهن گروپه مارکسیست- لێنینیستهکانهوه پێی لهسهر داگیرا: ڕۆژی دووشهممه چهکداران تهقهیان له ئۆتۆمۆبێلی کارمهندانی کهناڵی Alter TV channel له بنکهی تهلهڤزیۆنهکه HQs کرد (کهس پێوه نهبوو)، له کاتێکدا زووی ڕۆژی سێشهممه ئۆتۆمۆبیلێك به 60 کگم ANFO له دهرهوهی Citybanks HQs له Kifisia له باکووری ئهسینا دۆزرایهوه. ئۆتۆمۆبیله بۆمچێنراوهکه لهلایهن پۆلیسهوه پووچهڵ کرایهوه که دهیتوانی لایهك له باڵاخانهکه تێك بدات.
رای گشتی لهمهڕ سهرههڵدانی نوێی شهڕی پارتیزانی، ئهوهی که له دێسهمبهری رابوردووهوه ههڵگیرسایهوه، جۆراوجۆره، بهتایبهت پاش ئهوهی لهلایهن ئهندامی گروپی پارتیزانی 17ی نۆڤهمبهر Mr Tzorzatos سهرکۆنهکرا و راگهیاند که لهوانهیه کاری دهزگهی ههواڵگری یۆنانی (EYP) بێت، که له ناشارهزایی کۆمهڵه چهکداره مارکسیست – لێنینیستهکان دهچێت. Tzortzatos که کهسایهتییهکی دهرکهوته و بهتوانایه، وردهکاری تهکنیکی زۆری بۆ سهلماندنی پاساوهکانی خستهڕوو.
لهلایهکی ترهوه، باخچهکانیKyprou و Patision له ناوهندی ئهسینادا که بوونه ناوهندی تهقینهوهی پێدادانهکانی کۆتایی جانیوهری و بوونه هۆی لهناوبردنی دوو ناوهندی پۆلیس، که تا ههنووکهش لهلایهن نارازییه خۆجێییهکانهوه دهستیان بهسهردا گیراوه.
له ههمان کاتدا، له Alimos باشووری ئهسینا، دهستبهسهرداگرتنی کارگهی بهرههمهێنانی کاخهزی “Faros” که لهلایهن کارگهرکانییهوه هاوڕای پشتیوانییهکی فراوانی گشتی، پێی ناوهته ههفتهی دووهمهوه.
ئەمە بڵاوبکەرەوە:
کهنهدا، ئۆنتاریۆ، 22- 25 فێبریوهری : ئهنارکیستانی دژهدیوار قسه لهسهر دیواری ههڵاواردن و غهززه دهکهن
کهنهدا، ئۆنتاریۆ، 22- 25 فێبریوهری : ئهنارکیستانی دژهدیوار قسه لهسهر دیواری ههڵاواردن و غهززه دهکهن
شاخاف پۆلاکۆڤ Shachaf Polakow یهکێك له ئهنارکیستانی دژهدیوار قسه لهسهر شێوهی کارکردنیان له کهناری ڕۆژاوایی West Bank و پرسی ههنووکهیی غهززه، به پهراوێزی ڤیدیۆیی و فۆتۆگرافی، دهکات.
ئۆتاوا، یهكشهممه، 22ی فێبریوهری، کاتژێر 7ی ئێواره له Jack Purcell Community Centre, room 201, 320 Jack Purcell Lane (off Elgin St. at Lewis St.)
(دهستگیرۆیی پشنیارکراو له نێوان 5- 50 دۆلار دایه، بهڵام کهس لهبهر هۆی بهشداریبهکردن لهو دهستگیرۆییهدا ناگێڕدرێته دواوه).
له کینگستن KIINGSTON ڕۆژی دووشهممه 23ی فێبریوهری کاتژێر 7:30 ئێواره له AKA Autonomous Social
Centre 75 Queen Street, Kingston, Ontario Contact: Avi – grandfunk.cfrc@gmail.com
له تۆرینتۆ TORONTO ڕۆژی سێشهممه 24ی فێبریوهری کاتژێر 7-9ی ئێواره له OISE Auditorium 252 Bloor Street West (St. George subway stop) Suggested Donation: $5 or PWYC For more info: wsp.toronto@gmail.com
ههروهها له لهندهن LONDON ڕۆژی 25ی فێبریوهری ، کاتژێر 6ی ئێواره، له 1. Fanshawe College, D1041
Sponsored by Fanshawe Social Justice Club ههروهها ههمان ڕۆژ کاتژێر 9ی ئێواره له
2. Empowerment infoshop 636 Queens Ave. London Contact: Darius Mirshahi – info@empowermentinfoshop.com بۆ زانیاری زیاتر سهردانی ئهم لینکانه بکهن:
http://anarchistblackcat.org/viewforum.php?f=61
سهرچاوه: http://ainfos.ca/ainfos12713.html
Anarkistan ئەنارشیستان 
پێویستە لە ژوورەوە بیت تا سەرنج بنێریت.