هاوپشتی و یەکێتی تاقە چەکی ئێمەیە

هاوڕێیان سەرپەرشتیکاران و خوێنەرانی پەیجی (ئەنارکیستان )

وەک ئاگادار هەن، مانگی سێپتەمبەری 2015 لەسەر ڕێپۆرتی ناحەزانی ئازادی و ڕەخنە، لەسەر ڕێپۆرتی پارتییچییەکان و لایەنگرانی دەوڵەت و سەرکوت، لەسەر رێپۆرتی دەسەڵاتخوازان و ناوبانگخوازانێک کە خەریکن بەناوی ئازادی و سۆشیالیزم خەڵک فریودەدەن، سەرپەرشتیکەرانی فەیسبووک ئەکاونت و گرووپ و پەیجی (سەکۆی ئەنارکیستانی کوردییزمان)ی ڕاگرووە و وێڕای ناردنی هەموو ئەو بەڵگەنامانەی کە داخوازییانکردبوون، تاکو ئێستا بواری کردنەوەی ئەکاونت و گرووپ و پەیجەکە نەدراوە.

ئەم پەیجەی ئێستا کە وەک جێگرەوەی پەیجە پێشینەکە کراوەتەوە، بەداخەوە چەند مانگێکە لەلایەن فەیسبووک خراوەتە ژێر فشار و بیانووگرتن.

هەڵبەتە ئەوە بۆ ئێمە ڕۆشنە، دەیان و سەدان پەیج و گرووپی ئەنارشیستی بە زۆربەی زمانەکان هەن، وەک دەزانن و ئاگادار هەن، پەیجی (ئەنارکیستان) نە هاندانی توندوتیژی و نە هاندانی بزاڤی چەکداری و نە بانگەواز بۆ توندوتیژی ناکات، هەر ئاوا هەموو ئێتیکێکی ڕۆژنامەنووسی و نووسین پەیڕەودەکات و دژی سووکایەتیکردنە بە هەر کەسێك لەسەر بنەمای ڕەگەزیی و نەژادیی و ئایینی و ڕەنگی پێشت و تەمەن و هەڵکەوتەی جەستەیی) و بە هەموو شیوەیەک دژی هەڵاواردن و سووکایەتییە. ئەوەی کە بەس پەیجی (ئەنارکیستان) دەخرێتە ژێر فشار، بۆ خۆی مایەی پرسیار و ڕامانە، بەتایبەت نە پەیجەکە ئەوەندە چالاکە و نە ئەوەندە لایککەر و خوێنەری هەیە و نە ژمارەی نووسەرانی زۆرە. تاقە شتێک کە فرەتر گۆماندەگرێت، ئەوەیە، لەوە دەچێت هۆکارەکەی واوەتر بێت و پوازی قەڵیشاندنی دارەکە لە خودی دارەکە بێت.

هەر ئێستا فەیسبووک بڵاوکردنەوەی لینکی سایتی ئەنارکیستان (ئەنارکیستان.کۆم) بلۆککردووە و بواری بڵاوکردنەوەی نادات

هەر ئاوا، بڵاوکردنەوەی لینکی ئەم پەیجەی (ئەنارکیستان) بلۆککردووە و بواری دانان و ناردنی بۆ کەسانی دیکە بە مەسینجەر نادات ..

پاساوی ئەوەش، ستافی فەیسبووک دەڵێت ئەو سایت و پەیجەی ئەنارکیستان دژی بنەماکانی ئێمەیە

ئەگەر بە پێوەری ئەو بیانووەی فەیسبووک بێت، کەواتە فەیسبووک بەخۆی لایەنگری هەڵاواردنی ڕەگەزیی، نەژادی و ئایینی و کولتووریی و ..تد، چونکە وەک هەموو خوێنەرێك دەزانێت، پەیجی ئەنارکیستان دژی (هەڵاواردن و ستەم و سەرکوت و سووکایەتی و پێشێلکردنی مافی مردۆفە)!

هاوڕێیانی سەرپەرشتیکار، خوێنەرانی هێژا

بۆ ئەوەی ئەم جارە بە ڕاگرتن و بلۆککردنی پەیجی (ئەنارکیستان) بوارنەدەین، پێویستە:

هەموومان (سەرپەرشتیکاران) و (خوێنەران)ی پەیجی ئەنارکیستان، دۆست و هاوەڵانی خۆمان بۆ نێو پەیجەکە [ئەد]بکەین و هەمووان بەردەوام پەیجەکە لایکبکەین ..

هەموومان پێکەوە و هاوکات و بەردەوام ئەم پەیجە لەسەر دیواری فەیسبووکی خۆمان شەیربکەین، لەنێو گرووپەکانی دیکە، لەنێو پەیجەکانی دیکە [شەیر]بکەین

هەموومان پێکەوە و هاوکات و بەردەوام لە ڕێگەی ئیمەیل و مەسینجەر و تۆڕە کۆمەڵایەتییەکانی دیکەی وەک تویتەر، ئینستاگرام، تێلەگرام، وۆتسئێپ و ڤایبەر و سناپ‌چات و تد پەجەکە بە دۆست و هاوەڵانمان بگەیێنین و ئەوان بۆ پشتیوانی و بەشداریکردن بانگهێشتبکەین

هاوپشتی و یەکێتی تاقە چەکی شۆڕشگەرانەی ئێمەی ئازادیخوازە

هاوپشتی بەردەوامی ئێوە مسۆگەرکەری مانەوەی پەیجی (ئەنارکیستان) دەبێت

دەستی خەباتکارانەی یەک بە یەکی ئێوە دەگوشین

بەرەو هاوپشتی و یەکێتییەکی ئەنارشیستانە

سەکۆی ئەنارکیستانی کوردییزمان

28ی سێپتەمبەری 2019

لینکی پەیجی ( ئەنارکیستان ) لە فەیسبووک https://facebook.com/ANARKISTAN

لینکی کاناڵ و گرووپی ئەنارکیستان لە تێلەگرام https://t.me/KAF_Seko

https://t.me/KAF_ANARKISTAN

Na bo dewllet, na bo ceng, bellê bo serbexoyî û şorrşî komellayetî

Bangewazî be pele bo hawrrêyanî enarkîst û azadîxwaz le her kwêyekî cîhan hen

Bangewazêkî rastewxo û taybet bo hawrrêyanî enarkîst û azadîxwazî ‘erebî-zman

Na bo dewllet, na bo ceng, bellê bo serbexoyî û şorrşî komellayetî

Çend sall û mang û hefte û rojî raburdû ême enarkîstan û azadîxwazanî herêmî “kurdistan” be hellwêst û drûşmî (bellê bo serbexoyî hemû şwênêk û hemû komellêk, bellam na bo dewllet) dengî xoman djî dewlletandinî em herême lejêr perdey sînaryoy “rîfrandom bo serbexoyî” hellbrrî û bedillnyayîşewe hawrrê ‘erebî-zman û turkmanî-zman û aşûrîy û ewanî dîkeş hellwêstêkî lew coreyan hebuwe û debêt û heman çawerrwanîman le hawrrêyanî enarkîst û azadîxwazî sertaserî cîhan heye, ke le djî hellgîrsanî cengî newt û dewlletgerayî (berey nasîwnalîstan û çepe prro-faşîstekan), le (berey dje-cengî xellkî ‘îraq be hemû pêkhatekanîyewe) piştîwanîbken û le her şwênêk delwêt, xonîşandanî hawpiştî û djî ceng berrêbxen.

Ême dje-dewlletîn, leberewey djî sîstemî ramyarîn, djî partîyayetî û djî aydyolocîye desellatixwazîye çep û rasetekanîn, leberewey ke djî serwerîy çînayetîn, djî karî krêgirte û djî darayî taybetîn, ke hemû cengekanî mêjûy serwerîy çînayetî lepênaw parastinî ew sêkuçkeye bûn; serwerî çînayetî, darayî taybetî, karî krêgirte!

Ême djî ceng û çek û kînedozîy nêwan êtnîyekan û bazne kultûrekanîn, çunke ceng û çek û kînedozîy tenya ceng û merg û koyletî berencamdehênin û hergîz serencamî hîç cengêk, şorrşî komellayetîy nebuwe û hemû kat ceng lenêwberî wze û twanayî şorrşigêrrane û lawazkerî bzûtnewe cemawerîy û komellayetîye azadîxwazekan buwe û le beranberîş gerimkerî bazarî çekifroşî û dabînkerî newt bo karxanekanî çeksazîy û otomebêlsazîy û wêrangerî jînge û hejartirkirdnî hejaran û drêjkerewey temenî serwerîy çînayetî buwe!

Ême hawkatî dje-ceng bûn, xwazyarî ronanî xoberrêweberîy serbexoy komellekanîn le her şwên û hemû kat; xwazyarî ronanî xoberrêweberîy nawçe û herêmekan  leser bnemay herewezîye azadekan û komun û encumene serbexokanî şwênî kar û jyan heyn û azadî tak û birryarî serbexoyaney tak be bnaxey azadî û serbexoyî hemû komellêk dezanîn û beboçûnî ême le her şuynêk dewllet hebêt, lewê azadî bûnî nîye, le her şwênêk partîyayetî hebêt, lewê serbexoyî kesîy û awez û bîrkirdnewe bûnî nîye, le her şwênêk xawenkar û dara hebêt, lewê kesî beşmeynet û koyle heye. Her awa beboçûnî ême lenêwan fermandarîy bîst û şeş (26) salley borcwazîy herêmî “kurdistan” û cyabûnewey dewlletîyaney herêmî “kurdistan” cyawazî nîye û beşî ême nedaran û bêdesellatan her drêje û zyatribûnî bedbextîyekanî pêşûtir  debêt û dîwekey dîkeşî her dewlletmendtirbûn û behêztirbûnî ramyaran û sermayedaran û frawantirbûnî meydanî terratênî kompanîye cîhanxorekan û nêwendekanî wek sindûqî nêwdewlletîy draw û bankî cîhanî û bankî nêwendîy ewrupa û dewllete zilhêzekan debêt.

Ême enarkîstan, djî dewllet û djî ceng û djî serkutîn û bo ew mebesteş hemû hawderd û hawçîn û hawamanc û hawbîr û hawrrêkanî xoman le sertaserî cîhan bo piştîwanî le berey djî ceng û bergirtin le hellgîrsandinî cengî nasîwnalîstîy nêwan êtnîyekanî ‘îraq û nawçeke bangewazdekeyn; raste erkî rastewxo û xocêy û serekîtrîn çalakî rastewxoy djî ceng leser şanî kesanî azadîxwazî nêw ‘îraq û erkî rastewxoy kesanêk debêt, ke be zmanî êtnîyekanî nêw ‘îraq dedwên, bellam erkî êwe her azadîxwaz û enarkîstêk le her şwênêkî cîhan hen û be her zmanêk dedwên û le her şuynêk ledaykbûn, le erkî serşanî ême kerimtir nîye û nabêt, çunke hellxirrandin û rêkxistinî dengî narrezayetî şeqamî komellekanî xotan djî ceng, tewawker û msogerkerî serkewtinî denge dje-cengekanî nêwxoy ‘îraq û kemtirkerewey metrisî merg û awarebûnî mindallanî ‘îraqe.

Ême enarkîstanî kurdî-zman be dyarîkrawîy hawrrê (enarkîste ‘erebî-zmanekan û farsî-zmanekan û turkî-zmanekan) bo westanewe djî ceng û hawpiştîkirdin û yekêtî letek xoman djî (plan û birryarekanî serweran û sermayedaranî kurdî-zman û ‘erebî-zman û farsî-zman û turkî-zmanekan) bangewazdekeyn û her xogêlkirdin û her kemterxemîyek û xodûrgirtnêk lew barewe, be rezamendibûn letek ceng û ramyaran û sermayedaran û kompanîye cîhanxorekan dezanîn. Ême bêcge le dje-ceng bûn û hewll û pagendey bîst û çwar sate djî ceng, hîç hellbijêr û umêd û çareyekî dîkeşknabeyn, êweş xotan û wîjdan û erkî mêjûîy serşantan; ême le êwe daxwazîy piştîwanî û hawdengî dekeyn, nek birryar û sepandin û naçarkirdnî êwe, çunke bo kesî enarkîst dje-ceng bûn û çalakî xocêy û hawpiştî cîhanî elf û bay têkoşanî azadîxwazanen. Ême çawerrêy hellwêst û piştîwanî çalakî hawrrêyaney êweyn, mindallan û pîr û pekkewtan û nedaran û bêdesellatanî hemû beşekanî ‘îraq çawerrêy hellwêst û piştîwanî û xonîşandanî êwen!

Na bo ceng

Na bo dewllet û serwerîy

Na bo netewe û wllat û alla

Na bo sîstemî çînayetî

Bellê bo hawpiştî û yekrrîzî djî ceng

Bellê bo têkoşanî komellayetî

Bellê bo xorrêkxistinî komellayetî

Bellê bo şorrşî komellayetîy

Bellê bo raperrînî komellayetîy

Bellê bo xoberrêweberîy komellayetî

Sekoy Enarkîstanî kurdîy-zman

15î oktoberî 2017

Saytî  Sekoy Enarkîstan

www.anarkistan.com

Peycî Facebookî Enarkîstan

www.facebook.com/sekoy.anarkistan

Sekoy Enarkîstan le Twitter

https://twitter.com/anarkistan

Îmeyl Adresî Enakîstan

anarkistan@riseup.net

Ku-Latini

نامەیەكی کراوە بۆ هاوڕێیانی سەکۆی ئەنارکیستان*

ھەژێن پیزە قەرەچ

١ی دێسەمبەری ٢٠١٦

وەك دەزانن نزیکەی شازدە ساڵە لە یەکەمین ژمارەی گۆڤاری ڕۆشنبیری دالیان** و دواتر لە بلاگی سەکۆی ئەنارکیستانی کوردی-زمان*** و پاشان لە سایتی چەند زمانەی ئەنارکیستان**** و دوا جار لە سایتی ئەنارکیستانی کوردی-زمان***** و ھەر ئاوا لەنێو تۆڕە کۆمەڵایەتییەکان****** بە تەواوی ئەو ساڵانە تەواوی وزە و توانای خۆمان بۆ سێ شت تەرخانکردووە:

یەکەم : بەدرۆخستنەوەی ئەو ناو و ناتۆرانەی لە ماوەی دوو سەدەی ڕابوردوو بەتایبەت سەدەی بیستەم، کە بۆ ھزر و بزاڤی ئەنارکیستی ھەڵبەستراون و ڕەتدانەوەی ئەو لاساییکردنەوە دەروێشانەیە لە کوردستان و ناوچەکە … .

دووەم : ئاشناکردنی خوێنەری کورد بە بنەماکانی ھزری ئەنارکیستی و مێژووی بزووتنەوەکە  بە وەرگێرانی دەقە کلاسیکەکان و ھەر ئاوا نووسین و ڕەخنەگرتن لەبەر ڕۆشنایی بنەما ھزرییەکانی ئەنارکیزم … .

سێیەم: خوێندنەوە و ھەڵوێستوەرگرتن لەسەر ڕوداوەکانی جیھان و ناوچەکە و ھەرێمی کوردستان بەتایبەتی، لەبەر ڕۆشنایی تێگەییشتنی ھەر یەکە لە ئێمە لە هزری ئەنارکیزم و کۆمەڵی ئەنارکی  … .

ئەم ڕۆژ بە شانازییەوە دەتوانین وردە وردە دەرکەوتنی بەرەنجامی تێکۆشانی نەپساوەی (سەکۆی ئەنارکیستان) ببینین و دەتوانین ئەم ڕۆژ پاش شازدە ساڵ کۆششکردن و ماندوونەناسین، لێرە لەوێ دەرکەوتنی دەنگ و دەستە و ھەوڵە ئەنارکیستییەکان بەدیبکەین، کە وزە و ھیوا بە ئێمە دەبەخشین و ئەوەندەی دیکە بڕوای ئێمە بە دروستی بیرکردنەوە و دیتن و ئەنجامبەخشیی کار و چالاکیمان بەھێزتردەکات.

شازدە ساڵ لەمەوبەر کاتێك ئێمە بڕیارماندا دژی ھەموو جۆرەکانی سەروەری چینایەتیی، ڕەگەزیی و نەژادیی و ئایینیی و ھەڵاواردن و ستەمکاریی و بەھرەکێشیی تێبکۆشین، ئەناکیزم/ ئەنارشیزم جنێوی ڕامیاریی بوون بەتایبەت لەنێو گروپ و پارتییە چەپەکان و ھەرگیز خۆمان چاوەڕێنەبووین ئاوا بەزوویی بەرەنجامی چالاکی ڕۆشنگەرانەی دەستەیەکی بچووکی وەك ئێمە بەزووی لەنێو کۆمەڵ ڕەنگبداتەوە و تەنانەت لەنێو ڕیزی ئەندامانی پارتییەکان و گروپە دەسەڵاتخوازەکان بیرۆکەی ڕێکخستنی ئاسۆیی و سەرپەڕشتیکردن و ڕابەریی بە کۆمەڵ و دێمۆکراسی ڕاستەوخۆ و زۆر شتی دیکە سەرھەڵبدەن و ببنە دروستکەری مشتومڕ و زۆر شتی دیکە  … .

ئێستا پاش شازدە ساڵ وەك دەبینین لە ناوچەکە و ھەرێمی کوردستانش کۆڕ و کۆمەڵی ئازادیخواز/ ئەنارکی لە دەرکەوتن و پەرەسەندان و لەنێو خوێنەرانی کوردی-زمان بەتایبەت لاوان کەسانێکی زۆر ھەن، کە لە دوای سەرچاوە ھزرییەکانی ئەنارکیزم دەگەڕێن و ھاوکاتیش ئەوە لە ماوەی دوو ساڵی ڕابوردوو ھەم دەسەڵاتدارانی ھەرێمی کوردستان و ھەم پارتیی و گروپە دەسەڵاتخوازە ئۆپۆزسیۆنەکان بە ھەموو شێوەیەك کاردانەوەی ھەراسانبوونیان نیشانداوە و ھەوڵی کپکردن و بەرگرتنی دەنگی ئەنارکیستییان داوە و ھەموو ڕێگەیەکیان گرتووەتە بەر.

ئەمانە ھەموو نیشانە و کاردانەوەن بە کارایی سەرھەڵدانی ئاوا بزووتنەوەیەك کە دژی ھەموو جۆرە سەروەرییەكە، دژی ھەموو جۆرە پێکھاتە و ڕێکخستنێکی نێوەندگەرا و قووچکەییە، دژی ھەموو ھەڵاواردن و سووکایەتییەكە، دژی ھەموو جۆرە بەھرەکێشییەكە، دژی ھەموو جۆرە بەرتەریدانێکە بە دەستەبژێرەکان و کۆمەڵی ئازاد و یەکسان و دادپەروەر لەسەر بنەمای یەکگرتن و ھاوپشتی و ھەروەزیی کۆمەڵایەتیی و پشتبەستن بە ڕێکخستنی سەربەخۆی جەماوەریی و کۆمەڵایەتیی و تێکۆشانی ڕاستەوخۆی جەماوەریی و کۆمەڵایەتیی و دێمۆکراسی ڕاستەوخۆ و خۆبەڕێوەبەریی کۆمەڵایەتیی و یەکگرتنەوەی ئازادانەی خۆبەڕێوەبەریی کۆمەڵە ئۆتۆنۆمەکان لەسەر بنەمای فێدرالیزمی نادەوڵەتی ئامانجی بووە. ھەر ئاوا ھاوکاتی ئەوەش بە ھەموو جۆرێك ئەم ھەوڵە دژایەتیکراوە و ھەرچەندە سەرەتا بە ناونەبردنی و کەم نیشاندان و نەبوو-نیشاندانی دژایەتیکراوە، بەڵام ئێستا کە خەریکە دەبێتە کەتواری نکۆڵیھەڵنەگری کۆمەڵ و بەخێرایی بنەما ھزرییەکان و بۆچوونەکانی ئەنارکیزم لەنێو کۆمەڵ بڵاودەبنەوە و خەریکە تێگەییشتنی ھەڵەی ڕابوردوو ئاوەژوودەبێتەوە و ھۆگرانی ئەنارکیزم لە زیادبووندان و بنەماکانی هزری ئەنارکیستی کارایی دادەنێن.

بە بۆچوونی من، ئەم ساتە و لەم بارەدا ئەرکی ئێمە زیاتر و  بەربڵاوتر دەبێت و ڕەوت و بزووتنەوەی ئەنارکیستی لە ناوچەکە بەتایبەت لە ھەرێمی کوردستان وەك ھەموو ڕەوت و بزووتنەوە تازەکانی ڕابوردوو لەبەردەم مەترسی کنەکردنی دەسەڵاتداران و دەسەڵاتخوازاندایە، ھەر ئاوا کە پێشتر دەسەڵاتداران بەرانبەر ڕەوت و بزووتنەوە تازەکانی کۆمەڵ کاردانەوەی ئاوایان نیشانداوە و ھەوڵیانداوە ھەر بە ناوی خودی ڕەوت و بزووتنەوە تازەکان دژ بسازن، تاکو ھۆگران و شەیدایان و لایەنگرانی ڕەوت و بزووتنەوە تازەکان بەلارێدابەرن و بە پرۆسێسێکی دریژماوە دەستەمۆیانبکەنەوە و ئەوان لە ئەگەری گۆڕانی شۆڕشگێڕانە نائومیدبکەن. لەو بارەوە بەرانبەر ڕەوت و بزووتنەوەی کۆمونیستی و لیبرال ئەو تاکتیکە سەرلێشێوێنەرانە گیراونەتەبەر و ئێستاش بەرانبەر ڕەوت و بزووتنەوەی ئەنارکیستی ئەگەری ئەوە ھەیە، کە ئەو کاردانەوانە تەنیا وەك دژایەتی ڕاستەوخۆ نەبن، بەڵکو دەکرێت بە دروستکردنی دەستە و گروپی فریودەر بەناوی خودی ئەناکیزم بێت و ھەوڵبدەن لەژێر ناوی ئەنارکیزم دژ و لێدەر دروستبکەن و بخەنەگەڕ. هەرچەندە دڵخۆشانە ئەو کەلێن  و زەمینانەی [دەسەڵاتخوازیی، ناوبانگخوازیی و ڕێکخستنی قووچکەیی و نێوەندگەرا و ھەبوونی ڕابەر و سەرۆك و قسەکەر]، کە دەسەڵات توانیویەتی لەوانەوە کنەبکاتە نێو بزووتنەوەکانی پێشتر، لەنێو ھزر و بیرکردنەوە و بۆچوونی ئەنارکیستی بوونیان نییە. بەڵام ئەوە ھێشتا دڵنیاکەری تەواو نییە و ھێشتا لە ھەرێمێك کە بۆ زۆرینە بنەما ھزرییەکان و مێژوو و ئەزموونەکانی ئەنارکیزم ناسراو نین، ئەگەری ئەوە ھەیە، بلوێت کەسانێك یان گروپێك لە پانتایی نائاگاداریی کەسانی ناڕازی و گۆڕانخواز لەبارەی بنەما ھزرییەکان و مێژوو و ئەزموونەکانی ئەنارکیزم، خۆیان بکەنە دایك و باوکی ئەنارکیزم و جۆرێك لە ئۆتۆریتەگەریی/دەسەڵاتگەریی و پاوانگەریی شارداوە بەسەر ھۆگران و شەیدایانی نائاگای ھزری ئەنارکیستی بسەپێنن و لەژێر دێوجامەی ئەنارکیزم کایە چەپەڵە ڕامیارییەکانی خۆیان پەرەپێبدەن.

لەسەر بنەمای ئەو دیتنە، من بەو سەرەنجامە گەییشتووم، کە لەمەودوا پێویستە ئەرك و گرنگیدانی ئێمە لە سێ ئەرکەکەی دەستپێك نەوەستن و واوەتر لەوە پێداچوونەوەی بۆچوون و تێڕوانینەکانی خۆمان بکەین و ھەم سەرنج و ڕەخنەی دەرکەوتنە تازەکان بکەین. بە بۆچوونی من، گرنگی ئەم ئەرکە لەوەدایە، ئەو بۆشاییانە پڕبکەینەوە، کە دەکرێت دەسەڵاتداران و دەربارانی دەسەڵات لەوێوە کنەبکەن. لەو بارەوە من وەك ھەنگاوی یەکەم ھەوڵدەدەم سەردەمێکی دیاریکراوی چەند مانگە بۆ پێداچوونەوە و خوێندنەوەی بۆچوون و تێروانینی خۆمان بکەم و ھیوادارم ھەر ئاوا ئێوەش ھاوڕێیانی ئەنارکیست لە ھەر کوێ ھەن، ئەوەی بە گرنگی دەبینن و دەزانن سەرنجیبدەنێ و لەسەری کاربکەن و ڕەخنە بکەنە لەمپەرێك بۆ بەرپەرچدانەوەی ھەر ھەوڵێکی دژ و دژەخونگەر، بە بۆچوونی من ئەوەش تەنیا بەوە دەکرێت، کە ئێمە لایەنگرانی تازەی ئەنارکیزم لەوە ئاگاداربکەینەوە، کە ئەنارکیزم پێش ئەوەی ڕەتکردنەوەی دەوڵەت و پارتیایەتی و ڕێکخستن و پێکھاتەی قووچکەیی و نێوەندگەرا بێت، ڕەتکەرەوەی ناوبانگخوازیی و دەستەگەریی و دەستەبژێریی و دەسەڵاتخوازیی ھەر کەسێکە بە ھەر ناوێکەوە بێت، ئەنارکیزم دایك و باوك و مامۆستای نییە و ھەر کەس ئاوا ھەوڵ و پاگەندەیەك بکات، بەبێ گۆمان یان لە بنەما ھزرییەکانی ئەنارکیزم تێنەگەییشتووە، یان ئامانجدارانە دەخوازێت دەرکەوتنی تازەکی ھزری ئەنارکیزم لەنێو ناوچەکە و کۆمەڵی ھەرێمی کوردستان بکاتە دێوجامەیەك بۆ گەییشتن بە ئامانجە کەسییەکانی خۆی یان بۆ خزمەتکردن بە پلانی پارتیی و لایەنێکی دەسەڵاتدار.

ھاوڕێیان ھەڵبەتە ئەم دیتنەی من بەو واتایە نییە، کە ئێمە ھەموو شتێك بەلابخەین و تەنیا خەریکی ڕەخنەگرتن لە خۆمان بین و کۆمەڵ و ناڕەزایەتییەکان لەبیربکەین. نەخێر، بەپێچەوانەوە، ئەم سەردەمە کە ناڕەزایەتییە جەماوەریی و کۆمەڵایەتییەکان فراوانتردەبن و دەبنە دیاردەی ھەر ڕۆژە، کارکردن لەسەر ڕێکخستن و پاگەندەکردنی ڕێکخستنی ئاسۆیی و چالاکی ڕاستەوخۆ و گرنگی گروپە خۆجێییەکان و ڕێکخراوە جەماوەرییە سەربەخۆکان و بانگەوازکردنی مانگرتنی گشتی و سەرتاسەری و تێکۆشانی نافەرانی سڤیلیست (مەدەنی) و بەرەنگاریکردنی پلانی تایبەتیکردنەوەی کەرتی پەروەردە و خوێندن و تەندروستی و هەر ئاوا ڕۆشنگەرییکردن لەبارەی دێمۆکراسی ڕاستەوخۆ و خۆبەڕێوەبەریی سەربەخۆ/ئۆتۆنۆم و نانێوەندییکردنەوەی بەڕێوەبردنی کۆمەڵ، پێداویستی و ئەرکی سەرەکی ئەم قۆناخەی خەباتی ئێمەن و ئەگەر بیرۆکەی کۆبوونەوە گشتییەکان و گروپە خۆجێییەکان و ڕێکخراوە جەماوەرییە سەربەخۆکان و کۆمەڵایەتییکردنەوەی کەرتەکان و ڕزگارکردنی پەروەردە و خوێندن لە دەسەڵاتگەرایی دەوڵەت و پارتییەکان و کۆمپانییەکان و بەرەنگارییکردنی ڕەوتی نەزمی نوێی بازار (نیئۆلۆبرالیزم)، نەبنە ئامانج و دروشم و داخوازیی دەستبەجێ و ھەموو ساتەکی ئێمە، بەدڵنیاییەوە ڕەوت و بزووتنەوەی ئەنارکیستیش وەك ڕەوت و بزووتنەوەکانی پێشووتر دەکەونە کەناری کۆمەڵ و دەبنە دەستەیەکی ئایننگەرا و ئایدیۆلۆجیی و سەرەنجام دوکان و کۆمپانییەك بۆ قازانجی چەند کەسێك.

بە کوردی و بە کورتی، بە دیتن و بە گوێرەی ئەزموونگەریی من، ئەنارکیزم و بنەما ئەزموونیی و ھزرییەکانی بزووتنەوە و شۆرڕشی ئەنارکیستی بریتیین لە خۆھوشیاریی شۆڕشگێرانەی کۆمەڵایەتی، تێکۆشانی سەربەخۆی جەماوەریی و کۆمەڵایەتی، ڕێکخستنی ئاسۆیی و نانێوەندیی جەماوەریی و کۆمەڵایەتی، بزووتنەوە و بەرخودانی کۆمەڵایەتی، ڕاپەڕینی جەماوەریی و کۆمەڵایەتی، گۆڕانی کۆمەڵایەتیی و سیستەم و خۆبەڕێوەبەریی کۆمەڵایەتیی پشتبەستوو بە هەرەوەزی و پشتیوانی کۆمەڵایەتیی بۆ گەییشتن بە ئازادی و یەکسانی و دادپەروەریی کۆمەڵایەتیی. بە واتایەکی دیکە بەرەنگاریکردنی هەر هەوڵ و ڕێکخستن و سیستەمێکی ڕامیاریی و ئایدیۆلۆجی، لە سەرووی هەموویانەوە دەستەبژێرگەریی، دەستەگەریی، پارتیایەتی، دەوڵەت نەتەوە، دەسەڵاتداریی ئایینی و نەزمی نوێی بازار.

———————————————–

* ئامانج لە نووسینی ئەم نامەیە، نە ئامۆژگاریکردن و نە ڕێنوێنیکردنە، بەڵکو سەرنجڕاکێشانی هاوڕێیانە بۆ شتێك کە من ئەم ساتە هەست بە گرنگیپێدانی و بەهەندوەرگرتنی دەکەم و دەکرێت ئاواش نەبێت و من لنگاوقووچ لە پرسەکان تێگەییشتبم و وەڵام و سەرنج و ڕەخنەی هاوڕێیان لەسەر ئەم نامەیە و بابەتەکانی دیکەی من لەبارەی ئەنارکیزم یان هەر پرسێکی دیکە، دەتوانێت پشتیوانییەکی گەورە بێت بۆ من و کەسانی دیکەش. بێجگە لەوە ئامانجی من گومانخستنە سەر هیچ کەس و هیچ دەستەیەك نییە، بەڵکو سەرنجڕاکێشانی خوێنەرە بۆ ئەوەی وردبینانە و ڕەخنەگرانە بۆچوون و بیرۆکەکان لە هەر کەسێك وەربگرن، بەتایبەت بابەتی پەیوەست بە ئەنارکیزم، چونکە لۆجیکی بیرکردنەوەی ئەنارکیستی ئەوە پەسەندناکات، کە کەسێك دژی سەروەریی بێت و  هاوکات خەریکی ناوبانگدەرکردن بێت بۆ خۆی و لە خۆی باوکێك بۆ ئەنارکیزم چێبکات؛ وەك زانراوە و دەزانین ئەنارکیزم تێز نییە، دژەتیزە، ئەنارکیزم ئایدیۆلۆجی نییە، هزرە، ئەنارکیزم زادەی هوشمەندیی هیچ کەسێك نییە و بنەما هزرییەکانی (تیئۆرییەکەی) گەڵاڵەکراوی ئەزموونگەریی بزووتنەوەی سۆشیالیستیی ئازادیخوازی سەدان و هەزاران ساڵە، ئەنارکیزم ئایین نییە و هیچ ئەنجامێك بە دوا ئەنجام و پێگەییشتنی مرۆڤایەتی نازانێت؛ ئەنارکیزم ژییانە و ژییانیش هەردەم دەگۆڕێت و پێشدەکەوێت ؛ وەك پییەر جۆزیف پڕۆدۆن لەنێو نامەیەك بۆ کارڵ مارکس دەنووسێت “وەرە با وەڵامی هیچ پرسیارێك بە دوا وەڵام وەرنەگرین و هەر کات بوار هەبوو و پێویست بوو، جارێکی دیکە لە دوای وەڵامی گونجاتر و دروستر بگەرێین و سەرلەنوێ وەڵامەکان نۆژەنبکەینەوە”

** گوڤاری ڕۆشنبیری – کۆمەڵایەتی دالیان   www.geocities.com/dalyan00 ، http://www.dalian.cjb.net بەداخەوە دەمێکە ئەو خزمەتگوزارییانە نەماون.

*** سەکۆی ئەنارکیستانی کوردی-زمان  www.sakurdistan.kurdbloger بەداخەوە دەمێکە بەهۆی نەمانی کوردبلاگەر، ئەو پێگەیە نەماوە.

**** سایتی چەند زمانەی ئەنارکیستان  http://www.anarchistan.co.cc بەداخەوە دەمێکە ئەو خزمەتگوزارییە نەماوە.

 ***** سایتی ئەنارکیستانی کوردی-زمان  www.anarkistan.com

http://facebook.com/anarkistan

https://www.facebook.com/sekoy.anarkistan/

هاوڕێی ئازادیخواز، ئەوی کە بیرکردنەوەت ڕوو لە ئەنارکیزمە

هاوڕێی ئازادیخواز، ئەوی کە بیرکردنەوەت ڕوو لە ئەنارکیزمە

هەرگیز چاوەڕێی ئەوە نەبیت، کەسێکی ئەنارکیست بێت و داوای ئەنارکیستبوون یا بەشداربوونی گروپێکی ئەنارکیستیت لێ بکات، بەپێچەوانەوە ئەنارکیستبوون پێش ئەوەی گۆڕان و کاراییەکی دەرەکی بێت، گۆڕانێکی ناخەکیی خۆتە و لە خۆتەوە دەستپێدەکات.

ئەنارکیستەکان ڕێکخراوەی پارتیی و دەستەبژێرییان نییە، تاوەکو ئەندامگیری بۆ بکەن، نێوەندیان نییە تاوەکو فەرمان و بڕیاری لێوە دەربچێت و لایەنگرانی ئاراستە بکات. هەر کەس لە جێی خۆیەوە خودانی خۆیەتی و تەنیا هەستی لێپرسراوەتیی خۆیی و دەرککردنی ئەرکی شۆڕشگێرانەی خود لە تێکۆشانی جەماوەریی و کۆمەڵایەتییدا هاندەری چالاکی و بەشداریی ڕۆژانەیەتی. لەبەرئەوە توانایی کەسیی پێوەر و دیاریکەریی هەر چالاکیی و ڕادەی بەشداریکردنیكە، بەڵام ئەوە ڕۆشنە کە بنەمای چالاکی و تێروانینی ئەنارکیستی ئەمەیە “خۆجێی چالاکی بکە و جیهانی بیربکەرەوە”، مەیدانی چالاکی هەر کەسێك شوێنی نیشتەجێبوون و کارکردنییەتی، چالاکیکردنیش لە تۆڕە کۆمەلایەتییەکاندا هەر بەو مەیدانە سەرەکییانە پەیوەست دەبێتەوە.

ئەنارکیستەکان چالاکانی گومناوی گروپە خۆجێیەکان و بزووتنەوە کۆمەڵایەتییەکانی شوێنی کار و ژیانن، دەستپێشکەریش بۆ پێکهێنانی ئەو گروپ و ڕێکخراوانە، کارێکی خۆ-بەرپرسانەیە و بۆ ئەنجامدانی چاوەرێی بڕیار و فەرمانی هیچ نێوەندێك ناکرێت، لە کاتێکدا ئەگەر لە گەڕەك و کارگەدا پێویست بە پێکهێنانی گروپی ئەنارکیستی هەبێت، ئەوا تەنیا ئەرکێك کە ئەو گروپە دەتوانێت لە ئەستۆی بگرێت، پاگەندەکردنە بۆ هوشیاریی شۆڕشگێڕانە و هەڵخڕاندنی ناڕەزایەتی و خەباتی ڕۆژانە و ڕەخنەیە لە سیستەم و پێکهاتەی سەروەریی چینایەتی و بێجگە لەوە هیچ بڕیار و فەرمانێکی دیکەی نییە.

لەو بارەوە هەر کات و لە هەر لایەکەوە فەرمان و ڕاگەیاندنێکی ئاراستەکەرتان بەناوی ئەنارکیزم و ئەنارکیستەکانەوە بیست یا خوێندەوە، ئەوا دڵنیابن یا کەس و گروپێکی چەپی تازە ئاشنابووە بە ئەنارکیزم یا دەستی دەسەڵاتی لە پشتەوەیە. لەبەرئەوە پێویستە هەر یەك لە ئێمە لە شوێنی خۆمانەوە چاودێر و ئاگاداری ئەو پاگەندانە و هەوڵی ئەو کەس و گروپانە بین، کە لەسەر بنەمای پێشینەی چەپایەتییان خەریکی درێژەدانن بە پارتایەتی لەژێر پەردەی ئەنارکیزمدا، ئەم دیاردانە فرەتر لە وڵاتانی خۆرهەڵاتی ناویندا ئەگەری سەرهەڵدانیان هەیە.

هەر لەو بارەوە، ئێمە وەك سەکۆی ئەنارکیستان، گروپی ڕامیاریی نین و ئامانجیشمان ئەندامگیریی نییە، تەنیا ئامانجی سەکۆی ئەنارکیستان وروژاندنی مشتومڕی ڕۆشنگەریی و کۆمەڵایەتیی و وەرگێران و گەیاندنی ئەزموونەکانی شوێنکانی دیکەی گۆی زەمین و پاگەندەکردنی ئەو تیئۆرییانەیە، کە لە ڕەوتی تێکۆشان و بزووتنی ڕۆژانەی جەماوەریی و کۆمەڵایەتتیدا بەرجەستەبوون و هەڵخڕاندنی جەماوەریی بەرەو پێکهێنانی گروپە خۆجێییەکان و ڕێکخراوە جەماوەریی و کۆمەڵایەتییە سەربەخۆکان و مانگرتنی کتوپڕ و گشتی، بایکۆتکردنی دەنگدان و دژایەتیکردنی ڕێکخستن و سیستەم و کاری ڕامیارییە، ئەرکمان پێداگرتنە لەسەر تێکۆشاتی ئابووریی و کۆمەڵایەتیی و ئەڵتەرناتیڤبوونی خۆبەڕێوەبەرایەتیی گەلیی و دێمۆکراسی ڕاستەوخۆ و بنەمابوونی هەرەوەزیی و پشتیوانی کۆمەڵایەتیی و خەبات و چالاکی ڕاستەوخۆ و کۆبوونەوەی گشتی و ڕێکخستنی شورایی و یەکێتی ئازادانەی فێدرالیستی کۆمەڵەکان و ناوچەکان.

سەکۆی ئەنارکیستانی کوردستان

کارتی ڕێنوێنی یاسایی بۆ خۆپشاندەران لە بریتانیا

کارتی ڕێنوێنی یاسایی بۆ خۆپشاندەران لە بریتانیا

بۆ ئەو کەسانەی کە لەو وڵاتەدا دەژین و دەرگیری خەباتی کۆمەڵایەتی ڕۆژانەن

ڕۆژی یەکی ئایار جەژنە؟!

ڕۆژی یەکی ئایار جەژنە؟!

بێگومان نەخێر!!!!!

ئەدی شایی و لۆغانی سۆشیالدێمۆکراتەکان و چەپەکان و یەکێتییە زەردەکان لەپای چییە؟؟؟؟؟

ئەی کێ یەکی ئایاری کرد بە جەژن و چۆن بوو بە ڕۆژی مەینووشین و سەیران و ڕۆژی نەتەوەیی و ترۆهاتی دیکە؟؟؟؟؟؟

 ئەگەر لەوە بگوزەرێین، کە خەبات و مانگرتنەکانی پێش و پاشی یەکی ئایاری 1886 لە باڵی شۆڕشگێڕانەی بزاڤی سۆشیالیستی (ئەنارکیستی)یەوە کاراییان وەرگرتبوو، ئەوا دیسانەوە دەبینین، بە دریژایی مێژووی 125 ساڵەی پاش ئەو ڕووداوە، هەردەم باڵە ڕیفۆرمیست و دەسەلاتخوازەکانی ناو بزاڤی سۆشیالیستی، هەردەم خەریکی بە جەژن کردن و خاڵیکردنەوەی ئەم یاداوەرییە شۆرشگێرانەیە بوون لە پەیام و ئامانجە سەرەکییەکانی، کە کەمکردنەوەی ماوەی کار و گێرانەوەی ساتە دزرا و تاڵانکراوەکانی ژیان بۆ کرێکاران و سەندنەوە و لە چنگدەرکێشانی یەك لە دوای یەکی ماف و ئازادییەکانی بندەستانی کۆمەڵگە بوو، لە سەروەران و دواجار بەرپاکردنی بەهەشتی خوازراوی مرۆڤەکان بوو لەسەر زەوی و ڕزگارکردنی چەوساوان بوو لە خەونی بەهەشتی ئاسمانەکان..

جەژنی چی؟

ئەگەر 125 ساڵ لەمەوبەر خەبات بۆ هەشت کاتژێر ڕۆژانەکار، دروشم و ئامانجێکی شۆڕشگێڕانە بووبێت، ئەوا لە ئەمڕۆدا کە تەکنۆلۆجیا خێرایی کاری بە ڕادەی سەدان جار بردووەتە سەر و لەولاشەوە هەژماری دانیشتووانی سەر گۆی زەوی چەند ملیارد زیادی کردووە و ئەم دووانە چ بە جێگرتنەوەی هەزاران کرێکار لەلایەن ئامێریکەوە و چ بە زیادبوونی سەرژـیری مرۆڤ و دەستنەکەوتنی کار و داگرتنی توانای دەستراگەیشتن بە سەرچاوەکانی ژیان و بەردەوامی، ئەو داخوازییە و جەژنگرتنیان گۆڕیوە بە کارێکی کۆنەپارێزانە و دەچێتە خانەی خزمەتکردن بە تەمەندرێژی سەرمایەداری. هەر لەم پەیوەندەدا کەم نین ئەوانەی کە بە بەراوردی خێراتربوونی بەرهەمهێنان و زۆربوونی هەژماری مرۆڤ و تێکەڵبوونی جیهانی کۆمەڵگەکان، ئەوەیان سەلماندووە، کە نەك دروشمی 30 کاتژێری لە هەفتەیەکدا لەبارە، بەڵکو تەنانەت ڕۆژانە 3 کاتژیر لەلایەن کەسانی تەندروست و سەروو 18 ساڵی ئامادە بۆ کار و داگرتنی سالی خانەنشینی بۆ خوار 60 ساڵی، توانای دابینکردنی ژیانێکی مرۆیی تێروتەسەلتر و گونجاوتر (لە چاو ئەوەی ئێستا هەیە) بۆ مرۆڤەکان هەیە، هەڵبەتە لە سایەی سیستەمی قازانجپەرستیدا نا، بەڵکو لە کۆمەڵگەیەکدا کە ڕێز و خۆشگزەرانی و تەندروستی و کامەرانی مرۆڤ ناوەندی گەردوون بێت.

ئەی چارە؟

لە بەرامبەر ئەو باڵانەدا، کە ڕۆژی یەکی ئایاریان کردووە بە هەلی سەرمایەگوزاری پارتایەتی و ڕۆژی جەژنگێران و مەینۆشین و لە باشترین باریدا تەمەڵ مانەوە لە ماڵ، پێویستە:

  • کۆڕ و کۆمەڵە جەماوەرییە سەربەخۆکانی خۆمان بەرپا بکەین..

  • لەو جێیانەدا کە یەکی ئایار پشوو نییە، مانگرتن و نەچوونە سەر کار..

  • بایکۆتی قسە و وانە ڕیفۆرمیستییەکانی پارتەکان و سەندیکا و یەکێتییە زەردەکانی سەربە دەسەڵات و بەکاربردنی بڵنگۆکان بۆ بیروراگۆڕینەوە و پیشنیارکردنی ئایدیاکان….

  • بەرزکردنەوەی داخوازییە کۆمەلایەتی و رامیارییەکان شانبەشانی داخوازییە ئابوورییەکان..

  • گۆڕینەوەی ئەم ڕۆژە لە جەژن و پشووەوە بۆ ڕۆژی ناڕەزایەتی و هاتنەمەیدان و خرۆشانی جەماوەری و …

  • بەکاربردنی شێوازی نوێ لە زیندووراگرتنی ئەم ڕۆژە و گواستنەوەی ناڕەزایەتییەکان بۆ سەنگەرەکانی دیکەی خەبات؛ لەوانە شانۆ و موزیك و …

خۆڕێکخستن…. مانگرتنی گشتی… ڕاپەڕین

ئازادی، یه‌کسانی، داد .. داد .. داد

بروخێن یارانی دیکتاتۆره‌که‌ی به‌غداد

دادگایی بکوژان، ڕسوایی ئۆپۆزسیۆن

ڕاپه‌ڕین .. ڕاپه‌ڕین، بڕوخێ ده‌سه‌ڵات

*****

Azadî, Yeksanî, Dad .. Dad .. Dad

Bruxên Yaranî Dîktatorekey Bexdad

Dadgayî Bkujan, Riswayî Opozsyon

Raperrîn .. Raperrîn, Brruxê Desellat

پێشنیاری ده‌سته‌یه‌ك له‌ خۆپیشانده‌ران له‌مه‌ر هه‌نگاوه‌ سه‌ره‌تاییه‌کانی ڕاپه‌ڕینی جه‌ماوه‌ی

پێشنیاری ده‌سته‌یه‌ك له‌ خۆپیشانده‌ران له‌مه‌ر هه‌نگاوه‌ سه‌ره‌تاییه‌کانی ڕاپه‌ڕینی جه‌ماوه‌ی

  • پێکهێنانی کۆمیته‌کانی مانگرتن و خۆپیشاندان و هتد…

  • به‌رگرتن به‌ ناوچه‌گه‌رێتی و شارچییه‌تی و پارت پارتێنه‌، که‌ هه‌ندێك لایه‌ن و ده‌سته‌ی ده‌سه‌ڵاتخواز بۆ په‌رژه‌وه‌ندی خۆیان دنه‌ی ده‌ده‌ن و هتد…

  • به‌رگرتن به‌ هه‌وڵی هه‌ر گروپێك که‌ بیه‌وێت ئاراسته‌ی خۆپیشاندان و ناڕه‌زایه‌تییه‌کان له‌ دژه‌ده‌سه‌ڵاته‌وه‌ بۆ دژه‌ پدک یا ینک یا هه‌ر شتێکی دیکه‌ بگۆڕێت، واته‌ به‌رگرتن به‌وانه‌ی که‌ بۆ ئامانجی تایبه‌تییان ده‌خوازن خۆپیشانده‌ران به‌ گژی نه‌یاره‌کانیاندا بکه‌ن و هتد…

  • به‌رگرتن به‌و دروشم و پاگه‌ندانه‌ی که‌ ده‌یانه‌وێت هێزی جه‌ماوه‌ری ڕاپه‌ڕیو له‌ به‌رژه‌وه‌ندی ته‌سکی پارتایه‌تی و ده‌ستبژێری خۆیان به‌کاربه‌رن و هتد…

  • به‌رزکردنه‌وه‌ی داخوازییه‌ جه‌ماوه‌ریییه‌کان، که‌ ده‌ربڕی خواست و ئاواتی گشتین[ئازادی، یه‌کسانی، دادپه‌روه‌ری کۆمه‌ڵایه‌تی] له‌ به‌رامبه‌ر دروشم و داخوازی پارت و گروپه‌ رامیارییه‌کان و هتد…

  • هه‌ڵپێچانی ده‌موچاو له‌کاتی خۆپیشاندان و ڕووبه‌ڕووبوونه‌وه‌دا و هتد…

  • هه‌ڵگرتنی ئاو بۆ ده‌موچاوشتن له‌ کاتی به‌رکه‌وتنی گازی فرمیسك ڕژێن و هتد…

  • بڕینپێچی و ڕزگارکردنی بریداره‌کان له‌لایه‌ن ده‌سته‌ فریاگوزاره‌کانی خۆپیشانده‌رانه‌وه‌ و هتد…

  • ئاگادارکردنه‌وه‌ و گه‌یاندنی ناوی گیراوه‌کان له‌ کاتی ده‌ستگیربووندا و هتد…

  • بڵاوکردنه‌وه‌ی ناوی به‌کرێگیراوانی ده‌سه‌لات و چه‌کداره‌ ته‌قه‌گه‌ره‌کان و گرتنی وینه‌ و کورته‌ فێلم له‌سه‌ریان له‌ تۆڕه‌ کۆمه‌ڵایه‌تییه‌کاندا و هتد…

  • هه‌وڵدان بۆ گێڕانه‌وه‌ی هێزه‌ چه‌کداره‌کان بۆ به‌ره‌ی جه‌ماوه‌ر و داماڵینیان له‌ چه‌ك و ناچارکردنیان به‌ ده‌رچوون له‌ شار و گونده‌کان و هتد…

  • به‌رگرتن به‌ کوشتوبڕ و توندوتیژی، گرتنه‌به‌ری شێوازی پارێزگاری له‌ خۆکردنی گونجاو و هتد…

  • به‌رگرتن به‌ جیاوازی دروستکردن و ده‌سته‌گه‌ری و هه‌وڵی ده‌سته‌مۆکردن و خۆسه‌پاندنی گروپه‌ ڕامیارییه‌کان و هتد…

  • په‌یوه‌ندیگرتن له‌ته‌ك هه‌ڵسوراوانی جه‌ماوه‌ری له‌ ئاستی سه‌رتاسه‌ری شار و گونده‌کانی کوردستان و عیراق و هتد…

  • بڵاوکردنه‌وه‌ و گه‌یاندنی هه‌واڵ و وێنه‌ و کورته‌ ڤیدیۆکان به‌ فه‌یسبووك و تویته‌ر و تۆڕه‌ کۆمه‌ڵایه‌تییه‌کانی دیکه‌ و هتد…

  • هه‌ڵخڕاندنی مانگرتنی گشتی؛ هه‌ر له‌ مانگرتنی گشتی له‌ کار،مانگرتن له‌ کردنه‌وه‌ی میدیای سه‌ربه‌ده‌سه‌ڵات و بایکۆتی ڕۆژنامه‌کانی سه‌ربه‌ده‌سه‌لات و هتد…

  • هه‌وڵی ده‌ستبه‌جێ بۆ پێکهێنانی کۆمیته‌ و ئه‌نجومه‌ن و ڕێکخراوه‌ جه‌ماوه‌رییه‌کان له‌ شوێنی کار و له‌ناو گه‌ڕه‌که‌کاندا و خۆلادان له‌ شه‌ڕی گروپه رامیاییه‌کان له‌سه‌ر ناونانی ڕێکخراوه‌کان و هتد…

  • ده‌ستبه‌کاربوون له‌ ده‌ستبه‌سه‌رداگرتن و گێرانه‌وه‌ی کارخانه‌ و فه‌رمانگه‌ و خوێندگه‌ و کاروباره‌ گشتییه‌کان بۆ به‌رێوه‌به‌رایه‌تی ئۆتۆنۆمی کۆمیونیتییه‌کان و هتد…

  • هاوکاتی هه‌وڵی پێکهێنانی تۆڕه‌ کۆمه‌ڵایه‌تییه‌ سه‌رتاسه‌رییه‌کان، نابێت ڕۆڵی بناخه‌یی کۆمیته‌کان و رێکخراوه‌ جه‌ماوه‌رییه‌ خۆجێییه‌کان له‌بیر بکرێت و پێویسته‌ بڕیاردان و جێبه‌جێکردن له‌سه‌ر بنه‌مای کۆبوونه‌وه‌ گشتییه‌کان و پێکهاتن و یه‌کگرتنی ئازادانه‌ی کۆمیونیتییه‌کان و شاره‌کان و گونده‌کان و هتد…

  • به‌رته‌سککردنه‌وه‌ی به‌شداری پارت و ڕێکخراوه‌ ڕامیارییه‌کان له‌و کۆمیتانه‌دا تا ئاستی ئاماده‌یی تاکه‌کان و ڕێگه‌گرتن له‌ پارت و ده‌سته‌بژێره‌کان له‌ بڕیاردان و قسه‌وباسه‌کاندا و له‌ ناوهێنان و خۆسه‌پاندنیان و ڕه‌تکردنه‌وه‌ی هه‌ر به‌رنامه‌یه‌کی پێشتر ئاماده‌کراوی پارته‌ ده‌سه‌لاتخوازه‌کان و هتد…

  • به‌رگرتن به‌ هه‌ر هێز و که‌سێك که‌ بیه‌وێت هانا بۆ تۆڵه‌سه‌ندنه‌وه‌ی که‌سیی و گروپی و خێله‌کی به‌رێت و هتد…

  • به‌رگرتن له‌ گروپ و ده‌سته‌چیه‌تی (سکتاریزم)ی گروپه‌ چه‌په‌کان و هتد…

  • ده‌ستکۆتاکردنی به‌کرێگیراوانی ده‌سه‌ڵات و پارته‌ هاوپه‌یمانه‌کانیان له‌ ده‌سته‌مۆکردن و به‌لاڕێدابردنی ڕاپه‌ڕیندا و هتد…

  • پێکهێنانی ده‌سته‌ و هێزی پاریزگاری له‌ نێوه‌ندی کۆمیته‌کان وگه‌ڕه‌که‌کاندا و هتد…

  • پێکهێنانی کۆمیته‌کانی پاراستنی شوێنه‌ گشتییه‌کان و ناوه‌نده‌ کۆمه‌ڵایه‌تییه‌کان و گه‌ڕه‌که‌کان و سپاردنی ئه‌رکه‌کان به‌ خودی که‌سه‌ په‌یوه‌ندیداره‌کان له‌ ڕێگه‌ی پێکهێنانی ئه‌نجومه‌نی هه‌ره‌وه‌زییه‌ کۆمه‌ڵایه‌تییه‌کان، وه‌ك کۆمیته‌، ئه‌نجومه‌ن، کۆمون، سۆڤییت، ڕێکخراوی پیشه‌یی خوێندنگه‌ به‌ خوێندکاران و کارگه‌ به‌ کرێکاران و فه‌رمانگه‌ به‌ فه‌رمانبه‌ران و کاروباری گه‌ره‌که‌کان به‌ ئه‌ندامانی گه‌ره‌که‌کان و گونده‌کان به‌ گونده‌کان، و هتد…

  • ده‌ستگرتن به‌سه‌ر کاناڵه‌کانی ڕادیۆ و ته‌له‌فزیۆن و چاپه‌مه‌نییه‌کان وخستنه‌کاریان بۆ گه‌یاندنی ده‌نگی راپه‌ڕین و هتد…

  • پێکهێنانی ئه‌نجومه‌ن و کۆمیته‌ و ڕێکخراوه‌کانی شوێنی کار له‌سه‌ر بنه‌مای کۆبوونه‌وه‌ی گشتی و هه‌ڵبژاردن و بڕیاردانی ڕاسته‌خۆ و پیاده‌کردنی کاری ڕاسته‌خۆ (Direct Action) و هتد…

  • هه‌وڵدان بۆ پێکهێنانی فێدراسیۆنی ڕێکخراوه‌ جه‌ماوه‌ری و پیشه‌ییه‌کان و هه‌نگاونان بۆ پێکهێنانی کۆنفیدراسیۆنی سه‌رتاسه‌ری له‌سه‌ر بنه‌مای سه‌رتاسه‌ری بیرکردنه‌وه و خۆجێی کارکردن و ڕێکخستنی ناقوچکه‌یی (ناهه‌ره‌می – ناهیرارشی) و هتد…

  • هه‌ڵوه‌شاندنه‌وه‌ی به‌رێوه‌به‌رایه‌تی و ناوه‌نده‌کانی بڕیاردان که‌ پارته‌کان و ده‌سه‌ڵاتی هه‌رێمی و ناوه‌ندی سه‌پاندوونی و پێکهێنانی به‌رێوه‌به‌رایه‌تی گشتی و پیاده‌کردنی دێـمۆکراتی ڕاسته‌وخۆ وه‌ك بناخه‌ی به‌ڕێوه‌به‌رایه‌تی کۆمه‌ڵگه‌ و هتد…

  • ده‌رکردنی به‌ڕێوه‌به‌ران و کارمه‌ندانی میری و کۆمپانییه‌ تایبه‌ته‌کان له‌ کارخانه‌ و شوێنه‌کانی دیکه‌ی خزمه‌تگوزاری و پێکهێنانیخۆبه‌ڕێوه‌به‌رایه‌تی شوێنه‌کانی کار و خزمه‌تگوزاری له‌ خودی کرێکاران و کارمه‌ندان و هتد…

  • ئه‌مانه‌ و چه‌ندین کاری تر، که‌ له‌ ڕاپه‌ڕینی ئازاری 1991 و زنجیره‌ ڕاپه‌ڕینه‌کانی تونس و میسر و یه‌مه‌ن و هتد…

ده‌سته‌ی ڕاپه‌ڕین

19ی شوباتی 2011

سلێمانی

الاقترحات المجموعة من المتظاهرین حول الخطوات الاولیة للانتفاضة الجماهیریةالمسقلة

الاقترحات المجموعة من المتظاهرین حول الخطوات الاولیة للانتفاضة الجماهیریةالمسقلة

* تشکیل اللجان الإضراب و المظاهرات….الخ

* صد ای المحاولة،التی ترید انحراف الاتجاه‌ الاحتجاجات والانتفاضة، وصد الکل التعصب المناطقیة، الطائفیة والإنحیاز لهذه‌ المدینة او تلك المدینة ومحاربةالاتجاهات الحزبیة الضیقة الذي تروج لها بعض الجهات و المجموعات السلطویة ….الخ

* صد و منع عن کل المحاولات بقصد التغير الأتجاه‌ الصحیح المظاهرات أو المطالب الإعتراضیة لجماهیر المنتفضة ضد السلطة و محاولة جره‌ بأتجاه‌ محاربة ‌هذا الحزب أو ذلك الحزب، هذا القومیة، الدین والمذهب أو ذلك القومیة،الدین والمذهب، بمعنی الأخر فإن هذه‌ المحاولة لا یستفاد منها أحدا غیر السلطة و السلطویون ….الخ

* محاولة منع کل الشعارات والهتافات التي لا تخدم المسیرة المنتفضة، بل تخدم الأحزاب والجماعات المعینة ….الخ

* رفع و بروز المطالب الجماهیریة و الشعارات والهتافات الجوهریة الملحة مثل ”الحریة-المساواة-العدالةالإجتماعیة”التي تعبر عن المصالح الجماهیر وفی نفس الوقتالمضادة لمصالح الاحزاب و الجماعات السیاسیة ….الخ

* وضع الکمامات علی الوجوه‌ لتقلیل التأثیر الغازات المسیلة لدموع و جلب الماء لغسل الوجوه‌ عند الاصابة ….الخ

* اخذ الإحتیاطات الطبیة والإنقاذ المصابین بمساعدة الفرق المشكلة لهذا الغرض بالذات ….الخ

* الإعلام والإیصال الأسماء المعتقلین في حالة وقوعهم في المصیدة الأجهزة القمعیة….الخ

* نشر الأسماء الافراد المرتذقة و کشف الأسماءالاشخاص المسلحین الذین یطلقون النارعلی المتظاهرین….الخ

* البذل الجهود الحثیثة لکسب العطف القوات المسلحة و جلبهم الی الجبهة الجماهیر و تأثیر علیهم لترك المدن والقری ….الخ

* الإمتناع عن کل المحاولات لزرع البذور الروح التفرقة والأفکار العصبویة و عدم المجال لخلق الجو السیادي الحزبي أو المجموعات السیاسیة ….الخ

* عدم المجال إطلاقا لأعمال العنف والقمع و اللجوء دوما الی الأسالیب الدفاعیة المجربة بدل الهجمات العشوائیة والهمجیة ….الخ

* إقامة العلاقات و التنسیق مع الناشطین الإجتماعيين في المدن والقری في شتی المجالات و علی کافة الأصعدة ….الخ

* نشر الاخبار والصور والأفلام فیدیو عن الطریق الشبکات الإجتماعیة مثل(فیسبوك و تویتر) و….الخ

* العمل لأجل التفعیل کافة الجهود التي تبذل لخدمة الاضراب العام عن العمل وقطع کافة الصلة مع الإعلام ذات الصلة بالسلطة ….الخ

* الإستعجال لتکوین الکومونات والمجالس والتنظیمات الجماهیریة الاخری في الأماکن العمل و المحلات، ینبغي العدم الوقوع في خطأ المناوشات و جر الحبل مع التنظیماتالأخری بصدد التسمیة المنظمات الجماهیریة ….الخ

*العمل من أجل الفتح و الإسترجاع المعامل والمکاتب والمدارس و کافة الأشغال العامة الی الإدارةالذاتیة لجماعیات و تشکیل التعاونیات فی کل المجالات ….الخ

* عند الإنشغال لتکوین الشبکات و التنظیمات الإجتماعیة ینبغي عدم الإهمال الدور الاساسي والجذري لجماعیات والمنظمات الجماهیریة العفویة یجب أن تؤخذ القرارات والإختیار الأسالیب العملیة لتنفیذهم تقرر في الاجتماعات العامة لجماعیات المتحدة والأتفاق علیهم بحریة تامة ….الخ

* التشکیل الجماعیات لمحافظة الأماکن العامة و المراکز الاجتماعیة ینبغي التسلیم المهمة الحفاظ الی الناس المعنيين أنفسهم عن الطریق المجالس التعاونیة والمنظماتالمهنیة،الإعطاءالمدارس الی الطلاب والدارسین و المعامل الی العمال والأشغال المحلات الی الأهالي المحلات و القری الی القرويين ….الخ

ئازادی، یه‌کسانی، داد .. داد .. داد

ئازادی، یه‌کسانی، داد .. داد .. داد

بروخێن یارانی دیکتاتۆره‌که‌ی به‌غداد

دادگایی بکوژان، ڕسوایی ئۆپۆزسیۆن

ڕاپه‌ڕین .. ڕاپه‌ڕین، بڕوخێ ده‌سه‌ڵات

*****

Azadî, yeksanî, dad .. Dad .. Dad

Bruxên yaranî dîktatorekey bexdad

Dadgayî bkujan, riswayî opozsyon

Raperrîn .. Raperrîn, brruxê desellat