ژنکوشتن

30/06/2022

بە داخەوە لە بریتانیاش ژنکوشتن دیاردەیەکی دیار و نامرۆیانەیە کە لە هەفتەیەکدا لە 2 ژنەوە بۆ 3 ژن لەلایەن هاوسەر و پارتنە و ئەندامانی خێزان و دەرەوەی خێزانەوە دەکوژرێت.

هۆکاری کوشتنی ژنان لیرە جیاوازە تاکو لای خۆمان ، بە هیچ شێوەیەک کولتوری حیزب نییە، بەڵکو هۆکاری جیاوازی دیکەی  هەیە وەکو : هۆکاری ئابوری واتە نەبوونی و نەهامەتی ، نەخۆشی دەرونیی ، کێشەی منداڵ و نێوخۆی خێزانیی ، بەغیلیی و دڵپیسیی و بە گومانی لە بوونی پەیوەندی لەگەڵ کەسی دیکەدا، پرسی بۆماوەیی [ ویراسە] و دەستکەوتنی پارە کاتێك کە کەسی کوژراوە خۆی بە پارەیەکی زۆر تەئمین کردووە یاخود بە کوشتنی پارەی زۆر یاخود موڵك لە دوای خۆی بەجێدەهێڵیت…. دیارە هۆکاری دیکەش هەن.

ئەم ئامارانەی خوارەوە ژمارەی ئەو ژنانە نیشاندەدات کە کوژراون و کە هەندێك ساڵیش لەچاو ساڵی پێشترا بەرزتر بووەتەوە چ جای بوونی لۆکداون و مانەوەی خەڵك لە ماڵدا لە سەردەمی گەرمەی کۆرۆنادا.

ساڵی 2014   94 ژن کوژراوە

ساڵی 2015  122 کوژراوە

ساڵی 2016   110 کوژراوە

ساڵی 2017  137 کوژراوە

ساڵی 2018  130 کوژراوە

ساڵی 2019  151 کوژراوە

ساسڵی 2020  122 کوژراوە

ساڵی 2021  132 کوژراوە

ساڵی 2022 واتە ئەمساڵ تاکو 27/06  43 ژن کوژراوە.

دیارە ئەمانە ژمارەی ئەو ژنانەن کە بە فەرمی ناویان بە کوژراو تۆمارکراون .  دیارە ژنانی دیکەش کوژراون بەڵام لەبەر ئەوەی لاشەیان نەدۆزراوەتەوە بە نەزانراو دانراوە .