هەژاریی منداڵان لە بریتانیا

20/10/2020

ساڵ بە ساڵ باری ژیان و بژێوی خەڵکی لە بریتانیا خراپتر دەبێت کە ئەمەش بەشی زۆری لەسەری منداڵان و کەمئەندامان و خانەنیشنکراوان و ژنان و پیاوانی سەڵت کە لەگەڵ منداڵەکانیانا دەژین.

بە گوێرەی ڕاپۆرتێکی ئەم ڕۆژانە سەبارەت بە بژێوی منداڵان،  لە باکوری ڕۆژهەڵاتی بریتانیا هەژاریی لە نێوانی منداڵاندا لە نێوانی ساڵی 2014/2015 بۆ 2018/2019 بە ڕێژەی لە سەدا 9 هەڵكشاوە.

لە بەشی میدلاندی بریتانیا ئەم ڕێژەی هەژارییە لە نێوانی هەمان ساڵانی سەرەوەدا زۆر خراپترە و بە ڕێژەی 12.5 هەڵکشاوە.

هاوکاتیش لە 8 شارەوانی بریتانیا ڕێژەی منداڵانی هەژار بۆ هەمان ساڵانی سەرەوە بە بڕی 41.1  چووەتە سەرەوە . 

ڕاپۆرتەکە ئەوەش دەخاتە پێشچاو کە لە سالی 2018/2019 دا لە سەدا 30 منداڵانی بریتانی لە هەژاریدا ژیاون .  پێناسەی هەژاریش : منداڵانێك کە لە ماڵێكدا پەروەردە بکرێت داهاتی خێزانەکە پاش لێدەرچوونی کرێی خانوو یاخود سلفەی عەقار ، داهاتەکەیان لە خوار لە سەدا 60 وە بمێنێتەوە ، واتە لە سەدا 40 چووە بۆ کرێی خانوە یاخود سلفەی عەقار.

لە بەشێکی بریتانیا کە پێیدەڵێن ئینگلەند لە سەدا 31ی منداڵانی لە خوار هێڵی بژێوییەوە دەژین بە بەراورد بە لە سەدا 28 لە وێڵس و 25 لە ئیرلەندەی باکور و بە ڕێژەی لە سەدا 24 لە سکۆتلەند.

لە لەندەن 3 شارەوانی لە هەموان خراپترن کە ڕێژەی منداڵانی هەژار بە بڕی لە سەدا 55.4  ،  50.3  ، 41.6   و لە بێرمینگەهامیش لە سەدا 41.6 کە لە دەرەوەی لەندەن بەرزترین ڕێژەیە.   خەمی ئێستاش ئەوەیە کە ئەم ڕێژەیە بەهۆی پەتای کۆرۆناوە کە بووەتە هۆی کەمی ئیش و دەرکردنی کرێکاران و زیادبوونی نرخی پێداویستییەکانی ژیان ، ئەم ڕێژانە لە هەڵکشانا دەبن و چارەسەری ئەم هەژارییەش زۆر زۆر زەحمەت دەبێت.                                                                                                       

وەڵامێک بنووسە

Please log in using one of these methods to post your comment:

WordPress.com Logo

You are commenting using your WordPress.com account. Log Out /  گۆڕین )

Google photo

You are commenting using your Google account. Log Out /  گۆڕین )

Twitter picture

You are commenting using your Twitter account. Log Out /  گۆڕین )

Facebook photo

You are commenting using your Facebook account. Log Out /  گۆڕین )

Connecting to %s

This site uses Akismet to reduce spam. Learn how your comment data is processed.