پرۆتێست دژ بە گرانبوونی پێداویستییەکانی ژیان لە بریتانیا

13/02/2022

دوێنێ ڕۆژی شەمە ، 12/02/22 ، لە زیاتر لە 25 شاری بریتانیا بە هەزاران کەس چوونە سەر شەقامەکان دژ بە بەرزبوونەوەی پێداویستییەکانی ڕۆژانەی ژیان .  بە هاتنی ئافاتی کۆرۆنا و هاتنەدەرەوەی بریتانیا لە یەکێتی ئەوروپا بارودۆخی ئابووری و دارایی بریتانیا لە خراپبووندا بەردەوامە و نرخی پیداویستیەکانی ژیان تێکڕا بە بڕی لە سەدا 18 چووەتە سەرەوە .  هەندێك کەرەسە هەیە بە ڕێژەی لە سەدا سەد نرخەکەی چووەتە سەرەوە ، نرخی بەنزین و گازۆیل فڕیوە ، لە مانگی نیسانەوە کولفەی کارەبا و غاز لەسەر هەموو ماڵێك بۆ ساڵێك  تا 700 پاوەند بەرزدەبێتەوە. بەرزبوونەوەی  هەڵئاوسانی پارە لە مانگی 12ی پارەکەدا بە بڕی لە سەدا 5.4 چووەتە سەرەوە .

ئەمە لە کاتێکدا کە دەوڵەمەند و سامانداران و کۆمپانیا زەبەلاحەکان قازانج و سەرمایەکانیان لە بەرزبوونەوەدایە .  تەنها لە 3 مانگی کۆتایی پار ساڵدا کۆمپانیای شێڵ زیاتر لە 14 ملیار دۆلار قازانجەکەی بوە ، کۆمپانیای پیترۆلی بریتانی قازانجەکەی زیاتر لە 9 ملیار دۆلار بووە لە ساڵی پاردا .  هەر بەبوونی  ورە وری هەڵگیرسانی جەنگ لە ئۆکرانیا لە 4 ڕۆژدا نرخی قاپەنەوتێك بەنزین [ لیترێك] بە بڕی 5 پێنس سەرکەوت .

ئێستا بەهۆی زیادبوونی هەڵئاوسانی پارەوە سەرۆکی بانقی مەرکەزی بریتانی کە خۆی ساڵانە 569 هەزار پاوەند موچەکەیەتی بێ بوونی پشك لە شوێنی تر و موخەسەسات ، کەچی زۆر بێ ئابروانە باشترین ڕێگا بۆ دابەزاندی هەڵئاوسانی پارە داوا لە کرێکاران دەکات کە نابێت داوای کرێ یاخود موچەزیادی بکەن ئەمساڵ.

People in Newcastle take part in the People's Assembly’s nationwide protest against the rising cost of living.

People protest against rising energy and living costs outside parliament.
Image
A placard held beside a baby reads: “I can do a better job than Boris.”
A placard held beside a baby reads: “I can do a better job than Boris.”