ئازادکردنی خانوی یەکێك لە ئۆلیگارگەکانی ڕوسیا لە لەندەن

15/03/2022

دوێنێ، دووشەمە ، 14/03/22 ، کاتژمێری 1 بەیانی زوو بەکاتی لەندەن، گروپێك چالاکوان دایان بەسەر خانووە گرانبەهاکەی Oleg Deripaska   کە نرخەکەی 50 ملیۆن پاوەندە .  ئەم خانوە ماوەیەکە چۆڵەو چالاکوانەکان داوای ئەوەیان دەکرد کە بەکاربهێنرێت بۆ پەنابەرانی ئۆکرانیا و هەموو پەنابەرانی دیکە کە لە هەر شوێنێکەوە هاتوون . ئەمە چالاکییەك بوو دژی بە سەرۆکی ڕوسیا ، پوتین ، سەبارەت بە هێڕشی بۆسەر ئۆکرانیا. دوای ئەوەی کە هەڵزنان بە دیوارەکانا و چونە ناوەوە و سەر باڵکۆنییەكە زیاتر لە 10 ڤانی پڕ لە پۆلیس لە هەموو چەشنەکانی پۆلیس گەیشتنە سەریان داوایان لێکردن کە بێنە خوارەوە ئەوانیش نەیاندەویست وا زوو بەجێی بهێڵن بۆیە بە پۆلیسیان وت ” پرسیارەکانمان بۆ بنێرن”  تاکو مامەڵەیان وەکو سەرەك وەزیران ، بۆریس جۆنسۆن و نزیکەکانی بکرێن.  ئەمەش ئاماژە بوو بە فەزاعەتەکانی بۆریس جۆنسۆن و دەوروبەرەکەی کە ئێستا لەبەردەم پۆلیسدایە بۆ لێکۆڵینەوە.  پۆلیس لەبری ئەوەی بیانگرێت لاپەرەیەك پرسیاریان بۆ ناردن تاکو بزانن چ بیانویەکیان هەبووە بۆ شکاندنی کەرەنتینە ، کە لە کاتێکدا هەموو بریتانیا لە کەرەنتینەدا بوون ئەمانیش خەریکی ئاهەنگگێڕان وکردنی  پارتی بوون.گروپەکە هەتا ئێوارەی ئەو ڕۆژە ، 2شەمە، مانەوە و دواتر هاتنە خوارەوە بەڵام پۆلیس 4 کەسیانی گرت .  یەکێکیان کە خەڵکی لیتوانیایە وتی ” کە ئەم چالاکییەی کردوە ، ئامادەشە بەرپرسیاری سەرەنجامەکەشی هەڵگرێت  …ئەم خانوە ئەمەندە گەورەیە کە ژماردنی ژورەکانی ئاسان نییە ، سینەمای تێدایە باڕی شەرابی تێدایە…. ئەمە کافییە بۆ زۆرێك لە پەنابەرانی ئۆکرانی و پەنابەرانی شوێنەکانی دیکە و ئەوانەی کە پێویستیان بە پەناگا هەیە “  لێیان پرسرا کە چۆن توانیویانە بچنە خانووەکە و سەر باڵکۆنییەکە ، لە وەڵامدا وتیان ” ئەوە کارامەیی و شارەزایی هەڵزنانی دەوێت “  ئەوە ” سیحری دەستبەسەراگرنتە”    وتیان ئەمە داگیرکردن نییە ، ئەمە ئازاد کردنە ، ئازادکرنی خانووەکە” ڕۆژنامەی گاردیان نوسیوێتی ئەمان ” لە ڕۆح و هەستی نێسترۆ ماخنۆ ئەنارکستی شۆڕشگێرەوە” فێربوون.   ئاماژە بە ڕابەری دەریاوانەکانی کرۆنشتاد دەکات کە ڕابەرەکانی ئەو کاتەی حیزبی بەلشەفی ڕاپەڕینەکەیانیان بە کوشتن وبڕین دامرکانەوە.