تاکتیکی سێیەمی سەرەك کۆمار پووچەڵ بووەوە

15/05/2022

سەرەك کۆماری سری لانکە، گۆتە ڕاجەپاکسا، تا ئێستا سێ تاکتیکی بۆ دامرکاندنەوەی مانگرتوان و خۆپیشاندەران و ناڕەزاییکەران کە دژ بە حوکڕانییەکەین ، بەکارهێناوە.

تاکتیکی یەکەم : بەکارهێنانی تووندوو تیژی دژ بە خەڵکی کە لە سەر شەقامەکان بوون کە  داوای دەست لەکار کێشانەوەی هەموو کاربەدەستاینی حکومەتیان دەکرد، بەڵام شکستی هێنا. دوەم: سەرەک وەزیران کە برای گەورەی خۆی بوو ڕۆژی 2شەمەی پێشوو ناچارکرد بە دەست لەکار  کێشانەوە بەڵكو بارودۆخەکە ئەهۆن بێتەوە و هەموو گرفتەکانیش بکەوێتە ئەستۆی ئەو.  ئەم تاکتیکەش هەر بێ ئەنجام بوو .  سێیەم تاکتیکی: دانانی سەرەك وەزیرانی نوێی ، Ranil Wickremesinghe ، کە 5 جار سەرەك وەزیران بووە . دواجاری لە نێوانی ساڵی 2015 و ساڵی 2019 دەدا بووە.  ئەم کابرایە باوەڕی بە سیاسەتی ئابووری لیبراڵ هەیە و دۆست و خوشەویستی کاربەدستانی صندوقی دراویی نێودەوڵەتی و زۆرێك لە حکومەتەکانی وڵاتانی ڕۆژئاوایە.  بەڵام خەڵکی بەمەش ناڕازین لەبەر چەند هۆیەك : یەکەم : ئەزموونی پێشوی ئەم کابرایەیان لەبەر چاوە کە پارێزەری مانەوەی خێزانی ڕاجەپاکەسا بووە لە حوکمکردندا، دۆستی وڵاتانی غەرب و صندوقی دراوی نێودەوڵەتی بووە ، ئاڵاوە لە گەندەڵییەوە.  دووەم: ناڕەزاییکەران دەڵێن ئەگەر ئەو ، ڕانیڵ، ڕاستدەکات  با گۆتە [ سەرەك کۆمار] بنێرێتەوە ماڵەوە  هەروەها سەرەک وەزیرانی کۆن  بداتە دادگا بە هۆی ئەوەی کە پیاوەکانی ئەو توندووتیژییان بەرانبەر بە خۆپیشاندەران بەکارهێناوە.  کە لە کاتێکدا ئەم ئامادە نییە هیچێك لەمانە بکات چاوەروانی ئەوەی لێناکرێت کە خەڵکی سری لانکە قەبوڵی بکەن بۆیە خۆپیشاندان و ناڕەزاییەکان بەردەوامن و بەردەوام دەبن .