پەیامی هاوخەمیی گروپی گفتووگۆی ئازادیخوازان

10/06/2021

بە بۆنەی گیان لەدەستدانی چوار چالاکوانی ژینگەپارێز و ژیاندۆست.

بەداخێکی زۆرەوە ڕۆژی هەینی 04/06/2021

لە  ڕوداوێکی هاتوچۆدا لە نێزیك شاری سەقز ھەریەکە لە؛

شوعلە قادری،

 ئارشام عەزیزی،

داود باخشین و

 کاوە خوسرەوی گیانیان لەدەستدا و یانزە هاوڕێی دیکەشیان لەم کارەساتە دڵتەزێنەدا بریندار بوون.

لەم بۆنە خەمناکەدا پەژارە و هاوخەمیی خۆمان بە  گروپی شاخەوانیی ئەنجومەنی چیای سەوزی مەریوان و گروپی شاخەوانیی پاژینی بانە و سەرجەم شاخەوانان و ژینگەپارێزان و ژینگەدۆستان و خانەوادە و دۆستانی ئەم ئازیزانە  ڕادەگەیەنین و هیوای چاکبوونەوەی هەرچی زووتر بۆ بریندارەکان دەخوازین.

هاوڕێیان، لەکاتێکدا ڕەوت و میکانیزمی سەرمایە و قازانج، ژیان و ژینگەی لەسەر ئەم هەسارەیە ڕووبەڕووی ترسناکترین دۆخ کردووەتەوە و باری ئابوریی چینی پڕۆلیتاریای نابوود کردووە و ژیانی کۆمەڵایەتیی پەرت کردووە و داڕزاندوە ھەروەھا جەنگ و ئاوارەیی و بێکاری و برسێتی و بێسەرپەنایی کردووەتە مۆتەکەیەکی کوشندە بەسەر سەری ملیارەها مرۆڤەوە و ژینگەو ژیانی تەوای زیندەوەرانی خستوەتە بەردەم مەترسیی لەناوچوون.

لەم سەردەمی ژەهراویبوونی ژینگە و سەرچاوەکانی خۆراك و خواردنەوە، ساڵانێكە ئێمە بینەر و گەواھیدەری هەوڵ و تێکۆشانی ژینگەپارێزی و ژیاندۆستی و بەرز ڕاگرتنی ژیانی هەرەوەزی و کۆمەڵایەتیی ئێوەین کە بۆ ئێمەی گروپی ئازادیخوازان مایەی دڵخۆشییەکی گەورەیە و ئومێد و وزەیەکی گەورەتان بەخشیوە بە خۆمان و هەوڵ و تێکۆشانەکانمان لەپێناو دابینکردنی ژینگە و ژیانێکی دوور لە چەوسانەوە!

ئێمە کە هەریەكەمان لە گۆشەیەکی جیاوازی ئەم جیھانەدا ژیان دەگوزەرێنین، چاوی پڕ هیوامان لەسەر پریاسکەی پڕ تۆوی سروشتیی ئێوە و ھەوڵی ئێوەیە لە چاندن و سەوز ڕاگرتنی ژینگەی دەوروبەرتان.

دەزانین ئێوە لە مەرکانەکانی ئاوی خواردنەوەی خۆتان، گوڵەهێرۆ و جاترەکێوی و ڕێحانەکێویلەکان تێرئاو دەکەن و ناهێڵن  نەوەکانی داهاتوو لەم خۆراكە پاك و تەندروستانە بێبەش ببن.

گەشتی بەکۆمەڵ و شەوبەکێوی کۆمەڵایەتییانەی پڕ لەگۆرانی و  قاقای پێکەنین و  دەنگدانەوەی کێو بە کێو و دۆڵەکان ڕێزلێدەگرین و بە بەشێکی گرنگ لە هەنگاوەکانی پێچەوانەکردنەوەی ئەم هەلومەرج و ژیانە کارەساتبارەی ئەم سەردەمەی دەزانین کە سیستمی نەگریسی سەرمایەداری دووچاری ژینگەو ژیانی ئەمڕۆمانی کردووە!

ئاگادارین کە ئێوە لەم خەبات و تێکۆشانەتاندا دووچاری کێشە و گرفتی گەورە و بەهانەپێگرتن تا ڕادەی دادگایی و زیندانیکردن و سزای مەرگیش بوونەتەوە و هاوڕێیانێکیشتان لە کاتی ئاگر کوژاندنەوەدا بۆ پاراستنی سەوزایی و لێڕەوارەکان و ئاژەڵ و باڵندە کێوییەکان سووتاون و بەو ھۆیەشەوە ئازاری سەختیان کێشا و دووچاری شێوان و لەدەستدانی ئەندامانی جەستەیان بوون و ھاوڕێیانێکیش بەھۆی سووتاوییەوە گیانیان بەخت كرد.

ئێمە دڵگرانین و خۆمان بە هاوبەشی خەم و پەژارەتان دەزانین بۆ گیان لەدەستدان و برینداربوونی ئەم ئازیزانەتان.

لەدیدی ئێمەوە، ئێوە هیوا و ئومێد و ڕوناکیی ڕێگەی ئایندە و ژیانێکی باشترن.

بەرز و بەڕێز بێت یاد و یاداوەریی هاوڕێیانی گیانبەختکردوو لە پێناو ژیان و ژینگە پارێزیدا!

ئێوارە  گفتووگۆی گروپی ئازادیخوازان، 07/06/2021

دەوڵەمەندترین 25 کەسی ئەمەریکی باجێکی ئێکجار کەم لەسەر سامانەکانیان دەدەن:

10/06/2021

+ بە گوێرەی ڕاپۆرتێکی ئەم ڕۆژانە لە ماوەی 5 ساڵدا کە لە 2014 وە تاکو 2018   ئەوە دەوڵەمەندانە بە ڕێژەی لە سەدا 3.4  دۆلار باجیان  داوە .

+  ئەمانە لە نێوانی خۆیاندا 400 ملیار دۆلاریان لەو ماوەیەدا پەیداکردووە .

+ جێف بیزۆز کە دەوڵەمەندترین کەسی دونیایە لە ساڵی 2007 هیچ باجێکی نەداوە کە ئەو کاتەش ملیاردەر بووە.  لە ساڵی 2011 دا کە خاوەنی 18 ملیار دۆلار بووە دووبارە باجی نەداوە، تەنانەت 4000 دۆلاریشی وەکو بیمەی منداڵان بۆ منداڵەکانیشی وەرگرتووە. سامانی پارەکەی ئەم پیاوە 200 ملیار دۆلارە.

+ ئەم 25 کەسە لەو 5 ساڵەدا بە هەموویان تەنها 13.6 ملیار دۆلار باجیان داوە کە بە ڕێژەی سەدی دەکات 3.4 .

+ Buffett کە ملیاردەردەێکی دیکەیە لەو ماویەدا سامانەکەی بە بڕی 23.7 ملیار دۆلار زیادی کردوە  تەنها  23.7 ملیۆن دۆلاری داوە کە بە ڕێژەی سەدی دەکاتە 0.1 دۆلار .

+ جێف بیزۆز کە سامانەکەی بە 99 ملیار دۆلار لەو ماوەیەدا زیادیکردووە بە ڕێژەی سەدا 0.98 دۆلار باجی داوە.

+ Elon Musk بەڕێژەی سەدی 3.27 دۆلار باجی داوە لە کاتێکدا کە بری سامانەکەی 151 ملیار دۆلارە.

+ Michael Bloomberg کە سامانەکەی 59 ملیار دۆلارە بە ڕێژەی سەدی 1.3 دۆلار باجی داوە.

سەرسام مەبە لە هەژاری خۆت و ساماندارێتی ئەوان .

رۆتێستەکانی بەرازیل

30/05/201

دوێنێ شەمە، 29/05  بە سەدەها هەزار کەس لە 200 شاری بەرازیل-دا ڕژانە سەر شەقامەکەن داوای تاوانبارکردن و دادگییکردنی سەرۆك  Jair Bolsonaro، دەکرد بە هۆی کەمتەرخەمی و هەنگاونەنای پێویستەوە لە چارەسەری ئافاتی کۆرۆنا.  لە بەررازیل تاکو ئێستا 460 هەزار کەس بە کۆرۆنا مردووە و دووەم وڵاتی دونیایە دوای ئەمەریکا لە ژمارەی قوربانیانی کۆرۆنادا.

یەکێك لە خۆپیشاندەران دەیوت : ئەم حکومەتە زۆر مەترسیدارترە لە ڤایرۆسی کۆرۆنا.  یەکێکی دیکەیان دەیوت : ئەم سەرۆکە بەرازیلی وێرانکرد ، خەڵکی بەرازیلی دوو هەڵبژاردەیان هەیە ، ئەویش مردن بە کۆرۆنا یاخود مردن لە برسا.

لە سەدا 57 خەڵکی بە گوێرەی ئامارێکی نوێی لەگەڵ دادگاییکردنی Jair Bolsonaro بۆ ئەو تاوانانەی کە لە هەقی خەڵکی بەرازیل کردویەتی.

پرۆتێستەکانی کۆڵۆمبیا بەردەوامە:

30/05/2021

پرۆتێستەکانی کۆڵۆمبیا کە لە ڕۆژی 28/04 وە دەستیپێکرد هەر بەردەوامە. لە  ڕۆژی سێ شەمەوە  بە سەدەها هەزار کەس لە گەلێك لە شارەکانی ئەوێ ڕژانەوە سەر شەقامەکان پاش ئەوەی کە وتووێژ لە نێوانی حکومەت و ئەواندا گەیشتە بنبەستبوون. ڕۆژی هەینی 4 کەسی دیکە کوژران.  تاکو ڕۆژی هەینی لانی کەم 43 کەس کوژراون زۆری دیکەش بریندارکراون یاخود دەستبەسەرکراون. 

هاوکاتیش حکومەت 7000 ی دیکەی لە سوپا ناردە سەر  شەقامەکان بۆ دامرکاندنەوەی خۆپیشاندەران ئەمە جگە لەوەش کە هەندێك کەس بە جلی مەدەنییەوە دێنە ناو خۆپیشاندانەکانەوە و کەسە چالاکەکان تیرۆر دەکەن و پۆلیسیش هیچ هەڵوێستێکی نییە . 

پرۆتێستەکانی لەندەن

30/05/2021

دوێنێ شەمە، 29/05 سێ پرۆتێستی گەورە لە لەندەن کران ، کە ئەمەجگە لە پرۆتێستێکی دیکە لە کینت دژ بە کۆچبەران وپەنابەران لە لایەن ڕاستڕەو و نەتەوەییەکانەوە. یەکێك لەم پرۆتێستانەی لەندەن  دژ بە پەساپۆرتی ڤاکسین بوو کە زیاتر لە 10 هەزار کەس بەشدارییان تیاداکرد .  ئەم پرۆتێستە لە مەیدانی پەڕلەمانەوە دەستیپێکرد و  12 میل ڕێپێوانی کرد و دوای 6 ئێوارە گەیشتنە  خۆرئاوای لەندەن و توانییان گەورەترین شۆپیینگ سێنتەری لەندەن : Westfield shopping centre  داگیربکەن بۆ نزیکەی سەعاتێك لەوێ بمێننەوە،  تا پۆلیس دەریکردن و ئەمریشی بە شۆپەکان کرد کە دایخەن لەگەڵ ئەوەشدا هیچ توندوتیژییەکی تێدا بەکارنەهێنرا و کەسیش دەستبەسەر نەکرا. پەرۆشی خەڵکی بۆ لەدەستدانی ئازادییەکانە کە لە ئێستادا زۆر تەسكکراونەتەوە، هەروەها ئازابوونی خەڵکی لە وەرگرتنی ڤاکسین یا وەرنەگرتنی و هەروەها دژ بەوەی کە گەر بەڵگەی لێدانی ڤاکسینت پێنەبێت ئەوە نە سەفەر دەتوانیتت بکەیت و نە هەندێك شوێنیش دەتوانیت بچیت، گەر چی ئەمە هێشتا لە لایەن حکومەتەوە بڕیاری کۆتایی لەسەر نەدراوە ، بەڵام لەوەدەکات کە بکرێت بە یاسا چونکە هەندێك لە وڵاتانی ئەوروپی ئەوەیان کردووە بە مەرج بۆسەفەرکردن .

هەژاریی لە بریتانیا

28/05/2021

بە گوێرەی ڕاپۆرتێکی نوێ بڕی هەژاریی لە نێوانی خیزانانا کە باوكان و دایکان هەردوکیان کاردەکەن یاخود هەر یەكێکیان، بەرزترین ڕێژەیە لە 25 ساڵ لەمەوبەرەووە .

لەو راپۆررتەدا نیشانی دەدات:

  • 14 ملیۆن کەس لە بریتانیادا لە هەژاریدا دەژین.
  • هەژاری لە نێو خێزاندا کە کار دەکەن لە ساڵی 1996 و لە ڕێژەی لەسەدا 13 وە بۆ لە سەدا 17.4 سەرکەوتووە.
  • لە ساڵی 2010 وە بارودۆخەکە بەو رادەیە خراپبووە کە خێزانێك کە کاریشدەکەن مەترسی  هەژارییان زۆر لەسەرە.
  • ئەو هۆکارانەی کە زیاتر ڕۆڵیان هەیە لەو هەژارییەدا ئەمانەن:
  • بەرزبوونەوەی کولفەی خانوو بۆ خەڵکانی داهات کەم، بەتایبەت بۆ ئەوانەی کە لە خانوی خاوەنخانودا نەك خانووەکانی شارەوانی دەژین ، کە کرێ زۆر بەرزە .  نرخی خانوو زۆر بەرزە و خەڵکیش ناچارن کە خانو لە خاوەنخانوی تایبەتی بەکرێبگرن کە نرخەکەی لە ماوەی 25 ساڵدا لە سەدا 50 چوەتە سەرەوە لە بەرانبەر هەڵئاواسانی پارەدا.  راپۆرتەکە دەڵیت لە ساڵی 2025 دا هەر یەك کەس لە جوار کەس کرێچی خاوەنخانوە تایبەتییەکانن نەك شارەوانییەکان ، یاخود بانق.  لەڕاپۆرتەکە دەڵێت ساڵی پار خاوەنخانووەکان 11.2 ملیار پاوەندیان خستۆتە گیرفانیانەوە وەکو بیمەی خانوو کە لە دەوڵەت وەریانگرتووە.
  • کەمی کرێ و مووچە و زیادنەکردنی بە گوێرەی گرانیی.
  • پارەی بێ کاری و بیمەکان ناتوانن لەگەڵ بەرزبوونەوەی کرێی خانوودا بڕۆن.
  • 4-     گرانی و کەمی دایەنگا و ژنانی دیکە کە ئاگایان لە منداڵانە کە باوك و داایکیان کاردەکەن .

ئامارەکان و بەڵگەکان وەکو سوودی کۆرۆنا بۆ دەوڵەمەندەکان:

23/05/2021

ئامارەکان و بەڵگەکان وەکو سوودی کۆرۆنا بۆ دەوڵەمەندەکان:

ڕۆژانە ئامار و بەڵگەی زیاتر دەردەکەوێت کە ئافاتی کۆرۆنا زۆر سوودمەندبووە بۆ کۆمپپانیا و سەرمایەدارەکان تا ئەو ڕادەیەی کە لە ماوەی تەنها ساڵێكدا بڕی داهاتی ئەو کۆمپانیا و ساماندارانە ئێکجار سەرکەوتووە.

بە گوێرەی ڕاپۆرتێکی ڕۆژنامەی گاردیانی ڕۆژی شەمە، 22/05/21  هەر لە بریتانیادا 24 کەسی دیکە لەو ساڵەدا  بوونە ملیارددەر بەمەش ژمارەی ملیارددەرانی بریتانیا ئەمساڵ لە سای کۆرۆنادا گەیشتە 171 ملیارددەر .  ئەمەش یانی گەورەبوونی کەلێنی نێوانی هەژاران و سامانداران، یانی بەرزبوونەوەی  ژمارەی هەژاران لە بریتانیا، یانی کەمبوونەوەی داهاتی فیعلی بەشەکەی دیکەی دانیشتوانی ئەم وڵاتە و زیادبوونی خەڵکانی بێ خانووبەرە و دروستبوونی فشاری زیاتر لەسەر خێزانداران تاکو فشاری کار لەسەر خۆیان زیاتر بکەن بۆ ئەوەی بتوانن بژین. هەر بە گوێرەی ئەو ڕاپۆرتە لە نێوانی 2016 و 2018  لەسەدا 40ی دانیشتوانی بریتانیا پاشەکەوتیان سفر بووە، هیچ پاشەکەوتێکیان نەبووە.  

ئەو وێنانەی سەرەوە هەندێك لە دەوڵەمەندەکانی بریتانیان .  دەوڵەمەندترین کەسیان Len Blavatnik  کە لە ئەسڵدا خەڵکی ئۆکرانیایە، کە شوورەوی هەڵوەشایەوە، لە هەڕاجکردنی موڵک و سامانەکانی دەوڵەتا ئەمیش پشکی خۆی بەرکەوت لە کۆمپانیای وزە و ئەلەمنیوێمەوە دەستیپێکردووە و دواتر هاتۆتە بریتانیا، ئاڵاوە لە بزنسی میوزیکەوە  . ئەم کابرایە سامانەکەی بە بڕی 7.2 ملیار پاوەندە هەر بە تەنها لە ساڵی 2020 سەرکەوتووە بۆ 23 ملیار پاوەند.

لە بریتانیا 9 سەرمایەداری دیکەش بڕی داهاتیان بە شێوەیەکی خەیاڵی لە ساڵی 2020 دا سەرکەوتوە . ئەم کابرایە بە بەردەوامی بەرتیلی داوە کە لە وڵاتانی ” دیمۆکراتی ” ئەمەریکا و ئەوروپادا ئەم بەرتیلە پێی دەڵێن “تەبەڕوع” ، لەو کەسانەی کە پارەی پیداون دۆناڵد ترامپ بووە کە 1 ملیوێن دۆلاری پێداوە.

ئەمەی خوارەوە لیستی ئەو 10 ساماندارانەی بریتانیان.  ژمارەی ناو کەوانەکە ڕیزبەندی دەوڵەمەندیان پێش ساڵی 2020 نیشاندەدات ، ژمارەی دووهەم بڕی سامانی ئێستایانە ، ژمارەی سێیەم بری ئەو پارەیە کە بە تەنها لە ساڵی 2020 دا لە سەردەمی کۆرۆنادا چووەتە سەر داهاتەکەیان .

Top 10 richest in the UK

The 10 richest people in the UK, according to the Sunday Times rich list, are

  1. Sir Leonard Blavatnik (previously 4th) – £23bn (up £7.2bn) – heavy industry and media
  2. David and Simon Reuben (=2nd) – £21.46bn (up £5.5bn) – property and internet
  3. Sri and Gopi Hinduja and family (=2nd) – £17bn (up £1bn) – industry and finance
  4. Sir James Dyson and family (1st) – £16.3bn (up £100m) – electrical goods
  5. Lakshmi Mittal and family (19th) – £14.68bn (up £7.9bn) – steel
  6. Alisher Usmanov (7th) – £13.4bn (up £1.7bn) – mining and investment
  7. Kirsten and Jorn Rausing (6th) – £13bn (up £900m) – inheritance and investment
  8. Roman Abramovich (12th) – £12.1bn (up £1.9bn) – oil and industry
  9. Charlene de Carvalho-Heineken and Michel de Carvalho (9th) – £12bn (up £1.7bn) – inheritance, brewing and banking
  10. Guy, George, Alannah and Galen Weston and family (8th) – £11bn (up £470m) – retailing

چالاکییەکی راستەوخۆ:

22/05/2021

ئەمڕۆ ، شەمە، 22/05/21 بە کاتی بریتانیا 4.30 بەیانی زوو، گروپێکی بەرگریی لە گیانلەبەران و ئاژەڵ دایان بەسەر 4 سێنتەری دابەشکردنی مەکدۆناڵدا : Hemel Hempstead, Basingstoke, Coventry , Heywood دەیانەوێت چالاکییەکەیان بۆ ماوەی 24 کاتژمێر بخایەنێت .  بە جالاکییەکەیان ئەو چوار سێنتەرەیان بلۆكکردووە ناهێڵن کە هیچ شتێك بگاتە 1300 لقی مەکدۆناڵد بەمەش توانیویانە گرفتێکی یەکجار گەورە بۆ مەکدۆناڵد دروستبکەن .

چالاکوانەکان داوای ئەوە دەکەن کە تا ساڵی 2025 دەبێت مەکدۆناڵد ڕڕێمی خواردنەکانی لە خواردەمەنی گۆشت و ماسییەوە بگۆڕێت بۆ ڕژێمی خواردەمەنی ڕووەکیی .  ئەوان باوەڕیان وایە گۆڕینی سیستەمی خواردنی گۆشت بە خوردەمەنی ڕووەکی نەك هەر کارایی باش لەسەر تەندروستی مرۆڤ دادەنێت بەڵکو کاراییەکی پۆزەتیڤانەش لەسەر ژینگە و ژیانی دانیشتوانی ئەم پلانێتە/ گەردوون دادەنێت و ڕۆڵیشی دەبێت لە پارێزگاریکردن لە سەرچاوە سروشتیەکانی وەکو ئاو و هەروەها گرفتی هاتووچۆ و هێنانەخوارەوەی ژمارەی مردنی خەڵکی. لە یەکێك لە ڕاگەیاندنەکەیانا بە میدیان وت” پیشەسازی گۆشت و شیرەمەنی پلانێتەکەمان وێراندەکات  و بڕێکی زۆری غازی دووەم ئۆکسیسدی کاربۆن دروستدەکات و بە ملیار ئاژەڵ و گیانلەبەر ساڵانە سەردەبڕێن.  تاکە ڕێگای واقیعیانەی بەردەوامیدان بە ژیان  بۆ بژێوی 10 ملیار خەڵك تەنها لە ڕێگای سیستەمی خواردەمەنی ڕوەکییەوەیە …”

مانگرتن و پرۆتێستەکانی کۆڵۆمبیا هەر بەردەوامە:

09/01/2021

ئەوە 10 ڕۆژە پرۆتێست و مانگرتنی کرێکاران لە کۆڵۆمبیا نەك هەر بەردەوامە، بەڵکو بە لێشاو خەڵکی زیاتر دەچێتە سەر شەقامەکان و ڕۆژانەش داخوازییەکانیان زیاد دەکەن . ئەم خۆپیشاندان و مانگرتنە وڵاتانی دەرو دروسێشی ترساندوە دەترسن وەکو بەهاری عەرەبی ئەمیش بتەنێتەوە.

تاکو ئێستا 37 کەس لە خۆپیشاندەران کوژراون 234 کەسیش بریندارن  و 923 کەسیش دەستبەسەر و گیراون.

خۆپیشاندان ومانگرتنەکان دژ بە زیادبوونی باج لەسەر خوردەمەنی پۆشاک و خوردنەوەکانە،  کە بڕیارە ئەو یاسایە بخرێتە کارەوە کە ئەمەش زیاتر خەڵکە ئاساییەکە دەگرێتەوە و ئەوانن کە باجەکەی دەدەن.

ئابووریی کۆڵۆمبیا ساڵی پار بە ڕێژەی لە سەدا 7 هاتۆتەخوارەوە، هاوکاتیش ئاستی برسێتی  لە سەدا 36 وە بۆ لە سەدا 43 بەرزبوەتەوە .  ڕێژەی بەتاڵەش لەسەردایە. كۆڵۆمبیا قەرزارە و حکومەتەکەی توانای ئیدارەدانی خەڵکەکەی نەماوە، دەیویست بە دانی ئەم باجە لە لایەن خەڵکەکەیەوە 6.7 ملیار دۆلاری قەرزەکانی پێبداتەوە و یارمەتی 3 ملیۆن لە خەڵکەکەی کە لەو پەڕی هەژزاریدا دەژین بدات.

ئێستا پرۆتێستەکان لە 3 شارە سەرەکییەکەی کۆڵۆمبیا : Bogota, Medellin, Cali   بۆ زیاتر لە 10 شاری دیکە، تەنیوەتەوە.

 لە ئێستادا کۆمیتەی مانگرتنی نەتەوەیی/ گشتیی  لە کرێکاران و قوتابییان ، بێ کاران و کەسانی زۆر هەژار پێكهاتووە بۆ بەڕێکردنی مانگرتن و خۆپیشاندانەکان .  حکومەت هەفتەی پێشو ناچار بوو کە پاشەکشە لە بڕیارەکەی بکات و هەڵیوەشێنێتەوە ، بەڵام خەڵکی بەوەش ڕازی نییە و دوای سوتاندنی چەندەها مەخفەری پۆلیس داوای ڕیفۆرم لە سیستەمی پۆلیسدا دەکەن.

 ڕۆژی 5 شەمە سەرۆکی کۆڵؤمبایا داوای لە کۆمیتەی مانگرتن و پرۆتێستەکان کرد کە لە گەڵیانا دانیشێت و داخوازییەکانیان لەگەڵدا باس بکات ، بەڵام تائێستا ئەوان رازی نەبوون بە بینینی سەرۆك.

کاتێك کە هێزی کرێکاران و باقی خەڵکەکەی دیکە یەکدەکەوێت ئیتر هێزێك، بەربەستێك نامێنێت لە بەردەم سەرکەوتنیانا.

بەیەکادانی پۆلیسی ئیسرائیلی و فەلەستینیەکان بەردەوامە:

09/01/2021

لە سەرەتا مانگی رەمەزانەوە لە ڕۆژهەڵاتی ئۆرشەلیم، مزگەوتی ئەقسا، فەلەستینەیەکان ناو بەناو دێنە سەر شەقام بۆ بەرگریکردن لە سیاسەتی دەرکردنی خێزانە فەلەستینییەکان لەوێ .  بە هۆی بڕیاری دادگاوە کە دەبیت هەندێك لە خیزانی فەلەستینییەکان  لە خانووەکانیان دەربکرێن . بۆ بەرگریکردن لەو خیزانانە لەبەردەم ماڵەکانا پرۆتێست بەردەوامە پۆلیسیش دەیەوێت بڵاوەیان پێ بکات و لە شەقامیش وەردیاننێن.  ئەمەش بووەتە هۆکاری  خۆپیشاندان و بەیەکادانەکانی نێوانی فەلەستینییەکان و پۆلیسی ئیسرائیلی کە تا دوێنێ شەویش، شەمە شەوەکەی،  هەر بەردەوامبووە. 

ڕۆژی 4شەمە 22 فەلەستینی برینداکران ڕۆژی هەینی 205 کەسی تریان  بریندسارکران کە 95 لەمانە پێویستیان بوو کە ببرێنە خەستەخانە . پۆلیس ئەسپ و دار و فشاری ئاو و گولەی پلاستیك دژ بە خۆپیشادنەران بەکاردەهێنن.  یەکێك لە بریندارەکان چاوێکی لە دەستداوە.

دوێنێ شەویش ، شەمە شەوەکەی ، پرۆتێستەکان بەردەوام بوو، بووە هۆی بریندارکردنی نزیکەی 90 کەسی دیکە لە فەلەسەتینییەکان.