20/11/2021

لە کاتێکدا لە ئەمشەوی ڕابوردووەوە، هەینی شەوەکەی ، ئیرلەندە بریاری نیوە لۆکداون-ی دا، واتە ئەوانەی بۆیان دەکرێت لە ماڵەوە کار دەبێت لە ماڵەوە بمێننەوەو کار بکەن ، چێشتخانە و باڕو  شوێنە گشتییەکان کاتی داخستینان بۆ دانراوە.  لە نەمساش ئەوە هیچ هاتنە دەرەوەی 2 ملیۆن کەس کە تەمەنیان لەسەر و 12 ساڵەوەیە و خۆیان نەکوتاوە قەدەخەیە، مەگەر تەنها بۆ بازاڕکردن و کارکردن .  جگە لە داخستنی شوێنە گشتییەکان و باڕو چێشتخانەکان لەو کاتەی کە بۆیان دانراوە . لە ئەڵمانیاش گوایە بارودۆخەکە مەترسیدارە و خەستەخانەکان پڕبوون و لە ئێستادا نەخۆشیان ڕەوانەی ئیتالیا دەکەن ، ئەمانیش هەر کەس لە نەمساوە بگاتە ئەوی دەبێت خۆی کەرەنتینە بکات و لە وڕاوەی ئەوەدان کە ئەوانیش بڕیاری لۆکداون بدەن.

ئەوە هۆڵەندەش هەفتەیەكە نیوە لۆکداونێکی بڕیارداوە فشارێکی زۆری خستۆتە سەر ئەوانەی کە تا ئێستا خۆیان نەکوتاوە و کاتی داخستینی شوێنە گشتییەکان و باڕ و چێشتخانەکانیشی دیاریکردووە .  بەڵام گەنجانێکی زۆر لەوێ بەمە ڕازی نین بۆیە دوێنیی ، هەینی ، 19/11  لە شارری ڕۆتەردام و هەندێك شاری دیکە خەڵکی هاتنە سەر شەقام دژ بە بڕیارەکەی حکومەت. لەبەر ئەمەش بەیەکادان لە نێوانی پۆلیس  و خەڵکیدا ڕوویداو  پۆلیس سەیارەی فشاری ئاوی بەکارهێناوە لەگەڵ  سەگ و پۆلیسی ئەسپسوار و  دواتریش کە نەیانتوانی کۆنترۆڵی بارودۆخەکە بکەن تەقەیان لە خەڵکی کردووە 7 کەسیان بریندارکردووە.