27/11/2022
سەرەڕای ئەوەی کە بەشێکی زۆری کەرتە پیشەسازییەکان و خزمەتگوزارییەکان لە مانگرتندان یاخود بڕیاری مانگرتنیان داوە، لە ئێستاشدا کرێکارانی پاککەرەوەی شەمەنەفەرەکانیش بڕیاری مانگرتنیان دا . مانگرتنی ئەمانیش بۆ زیادکردنی کرێیان بۆ 15 پاوەند لە سەعاتێکدا و باشترکردنی موچەی خانەنشینی و و موچەی كاتی نەخۆشی و هۆڵیدەیی و هەروەها باشکردنی هەلومەرجی سەر کاریانە.
دەستەی ناوەندی سەندیکاکەیان هەفتەی داهاتوو بڕیار دەدات کە لە چ ڕۆژێکدا چالاکیی مانگرتن ئەنجام دەدرێت. ئەمەش یەکەم مانگرتن دەبێت لەلایەن ئەم کرێکارانەوە کە ئەندامی سەندیکای RMTن. مانگرتنەکە کراێکارانی پاککەرەوە لە بەشی خەستەخانەکان و کرێکارانی تری هێڵی ئاسنی ڕۆیاڵ مەیل-یش دەگرێتەوە.
Anarkistan ئەنارشیستان 
پێویستە لە ژوورەوە بیت تا سەرنج بنێریت.