پۆلیس لە هێڕشێکیانا شکستێکی گەورەیان هێنا

17/05/2022

لە لەندەن ، بێ گومان لە زۆرێك لە شارەکانی دیکەی بریتانیاش، یەکێك لە کارەکانی پۆلیس هەراسانکردنی خەڵك و دروستکرنی گرفتە بۆیان.  لەو ئەرکانەی کە ماوەی چەند ساڵێکە دەیکەن بەسەرادانی محەتەی قیتارەکانە، بەسەر شۆپەکانا، بەسەر شوێنە قەرەباڵغەکانی دیکەدایە بۆ پشکنین و دۆزینەوە کەسانێك کە دۆکۆمێنبتی فەرمی مانەوەیانیان لەم وڵاتەدا پێ نییە.

ماوەیەكە لە هەراسانکردنی کرێکارانی گەیاندندان، Dilevery  Workers ، ڕۆژی شەمە 14/05 لە ڕۆژەهەڵاتی لەندەن، پاشنیوەڕۆ مەفەرزەیەکی پۆلیس بە ڤانێکەوە دەدەن بەسەر شۆپێکدا و لە دەرەوە یەكێک لەو کرێکارانە کە شت دەگەیەنێتە کڕیارەکە ڕادەوەستێنن و پاش چەند خولەکێك دەیگرن و دەیخەنە ناو ڤانەکەوە . بەڵام هەر لەوێدا خەڵك ئەڵەمبازیان دەبێت و هەوڵدەدەن کە کرێکارەکە لە گرتن و بردن ڕزگار بکەن.

  دوای دوو سێ خولەکێک چەند سەد کەسێك کۆ دەبنەوە. پۆلیس چاری نامێنێت و داوای هێزی زیاتر و بە پەلە دەکەن .  لەگەڵ هاتنی چەند سەیارە و ڤانی دیکەی پۆلیس-دا خەڵکی زیاتریش کۆ دەبنەوە و ئیتر پۆلیس چاری نامێنێت زۆر دڕندانە لە ژن و لە پیا و ، لە گەنج و پیر لە کەسانی خاوەنپێدوایستی و کەمئەندامیش دەدەن . 

ئەمانە هیچ کار ناکاتە سەر بڵاوەکردنی خەڵک و تا زیاتریشی خایاند خەڵکی زیاتر گردبوونەوە و بەرگرییان لەیەکدی کرد .  بەهۆی یەکگرنتی خەڵکەوە و بەرگریکردن لە خۆیان پۆلیس هیچی بۆ نەمایەوە تەنها لە هەوڵی خۆڕزگاربوون و کشانەوەدا بوون و ئەوانەی کە گیرا بوون ڕزگار کران.

ئەمەیە چالاکی راستەو خۆی خۆڕسکیی کە تاکە ڕیگایەکە بۆ بەدیهێنانی داخوازییەکان نەك گرتنەبەری ڕێگای پەڕلەمان و جەنگی ئەهلی و بزوتنەوەی چەکداریی.