کورتەیەك لە ژیان و کارەکانی پرۆدۆن

کورتەیەك لە ژیان و کارەکانی پرۆدۆن
و: زاهیر باهیر
بەشی سێیەم :
لە ئایدیای گشتی شۆڕشەکەی 1851 پرۆدۆن پیداگریی لەسەر ” کۆمەڵێك بە بێ دەسەڵات”*[1]کردووە و نوسیوێتی:
بۆ ئەوەی فەرمانداریت بەسەردا بکرێت دەبێت چاودێری بکرێیت، بپشکێنرێیت ، سیخوڕیت بەسەرەوە بکرێت ، ئاراستە بکرێیت، بە یاسا بڕۆیت، بە ژمارە بکرێیت، لەقاڵببدرێیت، تۆماربکرێیت، ئامۆژگاریی و تەلقینبکرێیت، کۆنترۆڵبکرێیت، لێپێچینەوەت لەگەڵدابکرێت، بقەبڵێنرێیت، نرخت لەسەر دابنرێت، ڕەقابەت لەسەر دانرێت، فرمانت بەسەردا بکرێت، ئەمانە لە لایەن مەخلوقانێکەوەیە کە نە مافیان هەیە و نە ئاوەز و نە فەزڵ ، هیچ مافێکیان نییە تاکو ئەوە بکەن. بۆ ئەوەی فرمانداریت بکات، دەبێت ئامادەگی هەموو چالاکییەکت هەبێت، لە هەموو مامەڵەیەکدا تێبینی بکرێیت تۆمار بکرێیت و حساببکرێیت و باجت لەسەر دابنرێت و مۆرت لێبدرێت، پێوراوبیت و ژمێردراوبیت و هەڵسەنگرێنێیت ، مۆڵەتت پێبدرێت ، پێتڕابگەیەنرێت، پێتوترابێت، ڕێگریت لێبکرێت ، یاساخکرابیت، ڕیفۆرمکرابیت، ڕاستکرابیتەوە ، سزادرابیت. لەژێر ناوی خزمەت و سوودی گشتیدا و بەناوی بەرژەوندی گشتیەوە دەبێت لە شوێنێك بۆ بەشداریکردن دابنرێیت، ڕاهێنانت پێبکریت ، ڕووتبکرێیتەوە، بچەوسێنرێیتەوە، مۆنۆپۆلبکرێیت، ناچاربکرێیت، بگوشرێیت، هەڵخەڵەتێنرێت، تاڵانبکرێیت، دوای ئەوەش لە بچوکترین بەرگرییدا، لە یەکەم وشەی گلەییدا سەرکوتکراویت، سزادراویت ، شێوێنراویت، هەراسانکراویت ، سەرەکۆنە کراویت، خراپ بەکارهێنراویت، لێدراویت، بێ چەكکراویت، سنوردارکراویت، خنكێنراویت، بەندکراویت، دادگاییکراویت، سەرزەنشکراویت، تەقەلێکراویت، دیپۆرتکراویت، بە قوربانیی کراویت، فرۆشراویت، خیانەتلێکراویت، هەموو بە گاڵتەجاڕییەوە بە قەشمەرییەوە بە کۆمیدییەوە تاج لەسەرخراویت، ڕكئەستوور کراویت، بێ شکۆ کراویت. ئەوە حکومەتە ، ئەوە دادوەرییە، ئەوە مۆراڵێتی حکومەتە.
درێژەی هەیە .
[1]* -مەبەستی پرۆدۆن بوونی کۆمەڵی بێ دەوڵەت و دەسەلاتدار و سەروەرانە.
** خوێنەری بەڕێز، وەک هاریکارییەک، هەر واژەیەک کە بۆ تۆ ئاشنا نییە و واتای ڕۆشن نییە، هەر دەستەواژەیەک کە واتاکەی ناڕۆشنە، لە بە شی کۆمێنت بینووسە، تاکو لە کاتی چاپکردن ڕۆشنایی لەسەر دابنێم.
……………
تێبینی: چەند ساڵێك لەمەو بەر ئەم پەرەگرافەم وەکو پۆستێك لەسەر فەیسبوك دانا. بە دانانی، گفتوگۆێەکی هاڕێیانەی سوودبەخشی لە نێوانی چەند هاوڕێیەکی مارکسیی و ئەنارکیستەکانا، بەدووی خۆیدا هێنا . گفتۆگۆکە ئەوەندە درێژبووەوە دواتر بە پرس و ڕای هەموان بڕیاری لەسەر درا و بە نوسێنی پێشەکییەك لە لایەن هاوڕێ تاهیر صاڵەح شەریف-وە، بوو بە کتێبێکی ئەلەکترۆنی. گەر دەخوازیت بیخوێنیەوە ئەوە تکایە سەردانی پەرتوکخانەی ئەنارکیستان بکە و کلیك لەسەر کتێبەکە بکە .

وەڵامێک بنووسە

Fill in your details below or click an icon to log in:

WordPress.com Logo

You are commenting using your WordPress.com account. Log Out /  گۆڕین )

Google photo

You are commenting using your Google account. Log Out /  گۆڕین )

Twitter picture

You are commenting using your Twitter account. Log Out /  گۆڕین )

Facebook photo

You are commenting using your Facebook account. Log Out /  گۆڕین )

Connecting to %s

This site uses Akismet to reduce spam. Learn how your comment data is processed.