پۆلیسی ئەڵمانیا هەڵمەتی سەرتاسەری لە دژی چالاکوانانی ژینگە ئەنجام دا

25/05/2023

هێڕشەکانی پۆلیس  ڕۆژی 4شەمە ، 24ی مانگ، سەعات 7 ی سەر لەبەیانی لەسەردەستی 170 پۆلیسدا دەستیپێکرد دژ بە  ئەندامانی ” دوا نەوە” .  لەو هەڵمەتەی پۆلیس دا لە 7 هەرێمی ئەڵمانیادا دایان بەسەر 15 خانوودا.

ئەو هێڕشکردنەش لەسەر فەرمانی دەسەڵاتداران لە میونشن بووە دژی ئەو چالاکوانانە تۆمەتی ئەوەیان خراوەتە پاڵ کە گروپەکە  ڕێکخراوێکی تاوانکارییە.

بەپێی زانیارییەکانی داواکاری گشتیی میونشن، گەڕانەکان لەسەر داوای فەرمانگەی پۆلیسی تاوانەکانی ویلایەتی باڤاریا (LKA) ئەنجامدراون، کە لە قۆناغە سەرەتاییەکانی لێکۆڵینەوەدایە، گوایە سکاڵا لە لایەن داینشتوانەوە دراوە بە پۆلیس .  پۆلیسیش دەڵێت  ئەندامانی نەوەی لێتزتێ [ دوا نەوە]  کە تەمەنیان لە نێوان 22 بۆ 38 ساڵدایە،  گومانیان لێدەکرێت “ڕێکخراوێکی تاوانکاری پێکبهێنن یان پشتگیریان بکەن”.

لە لایەن پۆلیسەوە 7 کەس لەوانە بە تاوانبار درانەتە قەڵەم گوایە لە  هەڵمەتێکی خۆبەخشی کۆکردنەوەی پارە بە بڕی 1.4 ملیۆن یۆرۆ (1.22 ملیۆن پاوەند) یان هەیە و دایان ناوە  بۆ دابینکردنی دارایی پرسی شەڕە یاساییەکانی داهاتووی گروپەکە کە دەچێتە دادگە.

نەوەی لێتزتێ [ دوا نەوە]  بۆ یەکەمجار پێش دوایین هەڵبژاردنی فیدراڵی لە ساڵی 2021دا ناوبانگی دەرکرد، کاتێک بەشداربووانی گروپەکە مانیان لە خواردن گرت و لە دەرەوەی بوندستاگ کەمپیان کرد و داوای قسەکردنیان لەگەڵ ئەندامانی ئایندەیی حکومەتدا کرد سەبارەت بە داواکارییەکانیان.

%d هاوشێوەی ئەم بلۆگەرانە: