ساڵیادی کیمیابارانی هه‌ڵه‌بجه و شاره‌زوور و هۆرامان‌

کیمیابارانی هه‌ڵه‌بجه‌، وه‌ك ئه‌وه‌ی ئیسلامییه‌کان پاگه‌نده‌ی بۆ ده‌که‌ن، تۆڵه‌ی یەزدانێكی خه‌یاڵی نه‌بوو، له‌ کیژانی قوڵڕووت و پیاوانی به‌دمه‌ست و کوڕان و کچانی شانۆگه‌ر، هه‌ر ئاواش ته‌نیا تاوانی تاکه‌که‌سێکی وه‌ك سه‌دام حوسه‌ین نه‌بوو، به‌ڵکو تابلۆیه‌کی به‌خوێن -نه‌خشێنراوی هاریکارانه‌ی ده‌ستوپه‌نجه‌ی میلیتارییانه‌ی (به‌ره‌ی کوردستانی) و (کۆماری ئیسلامی ئێران) و (ڕژێمی به‌عسی عیراق) بوو.

هه‌ر دوو به‌ره‌ی جەنگ، له‌سه‌ر داخوازی ده‌ڵاڵانی بازاری چه‌ك، له‌ تاران و باخداد کۆده‌بنه‌وه‌؛ کۆماری ئیسلامی، بەکرێگیراوە یه‌کگرتووه‌کانی نێو (بە‌ره‌ی کوردستانی) پێكهاتوو له‌ پارتییه‌ ئیسلامی و نه‌ته‌وه‌یی و چه‌په‌کان، بانگهێشتی تاران ده‌کا، کۆماری ئیسلامی بۆ که‌مکردنه‌وه‌ی فشاری به‌ره‌کانی جەنگ له‌ خوارووی خۆراوای ئێران، بزووتنه‌وەی ئیسلامی کوردستانی عیراق (باکع)‌ به‌ خه‌یاڵی دامه‌زراندنی کۆماری ئیسلامی عێراق/کوردستان، یه‌کێتی نیشتمانی کوردستان (ینک) به‌نیازی که‌مکردنه‌وه‌ی هێرشی سه‌ر نێوه‌ندی و سه‌رکردایه‌تییه‌که‌ی – وه‌ك نه‌وشیروان موسه‌ته‌فا دەیسەلمێنێت – و فره‌تر خۆبردنه‌ پێش لای کۆماری ئیسلامی، پارتییی دیموکراتی کوردستانی عیراق (پدکع) و حزبی سۆشیالیستی کوردستان (حسك) وه‌ك پیشه‌ی هه‌میشه‌ییان، که‌ له‌ ماوه‌ی هەشت ساڵه‌ی جەنگی عیراق- ئێران ڕۆڵی دیده‌بانی بان سورێن و مڵه‌خوردیان ده‌دیت، بەبێ سێ و دوو چوونە ژێر باری داخوازییەکانی دەوڵەتی ئیسلامی ئێران‌. ئاماده‌یی بۆ جێبه‌جێکردنی پێشنیاره‌که‌ی کۆماری ئیسلامی ئێران، بووبووه‌ هۆی دروستکردنی پێشبڕکێ له‌نێوان پارتییه‌کانی به‌ره‌ی کوردستانی، له‌وه‌ی کێ باشتر ده‌توانێت زۆرترین پاسدار به‌رێته‌ نێو شاری هەڵەبجە و چاوساخیی مینهه‌ڵگره‌وه‌کانی (قه‌رارگای ڕه‌مه‌زان) بکات، ته‌نیا حزبی شیوعی عیراقی (حشع) به‌شدارینه‌کرد، به‌ڵام ئه‌ویش به‌ بێده‌نگه‌کردن به‌رامبه‌ر ئه‌و تاوانه‌، ڕه‌زامه‌ندی بۆ کۆماری ئیسلامی / دۆستی په‌نانه‌کی نیشاندا و بارگه‌کانی له‌ ( که‌ره‌ژاڵ و مڵه‌خورد و مۆردین) به‌ره‌و (شیوی قازی) له‌ (قه‌ره‌داخ) گواسته‌وه‌.

به‌ره‌ی دووه‌می جەنگ، که‌ ڕژێمی عیراقی به‌ پشتیوانی ده‌وڵه‌ته‌ ئیسلامی و پادشاییه‌کانی که‌نداو و ده‌وڵه‌ته‌ عه‌ره‌بییه‌کانی تر و ئه‌مه‌ریکا، ده‌بوو نه‌خشه‌کانی کۆمپانیا جیهانخۆرەکان و ده‌لاڵانی بازاری چەك و ئه‌مه‌ریکا و ئیسرائیل، به‌هه‌ر نرخێك بووه‌، به‌سه‌رکه‌وتووی ئه‌نجامبدات، یه‌کێك له‌و نه‌خشانه‌ تاقیکردنه‌وه‌ی چه‌که‌ کیمیاییه‌ به‌رهه‌مهێنراوه‌کانی پاش جه‌نگی جیهانی دووه‌م بوو له‌ ناوچه‌یه‌کی گونجاودا، که‌ له‌ زه‌ڕاتخانه‌کاندا که‌ڵه‌که‌ بووبوو.

شاری هه‌ڵه‌بجه‌ له‌ ده‌شتی شاره‌زوور و شاخه‌کانی هۆرامان، له‌به‌رئه‌وه‌ی که‌ ناوچه‌یه‌کی کشتوکاڵیی و ئاژه‌ڵداریی و خاوه‌ن ته‌پۆڵکه‌ و شاخ و ده‌شت و ڕوبار و گۆم و کانی و کارێز و دۆڵ و باخ و ڕه‌زه‌دێم و ئاژه‌ڵی کێوی جۆراوجۆر، باڵداری جۆراوجۆر..تد، ئه‌و شوێنه‌ گونجاوه‌ بوو، که‌ شاره‌زایانی تاقیکرنده‌وه‌ی چه‌کی کیمیایی بۆ ئه‌و تاقیکرنده‌وه‌یه‌ هه‌ڵیانبژاردبوو…

له‌وانه‌یه، که‌سانێکی خۆ به‌ ڕۆشنبیر و ئه‌کادیمیكزان و ڕامیارکار، بێن و بۆ سه‌لماندنی ئه‌م پاگه‌ندانه‌، داوای به‌ڵگه‌مان ‌لە ئێمە بکه‌ن، داوای سۆپه‌رمانیمان لە ئێمە بکه‌ن، تاوه‌کو له‌ ژێرزه‌مینه‌ شاراوه‌کانی سی‌ئای‌ئه‌ی و نووسینگه‌ی شاراوه‌ی نێوه‌نده‌ جیهانییه‌کان ئه‌و به‌ڵگانه‌ ده‌رکه‌ین. چونکه‌ ئه‌و جه‌نابانه‌، بێجگه‌ له‌ کوته‌کاخه‌زی مۆرکراو، ئاوه‌زییان به‌هیچ نیشانه‌ و به‌ڵگه‌یه‌کی دیکە ناشکێت و بنێشتی ده‌می سه‌رانی خۆیان ده‌جوونه‌وه‌.

بۆ وه‌ڵامدانەوە به‌و پرسیاره‌ بازاریانه‌ی به‌رکارانی ده‌ڵاڵانی بازاری چه‌ك و کۆمپانیاکانی چه‌کسازی، ده‌ڵێین:

چۆن بوو که‌ عیراق چاوی له‌وه‌ پۆشیبوو، که‌ شه‌ش مانگ له‌وه‌وبه‌ره‌وه‌، له‌ ناوچه‌کانی ئاته‌شگه‌ و له‌شکرگه‌ و زمناکۆ‌ و له‌ ناوچه‌کانی  مڵه‌خورد و  سورێن و هۆرامان‌ به‌ به‌رچاوی پایگاکانی‌ ڕژێم خۆی له‌ لوتکە بەرزەکانی باڵامبۆ و به‌مۆ و شنروێ،‌ ئێران ڕێگه‌ی تایبه‌تی بۆ زرێپۆش و له‌سه‌ر ڕوباری سیروان پردی ده‌به‌ست، ئه‌و هه‌مووه‌ چه‌کداره‌ی لێژنه‌ی باڵای ئیسلامی (مجلس أعلی الاسلامي في العراق) و پاسداره‌ی هێنابووه‌ ناوچه‌که‌، شه‌ش مانگ له‌وه‌وبه‌ره‌وه‌، نوێنه‌رانی (قه‌راگای ڕه‌مه‌زان) له‌ سه‌ربازگه‌که‌ی سه‌رووی هه‌ڵه‌بجه‌ له‌ته‌ك ئه‌فسه‌رانی باڵای عیراقی دانیشتنی چه‌ند ڕۆژه‌یان ده‌کرد، زۆربه‌ی سه‌رۆکچه‌کداره‌کانی ڕژێمی بەعس له‌لایه‌ن ئێران و به‌ره‌ی کوردستانی په‌یوه‌ندییان لەتەکدا بەسترابوو و سه‌رۆکی له‌شکر و سوپای پاسداران به‌چه‌ند شه‌و له‌ گه‌ڕه‌کی (پیرموحه‌مه‌د) و (کانی شێخ) له‌ ماڵی سه‌رۆکخێڵ و  پیاوانی ئایینی ده‌مانه‌وه‌، بۆچی و چۆن بوو، کە ئه‌و ڕژێمه‌ دیکتاتۆره‌ پڕ سیخوڕ و چه‌کدار و سه‌رباز و هه‌واڵگر و هه‌واڵده‌ره‌وه‌، ئاگای له‌و که‌ین و به‌ینانه‌ نه‌بوو؟

له‌ 13-15ی ئازاری 1988 به‌ شێوه‌یه‌کی به‌رده‌وام و له‌ گشت لایه‌که‌وه‌، له‌ سنووره‌کانی ئێران لەتەك شاری هه‌ڵه‌بجه‌ و ده‌وروبه‌ری له‌ ژێر تۆپبارانێکی به‌رده‌وام و خه‌ستدا بوو،‌ هه‌مان شه‌و 13/14ی ئازاری 1988 سوپای پاسداران و پێشمه‌رگه‌کانی (ینک) له‌ قۆڵی ئه‌شکه‌هۆڵ‌ هێڕشیان بۆ سه‌ر لوتکه‌ی (شنروێ) هێنا، به‌ڵام له‌به‌رئه‌وه‌ی‌ ئه‌و سه‌ربازانه‌ی که‌ پێشتر له‌وێ بوون، له‌ پڕ گۆڕدرابوون و له‌ جێی ئەوان سوپای گه‌لی (جیش الشعبي) که‌ به‌زۆری خه‌ڵکی که‌رکووك و خواروو بوون، جێگیر کرابوون، ئه‌وه‌ش بووه‌ هۆی شکستی ئه‌و هێرشه‌ و دواخستنی. هه‌روه‌ها شه‌وی 14/15ی ئازاری 1988 له‌ قۆڵی (ڕێشاو)‌ بۆ سه‌ر سه‌ربازگه‌ی هه‌ڵه‌بجه‌ هێرش ده‌ستیپێکرد و ئه‌و شه‌وه‌ش به‌ کوژرانی به‌سیج و پاسدارێکی زۆر ئێران شکستیهێنا، تا‌ ڕۆژی 15ی ئازاری 19٨٨ له‌ هه‌مان قۆڵی ڕێشاو‌ پاسدار و به‌سیج و پێشمه‌رگه‌ چوونه‌ نێو شاری هەڵەبجە و ئوردووگەکانی دەوروبەری تا سێڕیانی (پردی زه‌ڵم). پاسدار و به‌سیج و پێشمه‌رگه‌ی بزووتنه‌وه‌ی، پێشتر له‌ قۆڵی (نه‌وڕۆلی) گه‌یشتبوونه‌ نێو شار و له‌ قۆڵی ئه‌حمه‌داوا و سورێن‌ ناوچه‌کانی هۆرامان و خورماڵ و تا پرده‌که‌ی زه‌ڵم دابڕکرابوون. به‌و جۆره‌ له‌شکری عیراقی ئه‌وه‌ی که‌ فریاکه‌وت و خۆی به‌ده‌سته‌وه‌ نه‌دابوو، کشایه‌وه‌ و (گامێش ته‌په)‌ و (گرده‌نازێ)  و (کانی بەردینە) بوون به‌ به‌ره‌ی جەنگی نێوان ئێران و عیراق، ئایا ده‌کرێت بزانین، بۆچ ڕژێمی عیراقی لە بارێکی ئاوادا کاردانه‌وه‌یه‌کی په‌یگیر له‌ خۆی نیشاننادات؟

هه‌مان ڕۆژ، پێشمه‌رگه‌کانی (گوردانی شوان)ی کۆمه‌ڵه‌ی زه‌حمه‌تکێشانی (حکا)، له‌به‌رئه‌وه‌ی که‌ پێشتر ئاگادارنه‌کرابوون، له‌ (بیاره‌) که‌وتبوونه‌ به‌ر هێرشی سوپا و پاسداری ئێرانی و ناچار به‌ره‌و ڕوباری سیروان کشانه‌وه‌ و له‌وێدا که‌ ده‌یانویست له‌ (ئیمامی زامن) به‌ره‌و (کانی به‌ردینه‌) بپه‌ڕنه‌وه‌، له‌ دواوه‌ڕا پاسدار و به‌سیج و پێشمه‌رگه‌ی بزووتنه‌وه‌ی ئیسلامی ده‌کوتنه‌ سه‌ر ئەوان و له‌ پێشه‌وه‌ش سه‌ربازانی عیراقی بواری په‌ڕینه‌وه‌ بە ئەوان ناده‌ن و ته‌قه‌ لە ئەوان ده‌که‌ن و له‌و نێوه‌دا هه‌موو کوشتوبڕکران، ئه‌وه‌ی که‌ بۆ (حزبی دیموکراتی کوردستانی ئیران) و (سوپای ڕزگاری شێخ ئوسمان) ئاگادارده‌کرێن و (کۆمه‌ڵه‌) ئاگادارناکرێت، ئایا ئه‌وه‌شیان ڕێکه‌وت و له‌بیرچوون بوو؟ ‌

ڕۆژی ‌15ی ئازار، ڕۆژی گرتنی هه‌ڵه‌بجه‌‌ تا 16ی ئازار، ڕۆژی کیمیابارانکردنی ‌هه‌ڵه‌بجه‌، ڕژێم بێده‌نگییه‌کی سه‌رسووڕهێنه‌ری له‌ خۆی نیشاندا، پێشنیوەڕۆی ڕۆژی ١٦ی ئاازاری ١٩٨٨ فڕۆکەی ڕژێمی بەعس پەڕەکاخەزیان بەردایەوە، تاوەکو ئاراستەی هەوای ئەو ڕۆژە بزانن، سات ١١ی پێشنیوەڕۆ فرۆکه‌کانی ڕژێم لە یەکەمین خولدا سه‌ره‌تا به‌ ناپاڵم و ڕۆکێتی ئاسایی هێڕشیانکرده‌ سه‌ر شار، تاوه‌کو خه‌ڵک په‌نا به‌رێته‌ ژێرخانه‌کان و ئه‌وسا به‌ ڕۆکێتی گازی شار په‌لاماردرا و به‌ زۆریش ڕۆکێت له‌و شوێنانه‌ درا، که ‌ئاراسته‌ی با لێوه‌ی به‌ره‌و شار بوو، که‌چی هه‌موو ئه‌و هێرشانە له‌ به‌ره‌ی کوردستانی و ئێران نه‌کرد، بیر له‌ ڕزگارکردنی خه‌ڵکی بکه‌نه‌وه‌، بۆچی؟ چەکە قورسە دژە هەواییەکانی نێو سەربازگەی سەرووی شار، کە کەوتبوونە ژێر کۆنترۆڵی پاسدار و بەسیج و لەشکری سوپای ئێرانی، هیچ کاردانەوەیەکیان نیشاننەدا و تەنانەت فرۆکەکانی ڕژێمی بەعس بەبێ بەرەنگاری بوون، چەند دە مەترێك لە سەرووی خانووەکانەوە دەفڕین.

له ‌باری ئاساییدا پێشتر پێشمه‌رگه‌ لە جەنگەکاندا به‌ کلاشینکۆڤ له‌ فڕۆکه‌کانی ڕژێم ته‌قه‌یانده‌کرد و زۆرجار ده‌بوونه‌ داستانی پڕ هه‌ڵا، که‌چی له‌و ڕۆژه‌دا لووله‌ی چه‌که‌کان به‌روخوار به‌ زه‌ویدا ڕۆچووبوون! هێزی پێشمه‌رگه‌ی (ینک)، چه‌کێکی دژه‌ فڕۆکه‌ی، له‌وه‌ی موجاهیدینه‌کانی ئه‌فگانستان به‌ناوی (سام) هه‌بوو، که‌چی له‌و ڕۆژه‌دا بۆ ڕۆژی ته‌نگانه‌ هه‌ڵیانگرتبوو، (ینک) جونی 1987 بڵاوکراوه‌یه‌کی ده‌رکرد، که‌ باسی هه‌موو چه‌که‌ کیمیاییه‌کانی ڕژێم و وڵاتی دروستکه‌ر و ناوی ئه‌ندازیاره‌ بیانییه‌کانی تێدا هاتبوو، که‌چی له‌و ڕۆژه‌دا به‌خه‌ڵکی دهگ‌وت هیچ نییه‌، له‌م ناوچه‌یه‌ کیمیایی کارایی نییه‌، ئه‌وه‌ بۆچی؟

کاتێك، که‌ خه‌ڵکی هه‌ڵه‌بجه‌ له‌ته‌ك داگیرکردنی هه‌ڵه‌بجه‌ ڕۆژی ١٥ی ئازاری ١٩٨٨ لە شاڕێگه‌کانی شاره‌وه‌ به‌ره‌و ناوچه‌ی  نه‌وڕۆڵی و سازان و چناره‌ و مۆردین و بۆین و ڕێشاو و ده‌ره‌تفێ و هاواره‌کۆن و بیاره‌ و ته‌وێڵه‌ که‌وتنه‌ڕێ و شه‌وی داگیرکردنی هه‌ڵه‌بجه‌، زۆرینه‌ی شار به‌ره‌و ئه‌و ناوچانه‌ که‌وتبوونه‌ڕێ، که‌چی پێشمه‌رگه‌ و پاسدار له‌ خه‌ڵكەکە ڕێگه‌یانگرت و خه‌ڵکیان به‌ گه‌ڕانه‌وه‌ بۆ نێو شار ناچارکرد، ئه‌وه‌ سه‌ره‌ڕای ئه‌وه‌ی‌ سه‌رانی به‌ره‌ی کوردستانی ده‌یانزانی، که‌ له‌ سه‌دا هه‌زار ڕژێـمی به‌عس کیمیایی به‌کارده‌هێنێت، به‌تایبه‌ت ساڵی پار به‌بێ هاتنی لەشکری ئیران،  هه‌ر له‌به‌ر خۆپیشاندانێك بۆ ڕاگرتنی گواسته‌وه‌ی  لادێکانی شارەزوور، ڕژێمی بەعس خۆی  له‌نێو هه‌ڵه‌بجه‌ گه‌ڕه‌کی (کانی ئاشقانی) به‌ تی‌ئێن‌تی ته‌قانده‌وه‌؟

له‌ کاتێکدا که‌ هه‌موو پێشمه‌رگه‌کانی به‌ره‌ی کوردستانی، سه‌رو ماسکی دژه‌-کیمیایی و پۆشاکی تایبه‌ت و ده‌رزی و ده‌رمانی ئێرانی (ش.م. ر)  دژه‌ کیمیاییان هەبوو، چۆن بوو، که‌ به‌ خه‌ڵکیان ده‌گوت ” مه‌ترسن، شۆڕش پلانێکی پته‌وی بۆ به‌رگریکردن له‌ شار هه‌یه‌ و به‌یانی نا دوو به‌یانی (سلێمانی)ش ده‌گرین و ڕژێم له‌ ڕوخاندایه” ؟

ئێران به‌و هه‌موو توانا سه‌ربازیی و لۆجیستیکییه‌وه‌، به‌و هه‌موو ئه‌زموونه‌ی هەشت ساڵی جەنگ، که‌ به‌رده‌وام چه‌کی کیمیایی تێدا به‌کارهاتبوو، چۆن بوو له‌ هه‌ڵه‌بجه‌ هیچ چه‌کێکی دژه‌فڕۆکه‌ی به‌کارنه‌هێنا، به‌تایبه‌ت ئه‌وه‌ی که‌ گشت چه‌که‌ دژه‌-هه‌وایی و قورسه‌کانی ڕژێمی بەعس له‌ جێی خۆیاندا  له‌ سه‌ربازگه‌کانی (هەڵەبجە‌) و (زه‌مه‌قی) و پایه‌گا به‌رزه‌کانی (به‌مۆ) و (باڵامبۆ) و (شنروێ) و (شرام) و تد. مابوون؟ ئه‌ی بۆ ئێران نه‌خشه‌ی تایبه‌تی بۆ ته‌قاندنه‌وه‌ی تاك به‌ تاكی خانوو و فه‌رمانگه‌کانی هه‌ڵه‌بجه‌ هه‌بوو؟ ئه‌ی چۆن بوو ئێران نه‌خشه‌ی بۆ دزینی سه‌یاره‌کانی شاره‌وانی هەڵەبجە و مه‌نجه‌ڵی ماڵان و تەقاندنەوەی فێرگەکانی گوندە وێرانبووەکانی ناوچەی هۆرامان کە لە جەنگی عیراق-ئێران یا پێشتر لە ڕواگواستندا مابوونەوە، پرۆژەی هه‌بوو؟

ئه‌ی نێوه‌نده‌کانی مافی مرۆڤ و ئۆروپای پارلەمانتاریزم و سۆڤیه‌تی کۆمونیستی و چینی کۆمونیستی و دەوڵەتی ئه‌مه‌ریکای باوکی گه‌لان بۆ بێده‌نگ بوون؟

ئایا هێشتاکه‌ پیاوانی ڕۆشنبیر و ئه‌کادیمیست داوای به‌ڵگه‌مان لە ئێمە ده‌که‌ن؟

ئایا بوارێك بۆ پاسا و خۆدزینه‌وه‌ و ماکیاجی ڕوخساری ده‌سه‌ڵاتی بۆرژوازی کورد، که‌ له‌ کیمیابارانکردنی شاری هه‌ڵه‌نجه‌ ده‌ستی هه‌یه‌، ماوه‌ته‌وه‌‌؟

سەکۆی ئەنارکیستانی کوردستان

١٦ی ئازاری ٢٠١٦

ڕۆژی ٨ی مارچ، بۆ ؟

لێرەدا پرسیارەکە لەسەر ئەوە نییە، کە چۆن ئەو بۆنەیە لەو ڕۆژدا سەریهەڵداوە، چونکە یەکەم بۆ کەسانێك کە دڵەخورپەی ئازادی و یەکسانییان هەیە، بەدڵنیاییەوە بەسەرهاتی ئەو ڕۆژە و چۆنیەتی بوونی بە ڕۆژی جیهانی دەزانن و ئەوەش دەزانن کە جیهانیبوونی ئەم ڕۆژە بارەتەقای کۆششی تەنیا ژنێك (کلارا زیتکین) نییە وەك چەپەکان پاگەندەی بۆ دەکەن، بەڵکو بەرهەمی تێکۆشانی نەپساوەی بزاڤی ژنانی ئازادیخواز و یەکسانیخوازە شانبەشانی بزاڤە سۆشیالیستییەکان لە چەند ساڵی یەکەمی پاش ڕووداوەکە لە جیهاندا و بەو جۆرە بەردەوامی تێکۆشان لەو پێناوەدا گەیاندییە ئەو ئاستە کە زۆرێك لە وڵاتان ناچاربوون مل بەوە بدەن، کە بیکەنە پشووی فەرمی.

بەڵام هەر زوو وەك هەر ڕووداو و دیاردە مێژوویی پاش پیرۆزکردنی و بەرتەسککردنەوەی لە یاد و ئاهەنگگێڕان، گۆڕا بە ڕۆژێکی ناکارا لە کۆڕی تێکۆشانی یەکسانیخوازانە و تەنانەت لەو وڵاتانەشدا کە چەپەکان تێیدا لە دەوڵەتدا بوون، ئەم ڕۆژە لە هەلی پاگەندی پارتیی و نیشاندانی هێزی دەوڵەت، هیچی دیکە نەبوو. ئەوەش بەگوێرەی ڕەوتی مێژوویی ڕووداوەکان و ئاڵوگۆڕی دیاردەکان لەژێر کارایی گۆڕانی مێژوویدا، شتێکی چاوەڕوانکراوە، هەروەك بۆنە ئایینییەکان و سەردانی مەرقەدەکان بەگوێرەی ڕەوتی مێژوویی بوونەتە شوێنی بەیەکگەیشتن و ڕابواردن، هەر ئاواش ڕۆژی جیهانی ژنان بووەتە بۆنەی پاگەندەی دەسەڵاتداران و چەپە دەسەڵاتخوازەکان و کڕۆکەە شۆڕشگێڕییەکەی لەدەستداوە. لەوەش خراپتر ئەوەیە کە ئەم ڕۆژە لە هەر وڵات و ناوچەیەك و لە بەرنامەی هەر پارتیێکی ڕامیاریدا، ڕوخسارێکی دیکەی بەخۆوە گرتووە و کراوەتە بۆنەی ئایینی و ناسیونالیستی و پارتیی و لە بۆنە و یادێکی شۆڕشگێڕانەوە کراوە بە ڕۆژێك بۆ پەخشکردنی ئایدیۆلۆجیا جۆراوجۆرەکان و هەلێك بۆ بازرگانی، بۆ نموونە ساڵانی پێشتر لە هەرێمی کوردستاندا لەجیاتی پشووبوونی ئەم ڕۆژە، دەسەڵاتداران فەرمانیان دەدا، کە هەموو کەسێك (ژنان) دەبێت بە پۆشاکی کوردییەوە بچێت بۆ سەرکار و خوێندن، کە بێجگە هەلی بازرگانی و کەوڵکردنی ننێوەڕۆكی ئەو ڕۆژە هیچ پەیوەندییەکی بە ئازادی ژن و بە جیهانیبوونی ئەم ڕۆژەوە نییە. ئەی ئەم ساڵ کە چەند مانگە کرێکاران و فەرمانبەران و مامۆستایان و خانەنیشان مووچەیان وەرنەگرتووە و خەڵك نان نییە بیخوات، دەسەلاتداران چ فەرمانێك بۆ ژنان دەردەکەن؟ ئەی چەپە ئاهەنگێڕەکان چ داخوازییەك بەرزدەکەنەوە؟

ئەگەر لەوانەش بگوزەرێین، پرسیارێکی دیکە یەخەماندەگرێت، ئەگەر ژنان لە ساڵێکدا ڕۆژێکیان هەیە، ئەی 364 ڕۆژەکەی دیکە هی کێن؟ ماف و ئەرك و ڕۆڵ و پێگەی ژنان لە ڕۆژەکانی دیکەدا چییە و چۆن دەبێت؟

بێجگە لەوە پارتییە ڕامیارییەکان لەپێش هەموویانەوە پارتییە چەپەکان، هەموو ساڵ لەم ڕۆژەدا دەزگەی پاگەندەیان دەخەنەگەڕ و ڕۆژی پاشتر تەنانەت ژنە پاشرەوەکانیشیان دەگەڕێنەوە ڕۆڵی ئاساییان و بوخچەی ئازادی و یەکسانیخوازییان تا ساڵێکی دیکە دەپێچنەوە و سەدان ڕووداو و کارەسات و کوشتوبڕ و بازرگانی بەسەر ژناندا دێن و دەکرێن، چەنەبازە ڕامیارەکان بێجگە لە بەیاننامەی پاگەندەیی بۆ پارتییەکەیان و ئایدیۆلۆجییەکەیان، هیچی دیکە بە ئەرکی خۆیان نازانن!

ئەوە وێنە ڕاستەقینەکانی پشت پاگەندە و هەوڵی دەسەڵاتەکان و چەپەکانە، لەبەرئەوە بەبڕوای ئێمە بەشداریکردن لە بەئاهەنگکردنی ئەم ڕۆژە و واڵاکردنی مەیدان بۆ پاگەندەی ڕامیاریی دەسەڵاتخوازان خزمەتکردنە بە کۆنەپەرستی و کۆیلەڕاگرتنی ژنان لە کۆمەڵدا.

ئێمە ژنان و پیاوانی ئازادیخواز و یەکسانیخواز، لەو بارەوە بۆچوونگەلێکی دژەتەوژممان هەیە، کە لەم خاڵانەی خوارەوەدا کورتدەبنەوە :

– ڕۆژی 8ی مارچ و بەجیهانیبوونی ئەم ڕۆژە بارەتەقای پاڵەوانبازیی هیچ سەرکردە و دەستەبژێرێك نییە و تەنیا بەرهەمی تێکۆشانی نەپساوەی بزاڤی ڕزگاریخوازانەی ژنان و بزاڤی سۆشیالیستیی جیهانە بەگشتی.

– ڕۆژی 8ی مارچ، ڕۆژی ئاهەنگگێران و خۆڕازاندنەوە و مەیخواردنەوەی نێو هۆڵ و باڕەکان نییە، بەڵکو ڕۆژی ڕژانە سەر شەقامەکان و دەستکێشانەوە لە کار و داگیرکردنی پارلەمان و کارگێڕییەکانە.

– ڕۆژی 8ی مارچ، ڕۆژی تیندان و باگەوازکردن بۆ ئایدیۆلۆجییە ئایینی و ناسیونالیستی و چەپی و نیئۆلیبراڵییەکان نییە، بەڵکو ڕۆژی بانگەوازکردنە بۆ تێکۆشانی جەماوەریی و کۆمەڵایەتیی بۆ پاشەکشێکردن بە ڕەوتە کۆنەپارێزەکان کۆمەڵ.

– بە بۆچوونی ئێمە چەوسانەوەی ڕەگەزیی ژنان کاری تاکە پیاوێك نییە، وەك ئەوەی فێمینیستە بۆرجوازییەکان و چەپەکان پاگەندەی بۆ دەکەن، بەڵکو کارکرد و بەرهەمی دەسەڵاتی ڕامیاریی و دەسەڵاتی کولتوورییە، کە جیاوازی چینایەتی مامانی لەدایکبوونیانە.

– ئێمە لەو بڕوایەداین، تا سەروەری مرۆڤ بەسەر مرۆڤدا بمێنێت و تاوەکو پێناوێك بۆ چەوسانەوەی مرۆڤ بمێنێت، ژنان وەك بەشێك لە کۆمەڵ ڕزگاری یەکجارەکی بەدەستناهێنن، هەروەها بەپێچەوانەی پاگەندەی فێمینیستە بۆرجوازییەکانەوە، لە سایەی پارلەمانیترین دەسەڵاتی بۆرجوازی و لە سایەی لیبرالیترین یاسایاندا، کەمی کرێ و پیشەسازی سێکسی و کۆیلەتی ژنان و مناڵان لە پەرەسەندنەوەدایە.

– بە بۆچوونی ئێمە، ڕزگاری هەر تاك و توێژ و چین و ئێتنییەك تەنیا لە دەستی خودی خۆیدایە و هیچ هێزێك ناتوانێت کۆیلەیەك ڕزگاربکات، ئەگەر خۆهوشیاری ئەو کۆیلەیە خۆی نەبێتە هاندەری تێکۆشانی بۆ ڕزگاربوونی، لەم پەیوەندەدا تاوەکو ژنان ڕزگاری خۆیان لە پاشکۆیی پرسی ئێتنیی و وابەستەیی پارتییە ڕامیارییەکان و چەقبەستن لە پیرۆزیی ئایدیۆلۆجیاکان جیانەکەنەوە، وەك ئەزموونە مێژووییەکان نیشانیدەدەن، شکست لەدوای شکست گەورەتر و بەئازارتر دەبێت.

– ئێمە هاوکاتی ئەوەی کە کۆڕ و کۆمەڵی خۆهوشیاریی ژنان بەپێویست و کارا دەبینین، بەشداریی و چالاکبوونی ژنان لە ڕێکخراوەی سەربەخۆی جەماوەریی چین و توێژە کۆمەڵایەتییەکاندا بە مەیدانی سەرەکی تێکۆشان و چەکی کارا بۆ سەپاندنی داخوازییەکانمان و مەیدانچۆڵکردن بە دەسەڵاتی ڕامیاریی و دەسەڵاتی کولتووریی دەبینین و دەزانین. ژنان بەبێ بەشداری چالاکانەیان لە تێکۆشانی سەربەخۆی ئابووریی ئەو چین و توێژە کۆمەڵایەتییانەدا و بەبێ بەشدارییان لە پێکهێنان و بوونیان لە پەیکەربەندیی ڕێکخراوە سەربەخۆ جەماوەرییەکاندا، ناتوانن هاوکار و هاوچین و هاوەڵ و هاوسەرە پیاوەکانیان ناچار بە بەشداریکردن لە تێکۆشانی یەکسانیخوازانەدا بکەن و ناتوانن ببنە دینەمۆی تێکۆشانی کۆمەڵایەتی بۆ کۆتاییهێنان بە کۆیلەتی خۆیان.

هەڵبەتە نەوتراو نەمێنێتەوە، ئێمە هەموو ڕێکخراوێکی بەناو جەماوەریی ژنان، کرێکاران، خوێندکاران، ساڵمەندان و کەمئەندامان و مناڵان و … تد، کە لەسەر پەیکەربەندی قوچکەیی واتە دەسەڵاتداریی هەندێك بەسەر هەندێکی دیکە پێکهاتوون، ڕەتدەکەینەوە و ئاوای دەبینین کە دەستەمۆیی و نادەربەرستیی ژنان زیاتر و قوڵتر دەکەنەوە و ئەوە بۆ تێکۆشانی هەموو چین و توێژە کۆمەڵایەتییەکان بە هەمان شێوە دەبینین.

با ئەم ساڵ ئاهەنگ و کۆڕە فەرمانداریی [حکومەتی/ دەوڵەتیی] و پارتیی و دەسەڵاتخوازانەکان بایکۆتبکەین و لە بەرانبەردا خۆمان لە کۆڕ و کۆمەڵی سەربەخۆیی شوێنەکانی کار و خوێندن و گەرەکەکاندا ڕێکبخەین و داخوازییەکانمان بەڕووی کۆمەڵ و دەسەڵاتدارانیدا بەرزبکەینەوە و دەسەڵاتی ڕامیاریی و کولتووریی وەك بکەر و ڕاگری کۆیلەتی یاسایی و کۆمەڵایەتیی ژنان بخەینە ژێر پرسیارەوە.

ئازادی و یەکسانی ژنان تەنیا لە خۆهوشیاریی و خۆڕێکخستن و خۆکارابوون و خۆبیرکردنەوەی خودی ژناندایە

سەکۆی ئەنارکیستانی کوردستان

٥ی مارچی 201٦

ڕۆشنكردنەوەیەك بۆ ڕای گشتی

ڕۆشنكردنەوەیەك بۆ ڕای گشتی

خوێنەرانی هێژا، وەك دەزانن لە هەرێمی كوردستان / کوردستان هزر و تێڕوانین و بیرۆكە ئەناركیستییەكان پێشینەیەكی زۆریان نییە و ئەگەر هەشبووبێت لە ئاستی ئاشنایی و ئاگاداریی تاكەكەسیی تێپەڕینەكردووە؛ لە کوردستان نە بزووتنەوەیەكی كۆمەڵایەتیی بە ناو و ئامانجی ئەناركیستی بوونی هەبووە، نە گروپ و ڕێكخراوەی جەماوەریی، نە بڵاوكراوە و نە دەقی نووسراو یا وەرگێڕدراو. تا ئەوێندەرێ كە ئێمە ئاگاداربین و بەڵگەمان هەبێت، پێش كۆبوونەوەی چەند نووسەر و چالاكێك و ڕاگەیاندنی (سەكۆی ئەناركیستانی كوردستان)، كە سەكۆیەكی ئینتەرنێتییە و ساڵی ٢٠٠٥ بەدواوە بوون و ئامادەیی هەیە و نووسەرانی پێش ڕاگەیاندنی ئەو سەكۆیە وەك تاكەكەس خەریكی وەرگێران و نووسین بوون و نزیكایەتییان لەتەك هزری ئەناركی هەبووە.

هەر ئاوا هەموو ڕەخنەلێگرانی هزری ئەناركیستی و هەموو كەسێكی ئیسلامی و ناسیونالیست و ماركسیست و لیبراڵی ئاگا لە بنەما هزرییەكانی ئەو ڕەوتە دەزانێت، ئەناركیزم هەر ئاوا کە ڕەتكەرەوەی سەروەریی چینایەتی و دارایی تایبەت و كاریكرێگرتەیە، هەر ئاواش ڕەتكەرەوەی هەموو ڕێكخستن و پێكهاتەیەكی قووچكەیی و نێوەندیییە ئیدی چ پارتییەكی ڕامیاریی بێت یا ڕێكخراو و گورپێكی جەماوەریی و كۆمەڵایەتیی و چ پێكهاتەی خێزان و كۆڕێكی كۆمەڵایەتیی بێت، هەر لەسەر ئەو بنەمایە هیچ ئەناركییەك ئەو مافە بەخۆی نادات و ئەو مافەی نییە، كە خۆی بكاتە قسەكەری ئەوانی دیكە یا بەناوی ئەوانی دیكەوە ڕاگەیاندن بدات و ڕێكخراو و بزووتنەوەی ئینتەرنێتی ڕابگەیێنێت، چونكە ڕێكخراوی ئەنارکی هەنگاوی یەكەم ڕێكراوێكی پاگەندەییە و دووەم پێكهاتەیەكی ئاسۆییی نێو ژیانی كۆمەڵایەتییە و هەروەها بزووتنەوەی ئەناركی ناوی سەر كاخەز و تۆڕی ئینتەرنێتیی نییە، گروپی پاگەندەیی خۆجێی و فێدراسیۆنە هەرێمیی و كۆنفێدراسیۆنە سەرتاسەرییەكان شێوەی باوی ڕێكخستنی ئەناركیستین، بەڵام ئەم شێوە ڕێکخستنە فرەتر لە بزووتنەوەی كرێكاریی و جەماوەریی مەیدانی و لە یەكگرتنەوەی گروپە خۆجێییە پاگەندە و چالاكەكان پێكدێن، بزووتنەوەش بە گشتێتی بە چالاكی و جوڵەی هەڵگرانی ئاراستەیەكی دیاریكراو دەگوترێت، نەك ڕاگەیاندنی چەند كەسێك لە سەرووی كۆمەڵ وەك لاسایی سیستەم و ڕێكخستنی چینایەتیی و قووچكەیی باوی تا ئێستا.

بەڵام بەداخەوە لە شەش ساڵی ڕابوردوودا بە بڵاوبوونەوەی بیرۆكە و تێڕوانینە ئەناركیستییەكان لە خۆرهەڵاتی ناوین و نێو كۆچەران و پەنابەرانی ئەوروپا-نشین، بینەری دوو هەوڵی پێچەوانە و لاساییكەرەوانەی پارتییە ڕامیارییەكان و ڕێكخستنە قووچكەیی و نیوەندییەكانین بەناوی ئەناركیزمەوە؛

یەكەم: دروستكردنی وێبلاگێكی فارسی-زمان بەناوی “صدای آنارشیسم” ساڵی ٢٠٠٩، كە لە ئێستادا بەرەو دروستكردنی چەندین پەڕە و ئەكاونتی فەیسبووكی بەناوی “كارگرا آنارشیست” و “دانشجویان آنارشیست” و “هنرمندان آنارشیست” و “….” و دەیان پەیج و گروپی دیكەی یەك كەسی دروستكردووە، كە لاساییكردنەوەیەكی ئاشكرای ناونانە لێنیستییەكانە “ئاڵای شۆڕش” ، “دەنگی كۆمونیزم” و …..تد.

دووەم: دروستكردنی پەیجێكی فەیسبووكی بە زمانی كوردی بەناوی “بزووتنەوەی ئەناركیستی كوردستان” دوو ڕۆژ لەمەوپێش، كە پاش یەكەمین سەرنجی ئێمە لەبارەی ناوەكەیانەوە، ناوی ڕێكخراوێكیشیان “ڕێكخراوی ئەناركیستی كوردستان” قووتكردەوە، “عزر لە خەتا قەباحەتتر”.

لە بارەی مێژوو و چالاكی هەوڵی یەكەم، دوو كەس ئەو وێبلاگەیان دروستكردبوو، ئەو كات گروپێك ئەناركیستی فارسی-زمان لە پاڵتۆك دوو ژووری پاگەندەیی بەناوی “ئەناركۆ-سەندیكالیزم” و “سەدەی بیست و یەك ، سەدەی ئەناركیزم” هەبوون و هاوڕێیانی ئێمەش [سەكۆی ئەناركیستانی كوردستان] بەشداری لێدوان و گفتوگۆ و مشتومڕەكانی ئەو دوو ژوورە پالتۆكییەویان دەكرد. هەر لە سەرەتای هاتنی دروستكەرانی وێبلاگی “صدای آنارشیسم” بۆ نێو گفتوگۆكان، ئەو ناونانە ڕووبەڕووی ڕەخنەی ئەناركسیتی بوووە، هەروەها دواتر لە پێكهاتن و یەكەمین كۆبوونەوەی ئەناركیستە فارسی-زمانەكانی ئاڵمانیا ساڵی ٢٠١٠، چالاكی و بەرخوردی ئوتوریتەگەرایانە و تاككەڕەوانەی یەكێك لە دروستكەرانی ئەو وێبلاگە بوو بە بابەتی مشتومڕ و لەبارەیەوە هەڵوێست وەرگیرا و پاشان تێڕوانینە سێكستییەكانی و كۆنترۆڵكردنی وێبلاگەكە و خۆسەپاندنی ئەو و هەروەها ئۆتوریتەگەرایانی چالاكێكی دیكە، بوونە هۆی هەڵوەشاندنەوەی گروپە و دروستكردنی كێشەیەكی درێژماوە و بەردەوامیی هەر دووكیان لەسەر ڕۆڵی پاپا و مامای ئەناركیزم. خوێنەری بەردەوامی بابەتە فارسیییەكان، ئاگاداری هەموو ئەو پرسانەیە و لە ساڵی ٢٠١٢ بەدواوە (فێدراسیۆنی نێونەتەوەیی ئەناركیستی)یش ئاگاداری ئەو وردەكارییانە هەیە.

هەوڵی دووەم، خوێنەر دەتوانێت بەخۆی سەرنجی ڕاگەیاندن و ڕێكخراو قوتكردنەوەی ئەو پەیجە فەیسبووكییەی، كە زۆرینەی تێكستەكانی كۆپیكراوی نووسین و وەرگێرانەكانی هاوڕێیانی سەكۆی ئەناركیستانن، بدات. ئەوەی ئێمە دەمانەوێت لێرەدا بە ئێوەی هێژای ڕابگەیێنین و هەمووان ئاگاداربكەینەوە، ئەوەیە كە ئێمە دەستخۆشی لە هەر تاكە كەس و هەر گروپێك دەكەین، كە بەناوی ئەناركیستبوون یا بە نزیكایەتی هزریی لە ئەناركیزم چالاكی و پاگەندەدەكات و سایت و بلاگ و ئەكاونت و پەیج و گروپی كۆمەڵایەتیی نێو ئینتەرنێت دروسدەكات، هەروەها هەموو نووسین و وەرگێرانێكی هاوڕێیانی ئێمە بڵاوكردنەوەیەكی ئازادانەیە و هەموو كەس دەتوانێت لەلای خۆی چاپیبكات و بڵاویبكاتەوە، بە مەرجێك ئاماژە بە سەرچاوەیەك كە لە ئەوەوە وەریگرتووە بدات و هەروەها نەیكاتە كەرەستەی پارەپەیداكردن یا ناوبانگدەركردن بۆ خۆی.

ئەوەی ئێمە بزانین و ئاگاداربین، (بزووتنەوە) بە هەبوونێكی كۆمەڵایەتیی و جەماوەریی دەگوتریت، كە لە ژیانی ڕۆژانەدا كار و چالاكی هەیە و لە ئاستی كۆمەڵێكدا چەندین لك و گروپ و ڕێكخراوەی جەماوەریی و كۆمەڵایەتیی و هەرەوەزیی و ..تد لە خۆی گرتووە. هەروەها ڕێكخراو/ ڕێكخستنی ئەناركیستی[نەك پارتیی]، لە كۆنەوە تا ئێستا گروپی كاریی و پاگەندەیی خۆجێی، فێدراسیۆنی هەرێمی كە لە یەكگرتنی گروپە خۆجیییەكان و ڕێكخراوە جەماوەرییە خۆجێیەكان پێكدێت، كۆنفێدراسیۆنی سەرتاسەریی، كە لە یەكگرتنی فێدراسیۆن و ڕێكخراوە جەماوەریی و كۆمەڵایەتییە هەرێمییەكان پێكدێت. بێجگە لەوانەش لە ئێستادا وەك هەوڵێك بۆ خۆلادان و بەرگرتن بە بیرۆكراسیی ڕێكخراوەیی و بەرگرتن بە ئۆتوریتەگەریی چالاكان، پێكهێنانی تۆڕی ناوچەیی و هەرێمی و سەرتاسەریی سەریهەڵداوە، كە بە هەمان میكانیزم و بنەماكانی ڕێكخستن و بڕیاردان و جێبەجێكردن و چالاكی ئەنارکیستیی هەن و پەیڕەودەکات.

بەداخەوە، ئەوەی ئێمە لە ڕاگەیاندنی “بزووتنەوەی ئەناركیستی كوردستان” دەیبینین، تەواو پێچەوانەی بنەما هزریی و ڕێكخستنی و چالاكییەكانی بزووتنەوەی ئەناركیستین و تەنیا لاساییكردنەوەیەكی نەزانانە یا ئامانجدارانی ڕێكخستن و ڕێكخراوە قووچكەیی و نێوەندییە ڕامیارییەكانە و كەسێك یا چەند كەسێك لە پشت مۆبایل/ لاپتۆپێكەوە بە ئارەزووی خۆی ناو و سێمبوڵ بۆ خۆی/خۆیان دروستدەكەن، كە لە باشترین باردا دەستكاریكردنی ئارم وسێمبولەكەی فراكسیۆنی لەشكری سوور (RAF)ی ئاڵمانیا’یە و كەسێك یا كەسانێك دەیانەوێت ببنە دیكتەکەر و پێشرەو و ڕزگاركەری خەڵك. بەداخەوە ئەگەر ئەوان بەڕاستی چالاكانی ئەناركیستن و دەیانەوێت لەو ئاراستەدا بەگوێرەی توانای خۆیان لە شوینی ژیان و كاری خۆیان یا لە تۆری ئێنتەرنێتیدا چالاکی ئەنجامبدەن، دەیانتوانی وەك كاریی تاكەكەسیی یا گروپی گوند/ گەڕەك یا شارێك خۆیان بە خوێنەر بناساندایە؛ بەناوی دەستەیەك یا بەشێك لە ئەناركیستانی شاری سنە، مەریوان، مەهاباد، سلێمانی، دیاربەكرد، كۆبانێ….تد. بەڵام بەداخەوە ئەوان بەبێ هەبوونی تێڕوانین و بیرۆكە و نووسین و وەرگێڕان و چالاكی و پەیوەندی لەتەك گروپەكانی دیكە، خۆیان بەناوی “بزووتنەوە” و “ڕێكخراو”ی ئەنارکستانی هەموو و سەرتاسەری كوردستان ڕاگەیاندووە و خۆیان كردووەتە دەمراستی هەموو ئەناركیستانی كوردستان، كە ئەوە بێزراوترین و ناشیاوترین و ڕەتکراوەترین كارە لەلای ئەناركیستەكان و تەنیا چەپە بەناو “ئەناركیستەكان”ی خۆرهەڵاتی ناوین ڕێگە بەخۆیان دەدەن، ئاوا كارێك ئەنجامبدەن.

بۆ ئاگاداری خوێنەر و وەك ڕۆشنكردنەوەیەك سەرەتا لەلایەن هاوڕێیانی ئەوروپییەوە (سەكۆی ئەناركیستانی كوردستان) وەك “فێدراسیۆنی ئەناركستانی كوردستان” ناسێنرا، لەو بارەوە ئێمە ناچاربووین لە چەندین پێكەوەدانیشتن و دیمانەدا ڕۆشنكردنەوەمان دا، كە لە كوردستان نە بزووتنەوەیەكی ئەناركیستی بوونی هەیە و نە فێدراسیۆن، لەوانەیە لە خۆرهەڵات [كوردستانی بەشی ئێران] و لە باكوور [كورستانی بەشی توركیە] گروپی ئەناركیستی كار و خۆجێی یا گروپی پاگەندەیی نهێنی هەبن و ئێمە ئاگاداری هەبوونی چەندین تاكە كەسی چالاك لە خۆرهەڵات و باشوور و باکوور هەین و پەیوەندییی تاكەكەسییمان لەتەكیان هەیە، بەڵام هیچ بزووتنەوەیەكی كۆمەڵایەتیی و جەماوەریی بوونی نییە و ئێمەش [سەكۆی ئەناركیستانی كوردستان] تەنیا سەكۆیەكی ئینتەرنێتیین بۆ گفتوگۆ و لێدوان و نووسین و بڵاوكردنەوە و پاگەندەكردن لەبارەی خۆڕێكخستن و خۆچالاكیی و خۆبڕیاردان و خۆجێبەجێكردن و خۆبەرێوەبەریی و هاوكاتیش نووسەرانی (سەكۆی ئەناركیستانی کوردستان) چالاكی گروپە خۆجێییەكانی وڵاتانی ئەوروپین.

لەبەرئەوە ئەو پەیجە فەیسبووكییە و هەر بلاگ و و سایت و پەیجێكی ئینتەرنێتی بەناوی “بزووتنەوە” و “ڕێكخراو”ی ئەناركیستی بناسێنێت، هیچ پەیوەندییەكی بە (سەكۆی ئەناركیستانی كوردستان) نییە و لەسەر بنەماكانی هزر و تێڕوانینی ئەناركیستی و ئەزموونە مێژووییەكان و گەڕانەوەمان بۆ مێژوو، ئەو بەناو “بزووتنەوە” و “ڕێكخراوە” ئینتەرنێتییانە ڕەتدەكەینەوە و بە هەوڵێكی چەپی لە بەرگی “ئەناكیستی”یان دەبینین و بە گومانەوە سەرنجیاندەدەین و لە مێژووی بزووتنەوەی ئەئارکسیتیدا هەمیشە نیشانەی پرسیاریان لەسەر بووە و دەبێت. بەڵام هاریكاری و هاوڕیی هەموو دەنگێكی ئازاد، هەموو كار و چالاكییەكی خۆجیی و هەموو گروپێكی خۆجێی و ئێنتەرنیتیی پاگەندەكەر و ڕۆشنگەر دەكەین. لەو بارەوە لێرەدا بۆ جیاكردنەوە خۆمان لینكی پێگە ئینتەرنێتییەكانی سەكۆی ئەناركستان ڕیزدەكەن:

http://www.anarkistan.wordpress.com

http://www.facebook.com/sekoy.anarkistan

http://www.issuu.com/anarkistan

http://www.twitter.com/anarkistan

anarkistan@riseup.net

ئەنارکیستەکان نە خۆیان بە [مەرجەع] دەزانن و نە هیچ کەس بە [مەرجەعی] خۆیان دەزانن و نە بواردەدەن، کە هیچ کەس و گروپ و دەستەبژێرێك ببێتە [مەرجەع]ی بزووتنەوەی ئەنارکیستی.

سەكۆی ئەناركیستانی كوردستان

٢٦ی فیبریوەری ٢٠١٦

Roşinkirdneweyek bo ray giştî

Roşinkirdneweyek bo ray giştî

Xwêneranî hêja, wek dezanin le herêmî kurdistan / kurdistan hzir û têrrwanîn û bîroke enarkîstîyekan pêşîneyekî zoryan nîye û eger heşbûbêt le astî aşnayî û agadarîy takekesîy têperrînekirduwe; le kurdistan ne bzûtneweyekî komellayetîy be naw û amancî enarkîstî bûnî hebuwe, ne grup û rêkixrawey cemawerîy, ne bllawkrawe û ne deqî nûsraw ya wergêrrdraw. Ta ewênderê ke ême agadarbîn û bellgeman hebêt, pêş kobûnewey çend nûser û çalakêk û rageyandinî (sekoy enarkîstanî kurdistan), ke sekoyekî înternêtîye û sallî 2005 bedwawe bûn û amadeyî heye û nûseranî pêş rageyandinî ew sekoye wek takekes xerîkî wergêran û nûsîn bûn û nzîkayetîyan letek hizrî enarkî hebuwe.

Her awa hemû rexnelêgranî hizrî enarkîstî û hemû kesêkî îslamî û nasîwnalîst û markisîst û lîbrallî aga le bnema hizrîyekanî ew rewte dezanêt, enarkîzm her awa ke retkerewey serwerîy çînayetî û darayî taybet û karîkrêgirteye, her awaş retkerewey hemû rêkxistin û pêkhateyekî qûçkeyî û nêwendîyye îdî çi partîyekî ramyarîy bêt ya rêkixraw û gurpêkî cemawerîy û komellayetîy û çi pêkhatey xêzan û korrêkî komellayetîy bêt, her leser ew bnemaye hîç enarkîyek ew mafe bexoy nadat û ew mafey nîye, ke xoy bkate qsekerî ewanî dîke ya benawî ewanî dîkewe rageyandin bdat û rêkixraw û bzûtnewey înternêtî rabgeyênêt, çunke rêkixrawî enarkî hengawî yekem rêkrawêkî pagendeyye û duwem pêkhateyekî asoyîy nêw jyanî komellayetîye û herweha bzûtnewey enarkî nawî ser kaxez û torrî înternêtîy nîye, grupî pagendeyî xocêy û fêdrasyone herêmîy û konfêdrasyone sertaserîyekan şêwey bawî rêkxistinî enarkîstîn, bellam em şêwe rêkxistne fretir le bzûtnewey krêkarîy û cemawerîy meydanî û le yekgirtnewey grupe xocêyye pagende û çalakekan pêkdên, bzûtneweş be giştêtî be çalakî û culley hellgranî arasteyekî dyarîkraw degutrêt, nek rageyandinî çend kesêk le serûy komell wek lasayî sîstem û rêkxistinî çînayetîy û qûçkeyî bawî ta êsta.

Bellam bedaxewe le şeş sallî raburdûda be bllawbûnewey bîroke û têrrwanîne enarkîstîyekan le xorhellatî nawîn û nêw koçeran û penaberanî ewrupa-nşîn, bînerî dû hewllî pêçewane û lasayîkerewaney partîye ramyarîyekan û rêkxistne qûçkeyî û nîwendîyekanîn benawî enarkîzmewe;

Yekem: drustkirdnî wêblagêkî farsî-zman benawî “êday آnarşîsm” sallî 2009, ke le êstada berew drustkirdnî çendîn perre û ekawnitî feyisbûkî benawî “kargra آnarşîst” û “danişcuyan آnarşîst” û “hnirimindan آnarşîst” û “….” û deyan peyc û grupî dîkey yek kesî drustkirduwe, ke lasayîkirdneweyekî aşkray nawnane lênîstîyekane “allay şorrş” , “dengî komunîzm” û …..tid.

Duwem: drustkirdnî peycêkî feyisbûkî be zmanî kurdî benawî “bzûtnewey enarkîstî kurdistan” dû roj lemewpêş, ke paş yekemîn sernicî ême lebarey nawekeyanewe, nawî rêkixrawêkîşyan “rêkixrawî enarkîstî kurdistan” qûtkirdewe, “‘zir le xeta qebahettir”.

Le barey mêjû û çalakî hewllî yekem, dû kes ew wêblageyan drustkirdbû, ew kat grupêk enarkîstî farsî-zman le palltok dû jûrî pagendeyî benawî “enarko-sendîkalîzm” û “sedey bîst û yek , sedey enarkîzm” hebûn û hawrrêyanî êmeş [sekoy enarkîstanî kurdistan] beşdarî lêdwan û giftugo û miştumrrekanî ew dû jûre paltokîyewyan dekrid. Her le seretay hatnî drustkeranî wêblagî “êday آnarşîsm” bo nêw giftugokan, ew nawnane rûberrûy rexney enarkisîtî bûwe, herweha dwatir le pêkhatin û yekemîn kobûnewey enarkîste farsî-zmanekanî allmanya sallî 2010, çalakî û berxurdî uturîtegerayane û takkerrewaney yekêk le drustkeranî ew wêblage bû be babetî miştumirr û lebareyewe hellwêst wergîra û paşan têrrwanîne sêksitîyekanî û kontrollkirdnî wêblageke û xosepandinî ew û herweha oturîtegerayanî çalakêkî dîke, bûne hoy hellweşandnewey grupe û drustkirdnî kêşeyekî drêjmawe û berdewamîy her dûkyan leser rollî papa û mamay enarkîzm. Xwênerî berdewamî babete farsîyyekan, agadarî hemû ew pirsaneye û le sallî 2012 bedwawe (fêdrasyonî nêwneteweyî enarkîstî)îş agadarî ew wirdekarîyane heye.

Hewllî duwem, xwêner detwanêt bexoy sernicî rageyandin û rêkixraw qutkirdnewey ew peyce feyisbûkîyey, ke zorîney têkistekanî kopîkrawî nûsîn û wergêranekanî hawrrêyanî sekoy enarkîstanin, bdat. Ewey ême demanewêt lêreda be êwey hêjay rabgeyênîn û hemuwan agadarbkeynewe, eweye ke ême destxoşî le her take kes û her grupêk dekeyn, ke benawî enarkîstibûn ya be nzîkayetî hizrîy le enarkîzm çalakî û pagendedekat û sayt û blag û ekawnit û peyc û grupî komellayetîy nêw înternêt drusdekat, herweha hemû nûsîn û wergêranêkî hawrrêyanî ême bllawkirdneweyekî azadaneye û hemû kes detwanêt lelay xoy çapîbkat û bllawîbkatewe, be mercêk amaje be serçaweyek ke le ewewe werîgirtuwe bdat û herweha neykate kerestey parepeydakirdin ya nawbangderkirdin bo xoy.

Ewey ême bzanîn û agadarbîn, (bzûtnewe) be hebûnêkî komellayetîy û cemawerîy degutrît, ke le jyanî rojaneda kar û çalakî heye û le astî komellêkda çendîn lik û grup û rêkixrawey cemawerîy û komellayetîy û herewezîy û ..tid le xoy girtuwe. Herweha rêkixraw/ rêkxistinî enarkîstî[nek partîy], le konewe ta êsta grupî karîy û pagendeyî xocêy, fêdrasyonî herêmî ke le yekgirtnî grupe xocîyyekan û rêkixrawe cemawerîye xocêyekan pêkdêt, konfêdrasyonî sertaserîy, ke le yekgirtnî fêdrasyon û rêkixrawe cemawerîy û komellayetîye herêmîyekan pêkdêt. Bêcge lewaneş le êstada wek hewllêk bo xoladan û bergirtin be bîrokrasîy rêkixraweyî û bergirtin be oturîtegerîy çalakan, pêkhênanî torrî nawçeyî û herêmî û sertaserîy serîhelldawe, ke be heman mîkanîzm û bnemakanî rêkxistin û birryardan û cêbecêkirdin û çalakî enarkîstîy hen û peyrrewdekat.

Bedaxewe, ewey ême le rageyandinî “bzûtnewey enarkîstî kurdistan” deybînîn, tewaw pêçewaney bnema hizrîy û rêkxistinî û çalakîyekanî bzûtnewey enarkîstîn û tenya lasayîkirdneweyekî nezanane ya amancdaranî rêkxistin û rêkixrawe qûçkeyî û nêwendîye ramyarîyekane û kesêk ya çend kesêk le pişt mobayl/ laptopêkewe be arezûy xoy naw û sêmbull bo xoy/xoyan drustdeken, ke le baştirîn barda destkarîkirdnî arm wsêmbulekey frakisyonî leşkirî sûr (RAF)î allmanya’ye û kesêk ya kesanêk deyanewêt bibne dîkteker û pêşrew û rizgarkerî xellk. Bedaxewe eger ewan berrastî çalakanî enarkîstin û deyanewêt lew arasteda begwêrey twanay xoyan le şuynî jyan û karî xoyan ya le torî ênternêtîda çalakî encambden, deyantwanî wek karîy takekesîy ya grupî gund/ gerrek ya şarêk xoyan be xwêner bnasandaye; benawî desteyek ya beşêk le enarkîstanî şarî sne, merîwan, mehabad, slêmanî, dyarbekrid, kobanê….tid. Bellam bedaxewe ewan bebê hebûnî têrrwanîn û bîroke û nûsîn û wergêrran û çalakî û peywendî letek grupekanî dîke, xoyan benawî “bzûtnewe” û “rêkixraw”î enarkistanî hemû û sertaserî kurdistan rageyanduwe û xoyan kirduwete demrastî hemû enarkîstanî kurdistan, ke ewe bêzrawtirîn û naşyawtirîn û retkrawetrîn kare lelay enarkîstekan û tenya çepe benaw “enarkîstekan”î xorhellatî nawîn rêge bexoyan deden, awa karêk encambden.

Bo agadarî xwêner û wek roşinkirdneweyek sereta lelayen hawrrêyanî ewrupîyewe (sekoy enarkîstanî kurdistan) wek “fêdrasyonî enarkistanî kurdistan” nasênra, lew barewe ême naçarbûyn le çendîn pêkewedanîştin û dîmaneda roşinkirdneweman da, ke le kurdistan ne bzûtneweyekî enarkîstî bûnî heye û ne fêdrasyon, lewaneye le xorhellat [kurdistanî beşî êran] û le bakûr [kuristanî beşî turkye] grupî enarkîstî kar û xocêy ya grupî pagendeyî nhênî hebin û ême agadarî hebûnî çendîn take kesî çalak le xorhellat û başûr û bakûr heyn û peywendîyî takekesîyman letekyan heye, bellam hîç bzûtneweyekî komellayetîy û cemawerîy bûnî nîye û êmeş [sekoy enarkîstanî kurdistan] tenya sekoyekî înternêtîyn bo giftugo û lêdwan û nûsîn û bllawkirdnewe û pagendekirdin lebarey xorrêkxistin û xoçalakîy û xobirryardan û xocêbecêkirdin û xoberêweberîy û hawkatîş nûseranî (sekoy enarkîstanî kurdistan) çalakî grupe xocêyyekanî wllatanî ewrupîn.

Leberewe ew peyce feyisbûkîye û her blag û wi sayt û peycêkî înternêtî benawî “bzûtnewe” û “rêkixraw”î enarkîstî bnasênêt, hîç peywendîyekî be (sekoy enarkîstanî kurdistan) nîye û leser bnemakanî hzir û têrrwanînî enarkîstî û ezmûne mêjûyyekan û gerraneweman bo mêjû, ew benaw “bzûtnewe” û “rêkixrawe” înternêtîyane retdekeynewe û be hewllêkî çepî le bergî “enakîstî”yan debînîn û be gumanewe serincyandedeyn û le mêjûy bzûtnewey earkisîtîda hemîşe nîşaney pirsyaryan leser buwe û debêt. Bellam harîkarî û hawrrîy hemû dengêkî azad, hemû kar û çalakîyekî xocîy û hemû grupêkî xocêy û ênternîtîy pagendeker û roşinger dekeyn. Lew barewe lêreda bo cyakirdnewe xoman lînkî pêge înternêtîyekanî sekoy enarkistan rîzdeken:

http://www.anarkistan.wordpress.com

http://www.facebook.com/sekoy.anarkistan

http://www.issuu.com/anarkistan

http://www.twitter.com/anarkistan

anarkistan@riseup.net

Enarkîstekan ne xoyan be [merce’] dezanin û ne hîç kes be [merce’î] xoyan dezanin û ne bwardeden, ke hîç kes û grup û destebjêrêk bbête [merce’]î bzûtnewey enarkîstî.

Sekoy enarkîstanî kurdistan

26î fîbrîwerî 2016

بایکۆتکردن کاراترین و دوایین چەکە

پاش ئەوەی کە پارتییە زلهێزەکانی بەرەی کوردستانی لەتەك دەوڵەتە هاوپەیمانەکان ڕاپەڕینی ئازاری ١٩٩١ی عیراق و کوردستانیان بەرەو شکست و کۆڕەو برد و پاشەکشێیان بە بزووتنەوەی شوورایی کرد، لە ساڵی ١٩٩٢دا تاکە ڕزگاربووەکان لە داگیرکاریی ڕژێمی بەعس بە خۆشباوەڕێی بە بەڵێنی پارتییەکان و هیواداریی  و چاوەڕوانی گۆڕانی ژیان و ڕێوشوێنیان بەرەو سندووقەکانی دەنگدان چوون و سەرەنجام بەدڵخۆشییەکی تەواوەوە چەوسێنەرانی خۆیانیان هەڵبژراد و پێش ئەوەی کە خولی یەکەمی پارلەمانی و حکومەتکردنی نیوە بە نیوەی (ینک) و (پدک) کۆتاییبێت، پارتییە دەسەڵاتدارەکان جەنگێکی چەند ساڵەی نێوخۆییان بەسەر کۆمەڵدا سەپاند و پاش ئاشتبوونەوە لەسەر کوشتاری خەڵك و پێکهاتنی هەر دوولا لەسەر دابەشکردن ڕەنجی خەڵك و تایبەتیکردنەوەی کەرتەکانی بەرهەمهێنان و خزمەتگوزاریی و تاڵانکردنی سامان و داهاتی کۆمەڵ، لە ساڵی ٢٠٠٩دا بە سازدانی سیناریۆی گۆڕانخوازیی باڵێکی نێو یەکێك لە پارتییە دەسەڵاتدارەکان، جەماوەری ناڕازی بەرەو سندووقەکانی دەنگدان بردەوە و جارێکی دیکە خەڵکیان بە سەرۆك و پارلەمان و حكومەت و دەوڵەتی باش خۆشباوەڕکردەوە و هەروەها لە ساڵی ٢٠١٣ هەمان سیناریۆ بەڕێژەیەك دووبارەکرایەوە، تاوەکو تاکەکانی کۆمەڵیان لەبەردەم سەرۆکایەتی کەسێك دەستەپاچەکرد.

ئەوەی لەم ڕۆژگارەدا لەم هەرێمەی ئێمە ڕوودەدات، بەرهەمی پرۆسێسێکی درێژی دوو دەهە و نیوی ڕابوردووە و بۆرجوازی کورد لەم ساتەدا خەریکە بەرەکەی دەچنێتەوە و جارێکی دیکە تاکەکانی ئەم کۆمەڵە بە هەبوونی مەترسی دەرەکی و بە سیناریۆی هێنانی (داعش) دەترسێنن و بە ملدان و دەستەمۆبوون بۆ بڕیاری چەوسێنەرانیان ڕایاندەهێننەوە و لەو نێوەدا ئۆپۆزسیۆنی دەسەڵاتخواز خەریکی چینەکردنی دەستکەوت و بەشە تاڵانییە.

لەم ساتەدا پاش تاقیکردنەوەی هەموو ڕێگە و شێوازە ڕامیاریی و بۆرجوازییەکان، تەنیا ڕێگەیەك و شێوازێکی تێکۆشان لەبەردەم ئێمەی ژێردەست و نەداردا مابێتەوە، هەر بایکۆتکردنی دەنگدان و هەوڵدانە بۆ پێکهێنانی گروپە خۆجێیی و ڕێکخراوە جەماوەرییە سەربەخۆکان و  سەندنەوەی شاخ و دۆڵ و گرد و دەشتە داگیرکراوەکان و کەرتە بە پارتیی و تایبەتکراوەکانی بەرهەمهێنان و خەزمەتگوزاریی لە دەسەڵاتدارانی هەرێم و لە بەرانبەردا ڕێکخستنەوەی کۆمەڵ لەسەر بنەمای دێمۆکراسی ڕاستەوخۆ و لە ڕێکخستنی کۆمەڵایەتیی و جەماوەریی سەربەخۆی چین و توێژە کۆمەڵایەتییە بەرهەمهێنەرەکان و پێکهێنانی خۆبەڕێوەبەرایەتی گەلیی و کۆنفێدراسیۆنی کۆمەڵە ئازادەکانی ئەم هەرێمە لە گشت گوند و شار و ناوچەکاندا.

نا بۆ دیکتاتۆریی .. نا بۆ سەرۆکایەتی .. نا بۆ پارتایەتی .. نا بۆ پارلەمان .. نا بۆ حکومەت .. نا بۆ دەوڵەت .. نا بۆ سەروەریی چینایەتی .. نا بۆ کاری کرێگرتە .. نا بۆ دارایی تایبەت

بەڵێ بۆ دێمۆکراسی ڕاستەوخۆ .. بەڵێ بۆ خۆبەڕێوەبەریی گەلیی .. بەڵێ بۆ کۆنفێدرالیزمی دێمۆکراتیك .. بەڵێ بۆ کۆمەڵی ناچینایەتی .. بەڵێ بۆ تەبایی و هاوپشتی و هاریکاری و هاوخەمیی مرۆڤایەتی

سەکۆی ئەنارکیستانی کوردستان

٥ی جولای ٢٠١٥

ناڕەزایەتی .. خۆنیشاندان .. خۆڕێکخستن .. هاوپشتی کۆمەڵایەتی

ناڕەزایەتی .. خۆنیشاندان .. خۆڕێکخستن .. هاوپشتی کۆمەڵایەتی

چەکی خەباتی جەماوەریی، ڕێکخراوی سەربەخۆی جەماوەرییە
سەنگەری خەباتی جەماوەریی، داخوازییە جەماوەریی و کۆمەڵایەتییەکانن
مسۆگەرکەری سەرکەوتنی خەباتی جەماوەریی، هاوپشتی کۆمەڵایەتیی گشت چین و تویژەکانە

داخوازی ڕەوای مامۆستایان چاوەڕوانی هاوپشتی و هەڵوێستی گشت خوێندکاران و دایك و باوکی خوێندکاران و کرێکاران و جوتیاران و فەرمانبەران و هونەرمەندان و خانەنشینان و پەککەوتان و نووسەران و ڕۆشنبیرانە!

ڕێکخراوی سەربەخۆی مامۆستایان کاراترین چەك و سەنگەری تێکۆشانی مامۆستایانە، ئەگەر ناڕەزایەتییەکانمان نەبنە مامانی لەدایکبوونی ڕێکخراوی سەربەخۆ و ڕزگاربوون لە پاشکۆیی دەسەڵات و پارتییە رامیارییەکان، ئەوا دەسەڵاتداران و پارتییە رامیارییەکان بەهۆی ڕێکخراوە پاشکۆکانییانەوە دەتوانن یەکڕیزی و یەکدەنگیمان لەنێوبەرن.

بەرەو یەک-ڕیزی و یەک-دەنگی و هاوپشتی جەماوەریی و کۆمەڵایەتیی
سەکۆی ئەنارکیستانی کوردستان

نامەی کراوە بۆ بەڕێزانی خۆبەڕێوەبەرایەتیی کانتۆنەکان و تەڤدەم لە “ڕۆژاوا” و کەچەکە لە قەندیل *

نامەی کراوە بۆ بەڕێزانی خۆبەڕێوەبەرایەتیی کانتۆنەکان و تەڤدەم لە “ڕۆژاوا” و کەچەکە لە قەندیل *

پاش سڵاو و ڕێز،

پێشه‌کی حه‌زده‌که‌ین ئه‌وه‌ بڵێین ئه‌م نامەیه‌ی ئێمه‌ نه‌ ئامۆژگارییه‌ و نه‌ پێشنیازکردنه‌ بۆتان، به‌ڵکو چه‌ند تێبینی و زانیارییه‌کن،‌ که‌ ده‌مانه‌وێت بە ئێوەیان ڕابگه‌یه‌نن، ئیدی چاره‌سه‌ری و هێشتنه‌وه‌یان به‌و شێوه‌یه‌ی که‌ هه‌ن‌ یا گۆڕینیان، په‌یوه‌ندی به‌خۆتانه‌وه‌ هه‌یه‌. دیسانه‌وه‌ ده‌بێت ئه‌و ڕاستییه‌ش بڵێین له‌ خۆنیشاندانی گه‌وره‌دا خه‌ڵکانێکی زۆری به‌ده‌ر له‌ په‌یه‌ده‌ و په‌که‌که‌ به‌ ئایدیا و ئایدۆلۆجی جیا جیاوه‌ دێنه‌ ناو خۆپیشاندانه‌کان.

ئێمە وەك سەکۆی ئەنارکیستانی کوردستان- کاف [Kurdistan Anarchists Forum] لەسەر ئەو بنەمایەی کە ئێوە دێمۆکراسی ڕاستەوخۆ و ڕێکخستن لە خوارەوەڕا [ناهیرارشی] و خۆبەرێوەرایەتیی گەلیی بەبنەمای پێکهاتنی کانتۆنەکانی ڕۆژاوا دەزانن، خۆمان بە بەشێك لەو کۆمەڵانە دەزانین و ئەو ئامانجانە بە ئامانجی خۆمان دەزانین، هەروەها هەر ئەو تایبەتمەندییانەی کانتۆنەکان بوونەتە هۆی ڕاکێشانی پشتیوانی ئازادیخوازانی ئەوروپا و ئەمەریکا و ئوسترالیا لەپێش هەموویانەوە ئەنارکیستەکان بۆ خۆبەڕێوەبەرایەتییەکان و خۆڕاگرییەکانی “ڕۆژاوا”.

ڕاستییەکەی لە دەرەوەی باری نائاسایی هێرشەکانی ئێستا، بۆمان ده‌رکه‌وتووه‌ و تیبینیماکردوه‌، کە له‌نێو خۆنیشاندان و ناڕه‌زایەتییه‌کانی خه‌ڵکی له‌ ئه‌وروپا، شتگه‌لێك یا دیارده‌گەلێك هەن‌ و هه‌ڵوێسته‌یه‌کیان به‌ ئازادیخوازان و ئه‌نارکستانی ئه‌وروپا کردووه‌ و تا ڕاده‌ی دڕدۆنگی و سڵه‌مینه‌وه‌یه‌ك له‌ به‌گه‌رمی چوونه‌ نێو ئه‌و خۆنیشاندان و ناڕه‌زاییانه‌ی که‌ له‌م ڕۆژانه‌دا ده‌کرێن، هەردەم شتگەڵێك ئازادیخوازان و لەنێویاندا هاوڕێیانی ئەنارکسیتانیان گێڕاونەتە دواوە و بوونەتە هۆی سڵەمینەوە و کەمتر گرنگیدانیان بە پرسەکانی گەلی کورد و ناوچەکە، هەروەها ئەوەندەی ئێمە ئاگاداربین هەم لە هزری ئۆجەلان و هەم لە ڕیزی گەریلاکانی قەندیل و هەم لە “باکوور” و “ڕۆژاوا” گۆڕانی پۆزەتیڤ بەرەو دژەسەروەیی و دژە-نێوەندگەرایی و دژە-دەوڵەتی ڕوویانداوە و لە ڕووداندان، بەڵام بەداخەوە لەنێو ڕیزی لایەنگرانی (پەکەکە) (پەیەدە)دا لە ئەوروپا و بەتایبەت لە “باشوور” و “خۆرهەڵات”دا کەمتر ئەو گۆڕانانە بەدیدەکرێن و ته‌نانه‌ت له‌ ڕاگه‌یاندنه‌کانیشیاندا چه‌ند دیارده‌یه‌ك خۆیان نیشانده‌دەن و زاڵبوون به‌سه‌ر ئامانجی هۆکاری خۆنیشاندان و ناڕه‌زاییه‌کاندا و ئه‌وه‌ش به‌بۆچوونی ئێمه‌ ئاوای کردووه،‌ ئه‌وه‌ی که‌ ده‌کرێت ئامانجه‌که‌ ناپێکێت یا له‌باریده‌بات، یا له‌وپه‌ڕی خۆشباوه‌ڕییدا سه‌ر له‌ زۆربه‌ی زۆری به‌شداربووانی چالاکیییه‌که‌ ده‌شێوێنێت، کە لەم پەیامەدا به‌ گیانێکی هاوڕێیانه‌ و هاوپشتیانه‌وه‌، چه‌ند دانه‌یه‌ك له‌و دیاردانه‌تان پێشچاو ده‌خه‌ین‌.

– زاڵبوونی کارێزما و ئۆتوریتەی ئۆجەلان بەسەر پرسەکان و بزووتنەوە و بنەماکانی کۆمەڵی نوێدا، کە بەجۆرێك لە ئەوروپا لەجیاتی بەرزکردنەوەی وێنەی گیانبەختکردووانی شەنگال و مەخموور و کۆبانێ، وێنەکانی بەرێز ئۆجەلان بە ژمارەی ئەندامان بەرزدەکرێنەوە، هەروەها لەجیاتی داخوازییکردن و بەرزکردنەوەی دروشمی ئازادی هەموو زیندانیان، تەنیا داخوازی و لیستی واژۆکۆکردنەوە بۆ ئۆجەلان هەیە ..

– کینەدۆزی ناسیونالیستی بەرانبەر تورك و عەرەب و فارس-زمانەکان بە هەمان ڕادەی ساڵانی نەوەدەکان لە ئارادایە و دەمارگیریی نەتەوەیی ڕێگرە لەوەی کە پشتیوانی و هاودەردی و بەشداری ئازادیخوازانی تورك و عەرەب و فارس-زمان ببینرێت، وەها دەمارگیرییەك لە بەرانبەردا تەنیا دەمارگیری و کینەدۆزی بەرهەمدەهێنێتەوە، بەداخەوە ئەو هاوتاکردنەی دەوڵەتە فاشیستەکانی تورکیە و ئێران و سوریە و داعش لەتەك گەلی تورك و فارس و عەرەب لە ڕاگەیاندنی کاناڵەکانتاندا ڕەنگدەداتەوە بە دیاریکراوی لە بەشی سۆرانی بەرنامەکانتاندا …

– بەکاربردنی واژەی ”شەهید” بۆ گیانبەختکردووانی بەرخودانی “باکوور” و “ڕۆژاوا” و “شەنگال”، کە هەم هاوتاکردنی گیانفیدایی ئازادیخوازێك و کوژراوانی (دەوڵەتی ئیسلامی عیراق و شام)ە، هەم سووکایەتیکردنە بە ئامانجەکانی بەرخودانی شۆڕشگێڕانەی چەوساوان. بەداخەوە وەها واژەیەکی پڕ سووکایەتی تەنیا لەلایەن کەسانی ناهوشیارەوە بەکارنابردرێت، بەڵکو لە کاناڵە میدیاکانتاندا بە ئاشکرا و هەردەم ئامادەیە. دیاره‌ ئێمه‌ لێره‌دا مه‌به‌ستمان ئه‌وه‌ نییه‌، که‌ بڵێین هه‌مووان ده‌بێت دروشمی دژه‌ ئیسلام هه‌ڵگرن، چونکه‌ ده‌زانین که‌ گه‌لی ئێمه‌ هه‌ر وه‌کو مێژوو و هه‌م وه‌کو کولتوور و نه‌رێتیش بۆته‌ به‌شێك له‌ مێژووی ئیسلام، که‌ لێرەدا و له‌ بارودۆخێکی ئاوادا، ناتوانرێت لێدوانی پەیگیرانەی له‌سه‌ر بکرێت. به‌ڵام ئه‌وه‌ی که‌ ده‌کرێت هه‌ر له‌ ئێستاوه‌ کاری له‌سه‌ر بکرێت، پاکژکردنی واژەی “شه‌هید”ە‌ له‌ به‌یاننامه‌ و که‌ناڵه‌کان و میدیاکانتاندا و له‌سەر زاری قسەکەران و وێژانیشتاندا.

– پیرۆزکردنی کەسەکان، ئیدی هه‌ر که‌سێك بێت به‌ به‌ڕێز (ئۆجه‌لان)یشه‌وه‌، مێژوو سه‌لماندوویه‌تی به‌ زیانێکی گه‌وره‌ له‌ سه‌ر خودی بزووتنه‌وه‌که‌ تەواوبووە، سه‌ره‌نجامێش ئه‌و پارتیی و بزووتنه‌وانه‌ تێشکانیان بۆ ماوه‌ته‌وه‌، نموونه‌ی زیندووش له‌ “باشوور”دا که‌ به‌ یه‌ك ڕسته‌ی (مسته‌فا بارزانی) بزووتنه‌وه‌یه‌کی چه‌کداری (١٣٠) هه‌زار که‌سیی له‌ ساڵی ١٩٧٥ دا له‌ شەو و ڕۆژێکدا ئاشبه‌تاڵی پێکرا. دیسانه‌وه‌ (یه‌کێتی نیشتمانی کوردستان) دوای له‌ گۆکه‌وتنی سه‌رۆکه‌که‌یان (جه‌لال تاڵه‌بانی) سه‌رگه‌ردان و ماڵوێران بوون. سەرپه‌رستی و ئایدیۆلۆجیگەریی، ڕه‌نگه‌ له‌ وڵاتانی (خۆرهەڵاتی ناوین)دا تا ئێستاش له‌بره‌ودا بن، به‌ڵام له‌ ئه‌وروپادا له‌لایه‌ن خه‌ڵکه‌ ئاساییه‌که‌یه‌وه‌ زۆر ده‌مێکه‌ ڕه‌تکراونه‌ته‌وه‌.

– گه‌رچی ئێوه‌ پاگه‌نده‌ی گۆڕانی کۆمه‌ڵایه‌تی و به‌رخودان شۆڕشی کۆمه‌ڵایه‌تی ده‌که‌ن و له‌ڕاستیشدا ئێوه‌ بۆ ئه‌مه‌ هه‌نگاوی به‌رجه‌سته‌ی کاراتان ناوه‌ و کردوتانه‌ته‌ نموونه‌یه‌کی نوێ، که‌ خوازیارین شوێنه‌کانی دیکه‌ش چاو له ‌ئێوه‌ بکه‌ن و سوود له‌ ئه‌زموونه‌کانتان وه‌رگرن. هه‌روه‌ها ئێمه‌ ئه‌وه‌ش ده‌زانین، که‌ به‌ڕێز (ئۆجه‌لان) و هه‌ندێك له‌ هه‌ڤاڵانی ئه‌و له‌ هه‌ردوو پارته‌که‌دا: (په‌که‌که‌) و (په‌یه‌ده)‌دا کار له‌سه‌ر ڕه‌تکردنه‌وه‌ی ده‌سه‌ڵات و ده‌وڵه‌ت و ڕێکخراوه‌ی قوچکه‌یی ده‌که‌ن، به‌ڵام مایەی داخه،‌ که‌ هێشتا دیارده‌ی هیراشیگه‌ری/ قووچکه‌رایی و نێوەندگەرایی له‌ کار و بنه‌ما کۆمه‌ڵایه‌تییه‌کان و هه‌ردوو پارته‌که‌دا به‌زه‌قی وه‌کو دوو ده‌سته‌ی فه‌رمانبه‌ر فه‌رمانده‌ر، سه‌ر و خوار، ده‌بینرێن.

– بەبۆچوونی ئێمە [کاف]، ڕاوەستاندنی جەنگی چەکداری لە “باکوور” لە ساڵانی ڕابوردوودا کاراییەکی زۆر پۆزەتیڤ و گەورەی لەسەر سەرهەڵدانی بزاڤی کۆمەڵایەتیی و بەرخودان لە خوارەوەرا هەبووە، هەر ئەم سەرهەڵدان و پەرەسەندنەوەی بزووتنەوە کۆمەڵایەتییەکانە، کە بەجۆرێك دەسەڵاتی کۆمەڵایەتی لە بەرامبەر دەسەڵاتی هیرارشییانەی پارلەمان و دەوڵەتی تورکیە و جەنەڕاڵەکاندا ڕۆناوە و هەر ئەوەشە کە دەوڵەت و فەرمانداریی ئاکەپەی هەراسانکردووە و ناچار پەنای بۆ دوا پووشی خۆڕزگارکردن بردووە؛ ئەویش هەڵگیرساندنەوەی جەنگی چەکدارییە لە “باکوور”، کە دەتوانێت دوا هیوای هاتنەدی خەونی نیئۆ-ئوسمانییەکان بێت. لەبەرئەوە هیوادارین ڕاگرتنی دانیشتنەکان بەواتای هەڵگیرساندنەوەی جەنگی چەکداری نەبێت، بەڵکو زیاتر پشتبەستنبێت بە خەباتی جەماوەریی و کۆمەڵایەتی لەوانە : مانگرتنی کرێکاران، بایکۆتی ڕاگەیاندن و شمەك، خۆنیشاندان و ڕێپێوان و بەزاندنی سنوورە ڕامیارییەکان و ..تد. چونکە لە ڕوانگەی ئێمەوە جەنگی چەکداری زیاتر لە پێشوو زیان بە بزاڤی کۆمەڵایەتیی و ڕەوتی شۆڕشی کۆمەڵایەتی دەگەیێنێت.

– ئێمە وەك زۆرێك لە پشتیوانانی کانتۆنەکان لە باشوور و خۆرهەڵات، ئاگاداری هەندێك ئاڵوگۆڕ و هەوڵی شاراوەین بەناوی “پشتیوانی لە کۆبانێ” لەلایەن دەسەڵاتدارانی هەرێمەوە؛ هەروا کە لە ڕاگەیاندنەکانماندا پێداگریمان لەسەر کردووە، ڕاکێشێنانی هێزەکانی داعش بۆ عیراق بێجگە لە ئامانجە تایبەتییەکانی هەر یەك لە دەوڵەتی تورکیە، دەوڵەتانی کەنداو و دەسەلاتدارانی هەرێمی کوردستان و دەوڵەتە یەکگرتووەکانی ئەمەریکا و هاوپەیمانانی، هەروا ئامانجێکی هاوبەشی هەمووشیانە، چونکە پەیوەندی بە سەروەریی سیستەمە جیهانییەکەوە هەیە لە جیهان و خۆرهەڵاتی ناویندا، ئەوەش ئابلۆقەدان و لەنێوبردنی سیستەمی خۆبەرێوەبەرایەتی کانتۆنە گەلییەکانی “ڕۆژاوا”بوو، کە پێشبینییەکانی ئێمە هاتنەدی و هەر ئاواش بوو، پەلاماری (کۆبانێ) درا و پارتییە دەسەڵاتدارەکانی هەرێم وەك خۆتان ئاگادارن هاوکاتی هێرشی داعش بۆ سەر کۆبانێ لە سنوورەکانی خۆیاندا جەنگیان ڕاگرت، تا لەشکری داعش باشتر هێرشبکاتە سەر کۆبانێ.

بەبۆچوونی ئێمە لەوانە مەترسیدارتر بۆ سەر ئەو خۆبەڕێوەبەرایەتییە گەلییە، ئەگەری ڕێکەوتنی ئێوەیە لەتەك دەسەڵاتدارانی هەرێم و بەشداریکردنی هاوپەیمانییەکەی ئەمەریکایە. چونکە وەك خۆتان دەزانن مەرجی یەکەمی دەسەڵاتدارانی هەرێم بەتایبەت (پدک) هەڵوەشاندنەوەی ئەو سیستەمەیە بە ئامانجی ڕێگەخۆشکردن بۆ دابەشکردنی دەسەڵات بەسەر پارتییە ڕامیارییەکاندا، تاوەکو پارتییە شیراتۆنییەکانی خۆی بەناوی “ڕۆژاوا”وە وەك دابەشکردنەکەی فیفتی بە فیفتی ١٩٩٢ نێوان (ینک) و (پدک) بەسەر بەرخوانی “ڕۆژاوا”دا بسەپێنێت. هەروەها لەبەر ڕۆشنایی ئەو کەتوارە[واقیعە]دا ئێمە ئەم مەترسییانە هەستپێدەکەین:

– لە بەرانبەر پێکهێنانی یەکینەکانی شەنگاڵ، فەرمانداریی هەرێم لەتەك حکومەتی عیراقیدا خەریکی پێکهێنانی هێزیكی ئێزیدی ٦٠٠٠ سەربازییە.

– بەرزکردنەوەی داخوازیی “ناوچەی دژەفڕین” لە عەفرین و کۆبانی و جەزیرە، کە ئامانج ڕزگارکردنی هێزەکانی داعش لە لێدان و هەروەها ناردنی هێزی یوئێن و هاوپەیمانانە بۆ ئەوێ وەك هەرێمی کوردستان ١٩٩٢- ٢٠٠٣، کە بەشێك لەو هێزە جەندرمەی تورکیا دەبن و بۆ هەمیشە دەبنە بڕیاردەر لەوێ.

– سەپاندنی سیستەمی پارلەمانی و بەشداریکردنی (البارتی) و هاوشێوەکانی دەسەڵاتی (پدک) و نوێنەرایەتی بەرژەوەندییەکانی فەرمانداریی ئاکەپە لە “ڕۆژاوا” و لەوێشەوە بەهەمان شێوەی هەرێمی دژەفڕینی کوردستان و دروستکردنی جەنگی میلیشیایی نێوان ئێوە و (البارتی) و زەمینەسازیی بۆ هاتنی کڵاوشینەکانی تورکیە و دانانی بنکەی سەربازیی وەك بامەڕنی و مانەوەی هەمیشەییان خۆشدەکەن.

– ناچارکردنی ئێوە بە بەشداری هاوپەیمانی زلهیزەکان، کە دواجار مەرجی پێدانی چەك و هاریکاریکردنتان لەلایەن بازاری چەکەوە، دیسانەوە دەستبەردابوونی سیستەمی خۆبەڕێوەبەرایەتی و دێمۆکراسی ڕاستوخۆیە و بە بۆچوونی ئێمە مەرگی ئێوە و خۆبەڕێوەبەرایەتییەکان لێرەوە دەستپێدەکات و گشت پشتیوانییەکی ئازادیخوازانی جیهانیش لەدەستدەدەن.

بەکورتی ئێمە هیوادارین لە دانیشتن و ڕێکەوتاندا لەتەك دەسەڵاتدارانی بۆرجوازی هەرێمی کوردستان، بەهیچ شێوەیەك مل بە سیستەمی پارلەمانی و بەشکردنی بەڕێوەبەرایەتی و فەرماندەیی پارێزگاریی نەدەن. هەروەها لە دانیشتنتاندا لەتەك دەوڵەتان و زلهێزەکان هەرگیز مل بە “ناوچەی دژەفین” نەدەن، کە گەورەترین پشتیوانییە بۆ هێزەکانی داعش یا ڕاستر بڵێین هێزەکانی دەوڵەتی فاشیستی تورکیە لەژێر پەردەی داعشدا.

ئێمە وێڕای پشتیوانی و هاودەردی و هاوخەمیمان لەتەك دانیشتووانی کانتۆنەکانی “ڕۆژاوا” و “باکوور” و شەنگال و بەرزنرخاندنی ئەزموونی دێمۆکراسی ڕاستەوخۆ و خۆبەڕێوەبەرایەتی گەلیی، ئەم سەرنجانە ئاراستەی ئێوەی بەڕێز لە “ڕۆژاوا” و هەروەها ئازادئەندشان لە قەندیل و “باکوور” دەکەین و هیوادارین لە چالاکی و هەوڵەکانی داهاتوودا سوودبەخشبن.

سەکۆی ئەنارکیستانی کوردستان (KAF)

١٧ ئۆکتۆبەری ٢٠١٤

****************************************

* خوێنەرانی هێژا، ئەم نامەیە پێشتر نووسراوە، بەڵام بەداخەوە لەبەر نەبوونی ئادرەسی لایە پەیوەندیدارەکان و هەروەها چاوەڕوانی پەیداکردنی ئادرەسەکان، ناردن و بڵاوکردنەوەی دواکەوت.

www.anarchistan.tk

www.twitter.com/anarkitsan

www.facebook.com/kurdistan.anarchists.forum

anarkistan@activist.com

Namey krawe bo berrêzanî Xoberrêweberayetîy Kantonekan û Tevdem le “Rojawa” û Keçeke le Qendîl *

Namey krawe bo berrêzanî Xoberrêweberayetîy Kantonekan û Tevdem le “Rojawa” û Keçeke le Qendîl *

Paş sllaw û rêz,

Pêşekî hezdekeyn ewe bllêyn em nameyey ême ne amojgarîye û ne pêşnyazkirdne botan, bellku çend têbînî û zanyarîyekin, ke demanewêt be êweyan rabgeyenin, îdî çareserî û hêştneweyan bew şêweyey ke hen ya gorrînyan, peywendî bexotanewe heye. Dîsanewe debêt ew rastîyeş bllêyn le xonîşandanî gewreda xellkanêkî zorî beder le peyede û pekeke be aydya û aydolocî cya cyawe dêne naw xopîşandanekan.

Ême wek sekoy enarkîstanî kurdistan- kaf [Kurdistan Anarchistis Forum] leser ew bnemayey ke êwe dêmokrasî rastewxo û rêkxistin le xwarewerra [nahîrarşî] û xoberêwerayetîy gelîy bebnemay pêkhatnî kantonekanî rojawa dezanin, xoman be beşêk lew komellane dezanîn û ew amancane be amancî xoman dezanîn, herweha her ew taybetmendîyaney kantonekan bûnete hoy rakêşanî piştîwanî azadîxwazanî ewrupa û emerîka û ustralya lepêş hemûyanewe enarkîstekan bo xoberrêweberayetîyekan û xorragrîyekanî “rojawa”.

Rastîyekey le derewey barî naasayî hêrşekanî êsta, boman derkewtuwe û tîbînîmakirdwe, ke lenêw xonîşandan û narrezayetîyekanî xellkî le ewrupa, şitgelêk ya dyardegelêk hen û hellwêsteyekyan be azadîxwazan û enarkistanî ewrupa kirduwe û ta radey dirrdongî û sllemîneweyek le begermî çûne nêw ew xonîşandan û narrezayyaney ke lem rojaneda dekrên, herdem şitgellêk azadîxwazan û lenêwyanda hawrrêyanî enarkisîtanyan gêrrawnete dwawe û bûnete hoy sllemînewe û kemtir gringîdanyan be pirsekanî gelî kurd û nawçeke, herweha ewendey ême agadarbîn hem le hizrî ocelan û hem le rîzî gerîlakanî qendîl û hem le “bakûr” û “rojawa” gorranî pozetîv berew djeserweyî û dje-nêwendgerayî û dje-dewlletî rûyandawe û le rûdandan, bellam bedaxewe lenêw rîzî layengranî (pekeke) (peyede)da le ewrupa û betaybet le “başûr” û “xorhellat”da kemtir ew gorranane bedîdekrên û tenanet le rageyandnekanîşyanda çend dyardeyek xoyan nîşandeden û zallbûn beser amancî hokarî xonîşandan û narrezayyekanda û eweş beboçûnî ême away kirduwe, ewey ke dekrêt amanceke napêkêt ya lebarîdebat, ya lewperrî xoşbawerrîyda ser le zorbey zorî beşdarbuwanî çalakîyyeke deşêwênêt, ke lem peyameda be gyanêkî hawrrêyane û hawpiştyanewe, çend daneyek lew dyardanetan pêşçaw dexeyn.

– zallbûnî karêzma û oturîtey ocelan beser pirsekan û bzûtnewe û bnemakanî komellî nwêda, ke becorêk le ewrupa lecyatî berizkirdnewey wêney gyanbextkirduwanî şengal û mexmûr û kobanê, wênekanî berêz ocelan be jmarey endaman berizdekrênewe, herweha lecyatî daxwazîykirdin û berizkirdnewey druşmî azadî hemû zîndanyan, tenya daxwazî û lîstî wajokokirdnewe bo ocelan heye ..

– kînedozî nasîwnalîstî beranber turk û ‘ereb û fars-zmanekan be heman radey sallanî newedekan le aradaye û demargîrîy neteweyî rêgre lewey ke piştîwanî û hawderdî û beşdarî azadîxwazanî turk û ‘ereb û fars-zman bbînrêt, weha demargîrîyek le beranberda tenya demargîrî û kînedozî berhemdehênêtewe, bedaxewe ew hawtakirdney dewllete faşîstekanî turkye û êran û surye û da’şi letek gelî turk û fars û ‘ereb le rageyandinî kanallekantanda rengdedatewe be dyarîkrawî le beşî soranî bernamekantanda …

– bekarbirdnî wajey ”şehîd” bo gyanbextkirduwanî berxudanî “bakûr” û “rojawa” û “şengal”, ke hem hawtakirdnî gyanfîdayî azadîxwazêk û kujrawanî (dewlletî îslamî ‘îraq û şam)e, hem sûkayetîkirdne be amancekanî berxudanî şorrşigêrraney çewsawan. Bedaxewe weha wajeyekî pirr sûkayetî tenya lelayen kesanî nahuşyarewe bekarnabirdrêt, bellku le kanalle mîdyakantanda be aşkra û herdem amadeye. Dyare ême lêreda mebestman ewe nîye, ke bllêyn hemuwan debêt druşmî dje îslam hellgrin, çunke dezanîn ke gelî ême her weku mêjû û hem weku kultûr û nerêtîş bote beşêk le mêjûy îslam, ke lêreda û le barudoxêkî awada, natwanrêt lêdwanî peygîraney leser bikrêt. Bellam ewey ke dekrêt her le êstawe karî leser bikrêt, pakijkirdnî wajey “şehîd”e le beyanname û kenallekan û mîdyakantanda û leser zarî qsekeran û wêjanîştanda.

– pîrozkirdnî kesekan, îdî her kesêk bêt be berrêz (ocelan)îşewe, mêjû selmandûyetî be zyanêkî gewre le ser xudî bzûtneweke tewawbuwe, serencamêş ew partîy û bzûtnewane têşkanyan bo mawetewe, nmûney zîndûş le “başûr”da ke be yek ristey (mistefa barzanî) bzûtneweyekî çekdarî (130) hezar kesîy le sallî 1975 da le şew û rojêkda aşbetallî pêkra. Dîsanewe (yekêtî nîştmanî kurdistan) dway le gokewtinî serokekeyan (celal tallebanî) sergerdan û mallwêran bûn. Serpersitî û aydyolocîgerîy, renge le wllatanî (xorhellatî nawîn)da ta êstaş lebrewda bin, bellam le ewrupada lelayen xellke asayyekeyewe zor demêke retkrawnetewe.

– Gerçî êwe pagendey gorranî komellayetî û berxudan şorrşî komellayetî deken û lerrastîşda êwe bo eme hengawî bercestey karatan nawe û kirdutanete nmûneyekî nwê, ke xwazyarîn şwênekanî dîkeş çaw le êwe bken û sûd le ezmûnekantan wergrin. Herweha ême eweş dezanîn, ke berrêz (ocelan) û hendêk le hevallanî ew le herdû partekeda: (pekeke) û (peyede)da kar leser retkirdnewey desellat û dewllet û rêkixrawey quçkeyî deken, bellam mayey daxe, ke hêşta dyardey hîraşîgerî/ qûçkerayî û nêwendgerayî le kar û bnema komellayetîyekan û herdû partekeda bezeqî weku dû destey fermanber fermander, ser û xwar, debînrên.

– beboçûnî ême [kaf], rawestandinî cengî çekdarî le “bakûr” le sallanî raburdûda karayyekî zor pozetîv û gewrey leser serhelldanî bzavî komellayetîy û berxudan le xwarewera hebuwe, her em serhelldan û peresendnewey bzûtnewe komellayetîyekane, ke becorêk desellatî komellayetî le beramber desellatî hîrarşîyaney parleman û dewlletî turkye û cenerrallekanda ronawe û her eweşe ke dewllet û fermandarîy akepey herasankirduwe û naçar penay bo dwa pûşî xorrizgarkirdin birduwe; ewîş hellgîrsandnewey cengî çekdarîye le “bakûr”, ke detwanêt dwa hîway hatnedî xewnî nîo-usmanîyekan bêt. Leberewe hîwadarîn ragirtnî danîştnekan bewatay hellgîrsandnewey cengî çekdarî nebêt, bellku zyatir piştbestinbêt be xebatî cemawerîy û komellayetî lewane : mangirtnî krêkaran, baykotî rageyandin û şmek, xonîşandan û rêpêwan û bezandinî snûre ramyarîyekan û ..tid. Çunke le rwangey êmewe cengî çekdarî zyatir le pêşû zyan be bzavî komellayetîy û rewtî şorrşî komellayetî degeyênêt.

– Ême wek zorêk le piştîwananî kantonekan le başûr û xorhellat, agadarî hendêk allugorr û hewllî şaraweyn benawî “piştîwanî le kobanê” lelayen desellatdaranî herêmewe; herwa ke le rageyandnekanmanda pêdagrîman leser kirduwe, rakêşênanî hêzekanî da’şi bo ‘îraq bêcge le amance taybetîyekanî her yek le dewlletî turkye, dewlletanî kendaw û deselatdaranî herêmî kurdistan û dewllete yekgirtuwekanî emerîka û hawpeymananî, herwa amancêkî hawbeşî hemûşyane, çunke peywendî be serwerîy sîsteme cîhanîyekewe heye le cîhan û xorhellatî nawînda, eweş abloqedan û lenêwbirdnî sîstemî xoberêweberayetî kantone gelîyekanî “rojawa”bû, ke pêşbînîyekanî ême hatnedî û her awaş bû, pelamarî (kobanê) dra û partîye desellatdarekanî herêm wek xotan agadarn hawkatî hêrşî da’şi bo ser kobanê le snûrekanî xoyanda cengyan ragrit, ta leşkirî da’şi baştir hêrişbkate ser kobanê.

Beboçûnî ême lewane metrisîdartir bo ser ew xoberrêweberayetîye gelîye, egerî rêkewtinî êweye letek desellatdaranî herêm û beşdarîkirdnî hawpeymanîyekey emerîkaye. Çunke wek xotan dezanin mercî yekemî desellatdaranî herêm betaybet (pidk) hellweşandnewey ew sîstemeye be amancî rêgexoşkirdin bo dabeşkirdnî desellat beser partîye ramyarîyekanda, taweku partîye şîratonîyekanî xoy benawî “rojawa”we wek dabeşkirdnekey fîftî be fîftî 1992 nêwan (înk) û (pidk) beser berixwanî “rojawa”da bsepênêt. Herweha leber roşnayî ew ketware[waqî’e]da ême em metrisîyane hestipêdekeyn:

– le beranber pêkhênanî yekînekanî şengall, fermandarîy herêm letek hkumetî ‘îraqîda xerîkî pêkhênanî hêzîkî êzîdî 6000 serbazîye.

– berizkirdnewey daxwazîy “nawçey djefrrîn” le ‘efrîn û kobanî û cezîre, ke amanc rizgarkirdnî hêzekanî da’şi le lêdan û herweha nardinî hêzî îwên û hawpeymanane bo ewê wek herêmî kurdistan 1992- 2003, ke beşêk lew hêze cendirmey turkya debin û bo hemîşe debne birryarder lewê.

– sepandinî sîstemî parlemanî û beşdarîkirdnî (albartî) û hawşêwekanî desellatî (pidk) û nwênerayetî berjewendîyekanî fermandarîy akepe le “rojawa” û lewêşewe beheman şêwey herêmî djefrrînî kurdistan û drustkirdnî cengî mîlîşyayî nêwan êwe û (albartî) û zemînesazîy bo hatnî kllawşînekanî turkye û dananî binkey serbazîy wek bamerrnî û manewey hemîşeyyan xoşdeken.

– naçarkirdnî êwe be beşdarî hawpeymanî zilhîzekan, ke dwacar mercî pêdanî çek û harîkarîkirdintan lelayen bazarî çekewe, dîsanewe destberdabûnî sîstemî xoberrêweberayetî û dêmokrasî rastuxoye û be boçûnî ême mergî êwe û xoberrêweberayetîyekan lêrewe destipêdekat û gişt piştîwanîyekî azadîxwazanî cîhanîş ledestdeden.

Bekurtî ême hîwadarîn le danîştin û rêkewtanda letek desellatdaranî borcwazî herêmî kurdistan, behîç şêweyek mil be sîstemî parlemanî û beşkirdnî berrêweberayetî û fermandeyî parêzgarîy neden. Herweha le danîştintanda letek dewlletan û zilhêzekan hergîz mil be “nawçey djefîn” neden, ke gewretrîn piştîwanîye bo hêzekanî da’şi ya rastir bllêyn hêzekanî dewlletî faşîstî turkye lejêr perdey da’şda.

Ême wêrray piştîwanî û hawderdî û hawxemîman letek danîştuwanî kantonekanî “rojawa” û “bakûr” û şengal û berzinirxandinî ezmûnî dêmokrasî rastewxo û xoberrêweberayetî gelîy, em serincane arastey êwey berrêz le “rojawa” û herweha azadendişan le qendîl û “bakûr” dekeyn û hîwadarîn le çalakî û hewllekanî dahatûda sûdbexişbin.

Sekoy Enarkîstanî Kurdistan (KAF)

17 oktoberî 2014

****************************************

* xwêneranî hêja, em nameye pêştir nûsrawe, bellam bedaxewe leber nebûnî adresî laye peywendîdarekan û herweha çawerrwanî peydakirdnî adresekan, nardin û bllawkirdnewey dwakewt.

www.anarchistan.tk

www.twitter.com/anarkitsan

www.facebook.com/kurdistan.anarchists.forum

anarkistan@activist.com

بەرگرتن بە ئاراستە و ڕەوتە ڕاسیستەکان ئەرکی هەموو سۆشیالیستخواز و ئازادیخوازێکە

بەرگرتن بە ئاراستە و ڕەوتە ڕاسیستەکان ئەرکی هەموو سۆشیالیستخواز و ئازادیخوازێکە

ئەوەی کە جەنگ و پێکدادانە لەشکرییەکان دەرمانی نەمریین بۆ سەروەرمانەوەی دەوڵەت و حکومەت، گومانهەڵنەگرە و ئەزموونەکانی مێژووی کۆمەڵە مرۆییەکان لە گۆشەکانی جیهاندا ئەوەیان سەلماندووە و لەوەش واوەتر و بەسوودتر بۆ سەروەران و پاراستنی سیستەمی چینایەتی، ئەوەیە هەردەم پاشکاراییەکانی جەنگ کە سەرهەڵدان و پەرەسەندنی ئاراستە و ڕەوت و بزووتنەوە کۆنەپەرست و نەژادپەرست و شۆڤێنیست و فاشیستەکان بوون. هەروەك لەم ساتەدا لە هەرێمی کوردستان دەبینین لە ئەنجامی سیناریۆسازی و هاندانی پەنانەکی دەسەڵاتداران و دەستەبژێرە پاشڕەوەکانیان بۆ هەڵمەتەکانی واژۆکۆکردنەوە و سووکایەتیپێکردن و هەراسانکردنی ئاوارە عەرەبزمانەکان، ناڕەزایەتی ناهوشیارانەی کەسانی فریودراو و خۆشباوەڕ بە ڕزگاری و سەربەخۆیی و بەختەروەری لە سایەی ئایدۆیلۆجیای ناسیونالیستی و بەرهەمەکانیدا [ ڕەیسیزم، شۆڤێنیزم و فاشیزم و..تد] دەکەنە ئامرازی دروستکردنی ڕکوکینە لەنێوان دانیشتوانی هەرێم و ئاوارە عەرەبزمانەکان، هەروەك لە بیست ساڵی ڕابوردوودا ئاوارەکانی کەرکووك و کوردستانی بەشی تورکیە “باکوور” و ئاوارەکانی کوردستانی بەشی ئێران “خۆرهەڵات” و لە دوو ساڵی ڕابوردووشدا ئاوارەکانی کوردستانی بەشی سوریە خۆراوا” و کرێکارانی کۆچەری هاوردە لە سریلانکا و بەنگلادیش و وڵاتانی ئەفریکاییەوە دەکرانە هۆکاری بێکاری و نەبوونی و بەرزبوونەوەی کرێخانوو و تەنانەت پشێوییە کۆمەڵایەتییەکان، ئەم ڕۆژ بە هەمان ئامانج و بە هاندانی هەمان دەستە شاوارەکانی پشت سیستەمی ڕامیاریی کۆنەپەرستی و ترس لە کەسانی دیکە و برەودان بە نەتەوەپەرستی و ڕەوتەکانی، بۆ لادانی سەرنج و گۆڕینی هەڵوێستی کەسانی ژێردەست و بێدەسەڵات و بێکار و بێدەرەتان ناڕازی هەرێمی کوردستان بەرانبەر ڕامیاران و دەسەڵاتداران و مشەخۆران، دەستبژێرەکان و میدیا و ڕێکخستنەکانی پارتەکان بەناوی جۆراوجۆرەوە کەوتوونەتە هەڵخڕاندنی خەڵکی ناڕازی ناهوشیار بەرامبەر ئاوارە عەرەبزمانەکان و بەم هۆیەوە دەیانەوێت سەرنجی خەڵکی ناڕازی لە سەر ئاشکرابوونی سیناریۆکان و سازشکارییەکان و سەرچاوەی بنەڕەتیی گرفتەکان و نەهامەتییەکانی خەڵکی کوردستان.

هەروەها پێویستە ئەوەش بڵێین و ددان بەو ڕاستییە تاڵەدا بنێین، کە کەمتەرخەمی و بەهەندوەرنەگرتنی مەترسییەکانی پەرەسەندن و گۆڕانی ئاراستەی ناسیونالیستی بەرەو بزووتنەوەی نەژداپەرستی و شۆڤێنیستی و فاشیستی، لەلایەن کەسانی سۆشیالیستخواز و ئازادیخوازەوە یەکێك بووە لە هۆکارەکانی پەرەسەندنی لە دوو دەهەی ڕابوردوودا و خۆدەرخستنی کتوپڕیی ئەو ڕەوتە دژە-مرۆییانە لەم ساتەدا وەك بەرەنجامی جەنگ و هێرشەکانی داعش و ئەگەر ئێستاش بە هەمان کەمتەرخەمی و چاونووقاندن و گرنگیپێنەدانەوە هەڵوێستوەربگرن، ئەوا بەدڵنیاییەوە لە ئایندەدا و لەوانەشە لە کورتماوەدا پەرەسەندنی ئەو ڕەوتانە بببێتە هەڵگیرسێنەری جەنگێکی کۆمەڵایەتی ژێردەستان دژی ژێردەستان و ڕووداوەکانی سەردەمی سەرهەڵدانی نازیزم لە ئاڵمانیا و فاشیزم لە ئیتالیا یا لایەنی کەم تاوانی ڕەوتە نیئۆنازییەکان لە ئێستای ئەوروپا و ئەمەریکادا، چەندبارە ببنەوە و وێنای کۆمەڵی کوردستان لە کەسانی ستەمدیدە و سەرکوتکراوەوە بگۆڕێت بە کەسانی نازی و شۆڤێنیست و فاشیست و وەك ئاڵمانزمانەکان بەدرێژایی مێژوو ئەو تاوانانە بە کۆڵیاندا بدرێن و ببێتە شوناسی هەمیشەییان و گرێ و نەخۆشی دەروونی هاوەڵدوانەی وێنا سەپێنراوەکان بەسەریاندا.

لەسەر ئەو بنەمایانە و لەبەر دوو هۆی گرنگ؛ بەرگرتن بەو تراجیدیایانەی کە لە هەزارەی دووەم و سەدەی ڕابوردوودا ڕەوتە نەژداپەرست و شۆڤێنیست و فاشیتەکان ئافەرێنەریان بوون، کە تا کۆمەڵی چینایەتی هەبێت و بمێنێت ئەستەمە برینی تاوانەکانیان سارێژببن، هەروەها گێڕانەوەی تاکەکانی کۆمەڵی کوردستان لەوەی کە لە ناهوشیاریی و فریوخوادوویەوە شوناسێکی دڕندانە بۆ خۆیان چێبکەن و ببێتە مۆرێکی دژەمرۆیی بەنێوچەوانی هەموو کوردزمانێکەوە و گرێ و هەستی تاوانباریی نەوە لە دوای نەوەی کوردان.

لەبەرئەوە ئێمە کەسانێك کە پاگەندەی سۆشیالیستخوازیی و ئازادیخوازیی دەکەین، بەدەر لە جیاوازیمان لە شێواز و وێنا و ئارەزوومان بۆ کۆمەڵگەی سۆشیالیستی و ئازاد، پێویستە هەموومان پێکەوە هەر کەس و گروپ و لایەنێك لە شوێنی خۆیەوە دەربەستانە و هەڵوێست ڕۆشنانە لەپێناو ڕەواندنەوەی خۆشباوەڕیی خەڵکی کوردستان بە ڕەوتە نەژادپەرست و فاشیستەکان بەتایبەت لاوانی کەم ئەزموون و بێدەرەتان و بێکار و ئاسۆلێڵ، تێبکۆشین و لە مەیدانی خەباتی جەماوەریی و کۆمەڵایەتییدا بکەوینە خۆ و هەموو سەنگەرێکی ناتوندوتیژ و خەباتکارانە هەر لە دیالۆگی تۆڕە کۆمەڵایەتییەکانەوە بگرە تا شانۆیی و کۆڕ و کۆمەڵی گەڕەك و سەر شەقامەکان، رێکخستنی ڕێپێوانی ئارام و هەڵخرێنەرانەی هاوپشتی و هاودەردی بۆ ئاوارەکانی جەنگ چ عەرەبزمانەکان و چ یەزیدی ئایینەکان و چ ئاوارەکانی کوردستانی بەشی سوریە و تورکیە و ئێران و کرێکارانی کۆچەری بەنگلادیشی و سریلانکی و هەر مرۆڤێکی دیکە کە خوازیارە لە هەرێمی کوردستاندا بژی و ببێتە بەشێك لە پەیوەندییە کۆمەڵایەتییەکانی ئەم هەرێمە.

شتێك کە بە لەبەرچاوگرتنی ئەزموونەکانی دوو دەهەی ڕابوردوو نابێت ببێتە هۆی کات بەفێڕۆدان و مشتومڕی ناپێوستی ڕامیاریی و بەگبەگێنەی گروپە ڕامیارییەکان لەسەر ڕابەرایەتی بەرەی جەماوەریی دژی هەڵمەتەکانی “وەدەرنانی ئاوارە عەرەبزمانەکان”، ئەویش چۆنیەتی پێکهێنانی بەرەی هاوبەشە لەو پێناوەدا. ئەگەر ئێمە بە سوودوەرگرتن لە ئەزموونی هاوڕێ و هاوخەباتکارەکانمان لە ئەمەریکا و ئەوروپا و ئوسترالیا دەستبەکارببین، ئەوا هیچ پێویستمان بە بەیاننامەی هاوبەش و کۆبوونەوەی ڕێکخراوەیی و ڕیزکردنی ناوی گروپ و کەسایەتییەکان نییە، ئەوەی کە دەکرێت و گونجاوە، هاودەنگی و تێکۆشانی هەمەلایەنەیە لە هەر سەنگەر و بە هەر شێواز و بەو جۆرەی کە هەر کەس و لایەك بە دروستی دەزانێت، کەسانێك کە پێشکەشکردنی شانۆیی گەڕۆك، کەسانێك کە ڕێپێوان و خۆنیشاندان، کەسانێك کە کۆڕ و سەکۆی جەماوەریی گەڕەك و مەیدانەکان، کەسانێك کە پاگەندەی هاوپشتی نێو تۆڕە کۆمەڵایەتییەکان، کەسانێك کە کۆکردنەوەی واژۆی هاوپشتی و …تد بە کارا و دروستدەزانن، با هەر کەسە و دەستە و لایەنێك لە شوێن و لەلای خۆیەوە دەستبەکاربێت و بەو جۆرە بەرەیەکی کۆمەڵایەتیی و جەماوەریی لە هاوپشتیکردن و ئاشتەوایی کۆمەڵایەتییدا کۆمانبکاتەوە و ئەوە بەلامانەوە گرنگنەبێت، ئەوە بێت، کە ئەوە کێیە و سەر بە چ گروپ و لایەنێکە!

لەم ساتەدا تەنیا کار و چالاکییەکی گرنگ کە دەوتانین پێکەوە یا جیا جیا ئەنجامیبدەین، ئەوەیە گرنگیی بە هەڵخڕاندنی تێکۆشانی جەماوەریی و بزووتنەوەی کۆمەڵایەتیی بدەین و ئامانجمان بەرگرتن بێت بە سەرهەڵدانی ئاراستە و ڕەوت و بزووتنەوە و بیرۆکە کۆنەپەرست و نەژادپەرست و شۆڤێنیست و فاشیستەکان، ئەگەرنا هەر ئاوا مێژوو تاکە بێدەنگەکانی سەردەمی ڕژێمی هیتلەر و موسۆلینی و ستالین و پینۆشێت و سەدام بە هاوبەشی تاوانەکان هەژماردەکات، لە داهاتووشدا ئێمە زیندووانی ئەم سەردەمە، بەتایبەت کەسانێك کە پاگەندەی سۆشیالیستخوازیی و ئازادیخوازیی دەکەین، مۆڕی بێدەنگەکردن لە تاوانەکان بەنێوچاوانمانەوە دەنرێت و دەبێتە گرێ و هەست بە تاوانکردن لە دەروونی نەوەکانماندا و لە بەرامبەر مێژوودا پاساو و بەڵگەیەكمان بۆ بێدەنگی نابێت!

دەبا هەنگاوی یەکەممان لەم تێکۆشانە جەماوەریی و هەمەلایەنەدا، کۆکردنەوەی کۆمەك بێت بۆ ئاوارە عەرەبزمان و یەزیدی ئایینەکان و جێکردنەوەی خێزانە ئاوارەکان و سەردانیکردنیان و بردنی دیاری و کۆمەك بۆیان و ڕێکخستنی سەیران گشتی و بەشکردنی خۆشی و ناخۆشییەکانمان بێت لەتەكیان و پێکهێنانی کۆڕ و کۆمەڵی جەماوەریی بێت لەسەر بنەمای هاودەردی و هاوئامانجی و هاوداخوازیی و پێکەوەژیانی هەمووانی.

نا بۆ ڕەیسیزم و دەمارگیریی

بەڵێ بۆ پێکەوە ژیان و مافی ژیان بۆ هەمووان

سەکۆی ئەنارکیستانی کوردستان

٢ی ئۆگوستی ٢٠١٤

ئەگەری پارچە پارچەبوونی عیراق و ڕێ و شوێنی ئێمە ئەناركیستان

ئەگەری پارچە پارچەبوونی عیراق و ڕێ و شوێنی ئێمە ئەناركیستان

پێشتر لە ھەڵوێستنامەیەكدا تێڕوانینی خۆمان [سەکۆی ئەنارکیستانی کوردستان] لەبارەی جەنگ و ھێرشی داعش و كێشمەكێشی ڕامیارانی سوننە و شیعە لەسەر دەسەڵات خستەڕوو، لێرەدا ھەوڵی خستنەڕووی ھەڵوێستمان لەمەڕ ئاكامی نەخشەی ڕامیاران و جەنگ دەدەین.

بە تێڕوانینی ئێمە لە ساڵی ١٩٩١ بەملاوە عیراق وڵاتێكی یەكپارچە نەبووە، بەتایبەت پاش ڕوخانی ڕژێمی دیكتاتۆریی پێشوو و داگیركردنی لەلایەن ھێزە ھاوپەیمانەكانی ئەمەریكاوە لە ساڵی ٢٠٠٣دا، كە بەكردەوە عیراق بەسەر سێ ناوچەكەدا دابەشبووە؛ ھەرێمی كوردستان بەو جۆرەی كە لە ڕاپەڕینی ئازاری ١٩٩١دا سەربەخۆیی خۆی بەدستھێنا، تا ئێستاش بە جۆری فیدراڵی دەوڵەتیی سەربەخۆیی لاوەكی خۆی ھەبووە، ناوچەی سوننەنشین بەردەوام لەتەك حكومەتی نێوەندیدا لە كێشەدابووە و لە ھەموو خزمەتگوزاریی و گرنگیپێدانێك بێبەشبووە، ناوچەی سێیەم، ناوچەی دەسەڵاتی فەرمانداریی نێوەندییە، كە جڵەوی لە دەست ڕامیارانی زۆرینەی شیعەدایە.

سەرباری ھەموو ھەوڵ و پیلانە ڕامیارییەكانی دەسەڵاتخوازان، ھێشتاكە خەڵكی عیراق [ئەوانەی كە بێدەسەڵاتن] لە باكوورەوە تا باشوور لەڕووی پەیوەندی كۆمەڵایەتییەوە پێكەوە دەژێن، ھەرچەندە لە ماوەی نیو سەدەی ڕابوردوودا بەردەوام باجی كێشمەكێش و دەمارگیریی ڕامیاریی و تەقینەوە و جەنگ و ئەنفال و كیمیاباران و ڕاگواستن و سووتاندنی گوند و شارۆچكەكانیان داوە و قوربانی جەنگی دەسەڵاتخوازانەی پارتە ڕامیارییەكان بوون.

بەڵام تەقینەوەی ئەم جارەی ململانێ سەربازییەكانی دەسەڵاتداران و دەسەڵاتخوازان بە جێیەك گەییشتووە، كە ئایەندەی ئەم دەڤەرەی خستووەتە سەر دوویانی جەنگ یا جیابوونەوە، كە لە ھەر دوو بارەكەدا لێكدابڕینی ڕیزی خەڵكی ژێردستەیە بە قازانجی دەسەڵاتداران و دەسەڵاتخوازان، ئەگینا لە دەرەوەی كێشمەكێش و كیندەدۆزی ڕامیاران و دەسەڵاتداران، خەڵكی ئاسایی بێدەسەڵات، ھیچ كێشەیەكی لەتەك ھاوسێ و ھاوكار و ھاپۆل و ھاودەم و ھاوەڵەكانیدا نییە و پرسە کۆمەڵایەتییەکان و خواستە هاوبەشەکان بەسەر دەمارگیریی خێڵەکیی و نەتەوەیی و ئایینیدا زاڵن.

ھەڵبەتە، بۆ ئێمە ئەناركیستەكان ڕێگەی سێیەم ھەردەم بوونی ھەیە و پێشنیارە، كە ڕێكخستنەوەی كۆمەڵە لەسەر بنەمای پێكھێنانی ھەرەوەزیی و كۆمونە ئازادەكان، كە بە خۆبەڕێوەبەرایەتی سەربەخۆ لەسەر بنەمای دێمۆكراسی ڕاستەوخۆ پشتئەستوور بێت. بەڵام بەداخەوە لەم ساتەدا كە ھێزەكانی دەوڵەت و میلیشیاكان لە ھەوڵی كۆمەڵایەتییكردنەوەی جەنگی دەسەڵاتخوازانەیاندان، ھێزی كۆمەڵایەتیی جەماوەر یا لە ناھوشیارییدا بەسەر پارتییەكان و میلیشیاكاندا دابەشبووە یا پڕشوبڵاو و ناھوشیار و گیریخواردووە. لەبەرئەوە ئەگەر لە باری ناھوشیارییشدابێت، باشترین ئەڵتەرناتیڤ ئەوەیە، كە بڕیارەكان بۆ خودی جەماوەر بگێڕینەوە، تەنیا لەیەك باردا نەبێت، كە بڕیاری جەنگ و قوبانیبوونە بۆ سەروەریی سەرمایەداران و ڕامیاران، ئەگینا لەم ساتەدا ھەر شتێك كە بەر لە ڕوودانی جەنگی نێوان ئێتنی و مەزھەبەكان بگرێت، وەك ھەنگاوی یەكەم بۆ دەربازبوون لە ماڵوێرانییەك كە لەوانەیە جینۆساید و كۆمەڵكوژیی ملیۆنی لێبكەوێتەوە، پەسەندترە. بەتایبەت ئەوەی كە لە مێژووی ڕژێمە یەك لە دوای یەكەكانی عیراقدا بینەری جەنگی (٣٠) ساڵەی ڕژێمەكان دژی سەربەخۆخوازی كوردان و جینۆسایدی سەدان ھەزاری گوندنشێنانی كوردین بەناوی ئەنفال لە ساڵی ١٩٨٨ و كیمیارانی چەندین گوند و شارۆچكەی كوردنشین و سووتاندنی زۆنگاوە شیعەنشینەكانی خوارووی عیراق بووین و ئەوەی كە ئەم ڕۆژە لە ڕووداندایە درێژكراوەی ھەمان ڕابوردووە بە پشتیوانی دەوڵەتانی ناوچەكە و سەروران و دەسەڵاتخوازانی نێوخۆی عیراقە و پارتییە ڕامیارییەكان لەپێناو گەییشتنیان بە دەسەڵات، لە كۆمەڵایەتییكردنەوە و ڕەھەند [بوعد] پێبەخشینی كینەدۆزی و كوشتاردا ڕۆڵی سەرەكی دەبینن و پیادەكەری ڕامیاریی نیئۆلیبرالیزم و نەخشە ئابورییەكانی سندوقی دراوی نێودەوڵەتی و بانكی جیھانی و زلھێزە داگیركەرەكانن.

– ئەگەرەكانی جیابوونەوە

لێرەدا پرسیارێك یەخەی ئێمە دەگرێت، دەسەڵاتدارانی ھەرێمی كوردستان چ دەوڵەتی سەربەخۆی بۆرجوازی كوردیان ھەبێت یا حكومەتی ھەرێمیی وابەستەی عیراق، وەك دەوڵەتەكانی ناوچەكە و حكومەتی نێوەندیی عیراق، چەوسێنەری كرێكاران و خەڵكی زەحمەتكیشن و نوێنەرایەتی زلھێزەكان و كۆمپانییە جیھانخۆرەكان دەکەن. لەبەرئەوە لە بارێكی ئاوا دەوڵەتبوونیان نابێتە ھۆی دەسەڵاتێكی توندتر یا نەرمتر، بەڵكو بە ھەمان شێوەی تا ئێستایان درێژە بە چەوسانەوە و دستەمۆكردنی ژێردەستانی ئەم دەڤەرە بۆ بەرژەوەندی ئابووریی و ڕامیاریی زلھێزەكان دەدەن.

ڕاستە جیابوونەوەی بەشەكانی عیراق دەبێتە ھۆی لەیەك دووركەوتنەوەی خەباتی چینایەتی ژێردەستانی دەڤەرەكان، بەڵام لە ڕاستیدا لە پاش خەباتی كرێكارانی (گاورباغی) و ھاوخەباتی ساڵانی پەنجاكانی سەدەی ڕابوردوو، ئیدی لە سەرەتای ساڵانی دەھەی شەست بەملاوە ڕیزی چینایەتی ژێردەستان ھەردەم لەژێر كارایی جەنگ و كێشە ڕامیارییە ئێتنی و مەزھەبییەكاندا لە یەكترازاندا بووە و بەداخەوە لە ئێستادا لەژێر كارایی ڕووداوەكاندا ھێندەی دیكە ئەو بارە خراپتر بووە. ئەمەش ئەگەری پەرەسەندن و ھەڵگیرسانی جەنگی ھەمەگیر و كۆمەڵایەتییبوونەوەی ڕەھەندەكانی زاقتردەكاتەوە، ھەڵبەتە بێجگە لەوەی كە لە كۆتایی جەنگی (عیراق-ئێران)ەوە دەزگە سیخورییە جیھانییەكان بە ھەموو شێوەیەك خەریكی پێكھێنانی باندە مافیایی و دەستە تیرۆریست و گروپە مەزھەبی و ڕامیارییە توندڕەوەكانن و لە ڕێگەی ئەوانەوە زەمینە بۆ جەنگە ناكۆتاكان خۆشدەكەن.

لە بارێكی ئاوادا كە ئەگەری جەنگی كۆمڵكوژییانە لە یەكگرتنی ڕیزی چینایەتی زیاترە، لەوانەیە ڕاپرسی (ڕیفراندۆم)ی خەڵكی لەسەر بڕیاردان لەسەر پرسەكان، باشترین و ئاوەزگیرانەتربێت، ھەرچەندە بە حەز و ئارەزوومەندیی ئێمە نییە و ئێمە خوازیاری بڕیاردانی سەربەخۆی جەماوەررین لە دەرەوەی پێشنیار و نەخشەكانی ڕامیارانەوە و لە (٩) ساڵی ڕابوردوودا ھەوڵ و بانگەوازی ئێمە بۆ خەباتی سەربەخۆی جەماوەریی و پێكھێنانی ھەرەوەزییە گەلییەكان و فێدراسیۆنە ئازادەكان و یەكگرتنەوەیان بووە لە كۆنفیراڵییە ناوچەیی و ھەرێمییەكاندا، بەڵام لەبەرئەوەی كە مەترسییەكان لە ئومێدەكان زەقتر و دەركەوتەترن، باشترین ھەڵبژێر بڕیاردانی ڕستەوخۆی دانیشتووانی ھەرێمەكانی عیراقە لەسەر داھاتووی خۆیان.

لە بارێكی ئاوادا ئێمە چاوەڕێی بڕیاردانی خەڵك لەسەر بنەمای پاگەندەی ژەھراوی ڕامیاریی لایەنە دەسەڵاتخوازەكان نامێنینەوە و لە ھەنگاوی یەكەمدا ئەركی سەر شانمانە كە لە مەیدانی پاگەندەی بەردەوامەوە دژی ھەوڵ و پاگەندەی نوێڼەرانی لیبراڵ و ناسیونالیست و مەزھەبیی بۆرجواكان، كار بۆ پێكھێنانی ڕێكخراوە سەربەخۆ جەماوەرییەكان و گروپە خۆجێییەكان و خۆبەڕێوەبەرایەتییە گەلییەكان و جێخستنی بنەماكانی دێمۆكراسی ڕاستەوخۆ بكەین، چ وەك بەرپەرچدانەوەی پیلانەكانی ئێستا و چ وەك ئامراز و مەیدانەكانی خەبات لە داھاتوودا.

ھەڵبەتە ئەمە بەواتای پەسەندکردن و پەسەندبوونی سەرەنجامە نەخواراوەكان نییە، بەڵكو بۆ ئێمە خەباتكارانی دژی سیستەم و سەروەریی چینایەتی، ژێردستی ھەر دەوڵەت و فەرمانداریی [حكومەت] و ڕێكستڼێكی قوچكەیی بین، خەباتمان لەپێناو كۆمەڵی ئەناركیدا ناوەستێت و لەو ساتەوەش كە عیراق بەسەر چەند دەوڵەتی جیاوازدا دابەشببێت، ئێمە وەك ئێستا لەسەر تێكۆشان و پەرەدان بە چالاكییەكانمان بەرەدەوام دەبین و لە ھەر شوێن و گۆشەیەكی ئەم جیھانەدا بێت، بە ھەمان گیانی ھاوخەباتی چینایەتی و ئەناركییەوە، بە ھاوپشتی ھەمیشەیی و بەردەوام لەتەك هاوڕێ و هاوچێنە عەرەبزمان و تورکزمان و فارسیزمانەکانمان، خۆمان لە ڕیزی خەباتكارانەی ئەواندا دەبینین و وەك ئێستا خۆجێی چالاكی دەكەین و گەردوونی بیردەكەینەوە و خەبات بۆ جیھانێكی خاڵی لە سنوور و سەروەریی و مشەخۆریی دەكەین.

– ڕیفراندۆمی ئازاد

پێش ھەموو شتێك ئێمە لەوە دڵنیایین، كە لە سایەی سەروەریی چێنایەتیدا ھیچ كات ئەگەری ڕوودانی ڕیفراندۊمی ئازاد بوونی نییە، چونكە بەرلەوەی كە بڕیاری ڕیفراندۆمەكە بدرێت، ئامانجەكانی ڕیفراندۆمەكە بەگوێرەی بەرژەوەندی چینی بۆرجوا و دەسەڵاتداران و ڕامیاران داڕێژراون و ھیچ پەیوەندییەكیان بە خواست و پێداویستییەكانی ژیانی ڕۆژانەی خەڵكەوە نییە. لەبەرئەوە تەنیا كاتێك دەكرێت و لە توانادا ھەیە كە ڕیفراندۆمێكی ئازاد ڕووبدات، كە تاكەكانی كۆمەڵ لە ڕووی ئابوورییەوە سەربەخۆبن و لە ڕووی دەسەڵاتەوە یەكسان بن و مافی خۆبەڕێوەبەریی و بڕیاردانیان ھەبێت، هەروەها ڕاگەیاندن لە چنگی دەوڵەت و پارتییەكان ڕزگاربووبێت.

لەبەر ئەو ھۆیانەی سەرەوە، ڕیفراندۆمێك كە بڕیارە لە ھەرێمی كوردستان یا ھەر ھەرێمێكی دیکەی عیراقدا بەرپابكرێت، ناتوانێت ئازاد و لە دەرەوەی ویست و بڕیاری سەروەران و زلھێزەكانی جیھان بێت. لە ھەرێمی كوردستاندا لە دوو دەھەی ڕابوردوودا چەند جار ڕاپرسی ئەنجامدراون، بەڵام لەبەرئەوەی كە لە بەرژەوەندی زلھێزە داگیركەرەكانی عیراق و خودی دەسەڵاتدارانی ھەرێمی كوردستان نەبوون، سەرەنجامەكان فڕێدراونەتە سەبەتەی زىڵی پارلەمان و ڕامیارانەوە.

بەڵام هەرگیز ئەمە بەو واتایە نییە، كە ھێزە ئازادیخواز و سۆشیالیستخوازەكان نەتوانن ھاوكێشەكان پێچەوانە بكەنەوە، بەپێچەوانەوە ئەگەر لەسەر بنەمای خەباتی سەربەخۆ و میكانیزمگەلێكی شۆڕشگێڕ [دژە-سیستەم/دژەباو] خەبات و چالاكی بۆ ھەڵخڕاندنی ڕای گشتی و وروژاندنی خودھوشیاریی تاك و كۆمەڵە سەربەخۆكان بكرێت، دەتوانرێت سەرەنجامێكی دیكە ھەبێت، بۆ نموونە ئەگەر ئاراستەی ڕاپرسییەكە دژی ئامانجە گەلییەكانی چین و توێژە بندەستەكان بن، ئەوا بە بایكۆت یا بەشداریكردن بە كارتی سپی، دەتوانرێت ڕەوایەتی و سەركەوتوویی ئامانجی گڵاوی ڕامیاران پووچەڵبکرێتەوە.

ڕیفراندۆمێك كە لە ئێستادا ڕامیاران پێشنیاریدەكەن، لە بۆ ھەڵبژاردنی جۆری ڕێكخستن و شێوازی بەرھەمھێنان و خۆبەڕێوەبردن و چێكردنی كۆمەڵگەی ئازاد و کۆمەڵی ھەرەوەز نییە، بەڵكو بۆ دیاریكردنی سنووری دەسەڵات و سەروەریی بۆرجوازی و ڕامیارانی سوننە و شیعە و كوردزمانە، كە سەرەنجام ھەر بەردەوامیی بە سیستەم و سەروەریی چینایەتی و مشەخۆریی ڕامیاران و كۆیلەمانەوەی ئێمەی ژێردەستە بە سوننە و شیعە و و كوردزمانەوە، دەبەخشێتەوە.

– دەوڵەت؛ ھەرێمیی ، نێوەندیی ، جیھانیی ؟

پێش ھەموو شت ئێمە دەوڵەت و بیرۆكەی دەوڵەتێك كە پاگەندەی بۆ دەكرێت ڕەتدەكەینەوە، نەك لەبەرئەوەی كە واژەی فریودەرانەی “كوردی” دەكرێتە پاشكۆی، نەخێر. لەبەرئەوەی كە دەوڵەت ھیچ كات ناتوانێت كوردی، عەرەبی یا ئینگلیزی بێت، بەواتایەكی دیكە دەوڵەت وەك پاگەندەی بۆ دەكرێت، پارێزەر و ڕێكخەری بەرژەوەندی و ژیان و كاروباری خەڵكی نییە، بەڵكو دەوڵەت ئامرازی سەركوتی چین و توێژە كوردزمان و عەرەبزمان و ئینگلیززمان و…تد و بەكردەوە لە ژیانی كەتواریی ڕۆژانەی خۆمان و لە ئەزموونە مێژووییەكانی ھاوچینانماندا دەیبینین، دەوڵەت ڕێكخراوی یەكخستن و تەباییپێدانی خواست و بەرژەوەندی و ویستی [ئیرادەی] سەرمایەدارانی سەروەر و ڕامیارانی مشەخۆرە بۆ سەركوتكردنی یاخیبوونی چەوساوان و كۆیلەڕاگرتنیان.

لەبەرئەوە، ئێمە دەوڵەت لە ھەموو شێوە و قەبارە و بە ھەموو جۆرەكان و ڕەنگەكانییەوە ڕەتدەكەینەوە، لە بەرامبەردا خوازیاری كۆمەڵگە ئازادەكانین، كە لەسەر بنەمای ھەرەوەزیی كۆمەڵایەتی و سەربەخۆیی ئابووری و یەكسانی دەسەڵات و دادپەروەریی و ھاوپشتی جیھانی پێكدێن و یەكگرتن و جیابوونەوە و بڕیاردانیان لەسەر بنەمای پێكھاتە و ڕێكخستنی ئاسۆیی فێدراسیۆن و كۆنفێدراسیۆنە پشتبەستووەكان بە دێمۆكراسی ڕاستەوخۆ و سەربەخۆیی تاك و كۆمیونیییەكان دێتەدی.

لەسەر ڕۆشنایی ئەو تێڕوانین و بنەمایانەی سەرەوە، ئێمە هەردەم دژی دەوڵەت پاگەندە دەكەین و ئەگەر لە ئێستادا خەڵكی بندەست دەوڵەتی بۆ لەنێونەجێت، ئەوا خوازیاری ئەوەین كە بەلایەنی كەمەوە ھەندێك داخوازیی و مافە سەرەتاییەكان و ئازادییەکان تاكی بێدەسەڵات مسۆگەربكرێن، لەوانە :

– یەكسانی و ھاومافیی گشت ئێتنیی و كۆمەڵە ئایینییەكانی چوارچێوەی ئەو دەوڵەتە ئەگەرییە بەناوی كوردەوە.

– یەكسانی ڕەگەزیی و بنەماییكردنی مافی منداڵان و دەستكۆتاكردنی ئایین و پارتە ڕامیارییەكان لە ژیانی خەڵكدا.

– سەپاندنی ئازادییە كەسیی و جڤاكییەكان : خۆڕێكخراوبوونی سەربەخۆ و ئازادی پێكھێنانی ھەرەوەزییەكان و ئازادی چۆنیەتی ژیان و ڕادەربڕین و نووسین و ڕەخنەگرتن و خۆنیشاندان و بڕیاردانی تاك و كۆمەڵەكان لەسەر ژیانی خۆیان.

– ھەبوونی مافی خۆبەڕێوەبەرایەتی سەربەخۆی جڤاكی ناوچە و ھەرێمەكان … .

– ئازادی ھەڵبژاردن و بەكاربردنی زمانی دایكی ھەر گروپ و ئێتنییەك وەك زمانی كارگێریی و پەروەردە و خوێندن و ڕاھینان و پەیوەندی.

– مسۆگەریی مافی جیابوونەوە و یەكگرتنی ھەر ناوچە و ھەرێمێك لەتەك ئەوانی دیكەدا…

– ڕێكخستنی خۆبەڕێوەبەرایەتی كۆمەڵەکان لەسەر بنەمای ئۆتۆنۆمی كۆمیونیتی و ناوچەكان …

– ھەڵوەشاندنەوەی خەرج و مووچەی تایبەتی پارتییەكان و ڕامیاران و دەزگە ئایینییەكان و لابردنی لەسەر ھەزێنە و داھات و سامانی كۆمەڵ.

– سەندنەوەی بەرتەریی ئابووریی و خانەنشینی تایبەتی ڕامیاران و پۆستی سەرۆكایەتی و مووچە و خانەنشینیی پاشایانەی ئەو …

– سەندنەوەی شاخ و دەشت و گرد و زەوییەكان و كەرتەكانی بەرھەمھێنان لە كۆمپانییە پارتیی و تایبەتەكان و گێرانەوەیان بۆ سەر دارایی كۆمەڵایەتی/ گشتی.

– دەستكۆتاكردنی كۆمپانییە جیھانخۆرەكان و سندوقی دراوی نێودەوڵەتی و بانكی جیھانی و زلھێزەكان و دەوڵەتی نێوەندی …

– دابینكردنی مافی پەنابەریی و ھاوتایی لە نێوان گشت دانیشتووان لە ھەر ڕەگەز و نەژاد و ئێتنیی و ئایین و…تد و ھەڵوەشاندنەوەی یاسای ڕەگەزنامەی پلە یەك و پلە دوو، یاساخبوونی دیپۆرتكردنەوەی ھەر پەنابەرێك

– یەكسانی ھەمە لایەنە لە ماف و كرێ و یەکسانیی ھەلی كار لە نێوان كرێكارانی نیشتەجێ و كرێكارانی كۆچەر…

– ….. ھیدیكە ….

وەك پێشتر گوتمان، ئێمە خوازیاری كۆمەڵی سۆشیالیستی/ ئەناركین و ھەموو سیستەمێكی ڕامیاریی و سەروەریی ھەر كەسێك بەسەر ئەوانی دیکەدا ڕەتدەكەینەوە. ھەروەھا خوازیاری پێكەوە ژیان و مانەوە و ھاوخەباتی ھەمووانین، بەڵام ئەگەر مانەوە و پێكەوەژیانی پێكھاتەكانی عیراق لەبەردەم ھەڕەشەی جەنگی خێڵەكی و ئایینی و نەتەوەییدا بێت، ئەوا لەبەر دووبارە نەبوونەوەی نەھامەتیی و كۆمەڵكوژییەكانی بۆسنە و ھەرزەگوین و ..تد، كە ھەموو كات باندە مافییەكانی سەرمایەداری زەمینەیان بۆ خۆشدەكەن، ڕەوایەتی بە بڕیاردانی ھەمووانیی دانیشتوانی ھەرێمەكانی عیراق لە ڕیفراندۆمی ئازاددا دەدەین و ئەگەر لە سەرەنجامی ئەو ڕێكفراندۆمەشدا چین و توێژە بندەستەكان لە ئاستی خودھوشیاریی و خۆبەڕێوەبەرایەتی سەربەخۆی كۆمیونیتی و ھەرەوەزییەكانی خۆیان نەبن، ئەوا ھەوڵ بۆ دروستكردنی فشار لەسەر دەوڵەتی نێوەندی و ھەر دەوڵەتێكی دیكە كە بڕیارە دروستبێت، دەەین، تاوەكو بە ھەر رادەیەك كە ھەوڵ و خەباتی چەوساوان لە توانایدا ھەیە، سنووری دەسەڵاتداریی سەروەریی و مشەخۆریی سەرمایەداران و ڕامیاران بەرتەسك بكەینەوە و پانتاییەك بۆ ڕێكخستنی ژیانمان بەو جۆرەی كە دەمانەوێت، دابینبكەین.

نا بۆ دەوڵەت و سیستەمی ڕامیاریی

نا بۆ كۆمەڵگەی چینایەتی و جەنگی كۆمەڵایەتی

بەڵێ بۆ خەبات و جەنگی چینایەتی

بەڵێ بۆ پێكەوەژیان و تەبایی ھەموو ئێتنیی و ئایینداران و چین و توێژە پڕۆلیتێرەكان

سەكۆی ئەناركیستانی كوردستان

٥ی جولای ٢٠١٤