مانگرتنی مامۆستایان و ستافەکانی زانکۆکانی لە ئینگلەند

23/11/2022

ئەندامانی سەندیکای زانکۆ و کۆلێژەکان (UCU) لەوان ستافی وانەوتنەوە و توێژینەوە و خزمەتگوزاری پیشەیی لە زانکۆکانی سەرتاسەری وڵات، لە 24 و 25 و 30 ئەم مانگەد، واتە سبەینێ 5شەمە، هەینی و 4شەمەی ئایندە  مانگرتن ئەنجام دەدەن بەهۆی ناکۆکی لەسەر مووچە، بارودۆخی کارکردن و جیاوازی مووچەی جێندەر و بڕینی مووچەی خانەنشینی.

داواکارییەکانی سەندیکا، لە دوو ناکۆکی جیاوازدا لەگەڵ ئیدارەدا  بەم شێوەیەن:

1. ناکۆکی مووچە و بارودۆخی کارکردن زیادبوون لەسەر پێوەرەکانی مووچەی نیشتمانی بەلایەنی کەمەوە یا بە گوێرەی هەڵئاوسانی پارە یاخود بە ڕێژەی  12% هەر کامیان زیاترە موچە بچێتە سەرەوە.

• ڕێککەوتن لەسەر ئاستی نیشتمانی، بە بەکارهێنانی ڕێبازێکی بنەڕەتی بۆ داخستنی کەلێنی مووچەی جێندەری، نەتەوەیی و کەمئەندامان .

•  ڕێککەوتن بۆ نەهێشتنی شێوازە ناجێگیرەکانی دامەزراندن لەلایەن زانکۆکانەوە . واتە نەمانی گرێبەستی کاتی و جیاوازی نێوان مافەکانی  کرێکاران و ستاف و وانەبێژان .

• ڕێوشوێنی ڕێککەوتنی نیشتمانی بۆ چارەسەرکردنی باری زیادەی کار و کاری بێ مووچە، بۆ ئەوەی چارەسەرکردنی ئەو کاریگەرییە لەخۆبگرێت کە باری کاری زیادە لەسەر فشاری هێزی کار و نەخۆشی تەندروستی هەیەتی بۆ گرێبەستی ستانداردی هەفتانەی هەروەها کاتی کارکردن 35 کاتژمێر بێت، بەبێ ئەوەی کارایی لەسەر مووچە دانێت.

ناکۆکی خانەنشینی

ئەندامانی UCU داوا لە خاوەنکارەکان دەکەن کەمکردنەوە و بڕینی موچە بە بەرفراوانییە  هەڵبوەشێننەوە کە بەسەر ئەندامانی سەندیکادا لە لایەن کۆمپانیای  پلانی خانەنشینی USSدا سەپاندوویانە، و فشار بخەنە سەر پلان و پڕۆگرامی  USS بۆ گەڕاندنەوەی یارمەتییەکان بۆ ئاستی ساڵی 2021  بە زووترین کات..

 هەروەها UCU دەیەوێت UUK فشارێکی بەهێز بخاتە سەر کۆمپانیای  USS  بۆ دڵنیابوون لەوەی کە بەهادانەکانی داهاتوو و هەموو دواتر بۆ تەندروستی دارایی پلانەکە لەسەر بنەمای بەڵگە بن و بە شێوەیەکی مامناوەند وریا بن.