کارایی کۆرۆنا لەسەر مامەڵەی کڕین و فرۆشتنی خانوو لە بریتانیا:

کارایی کۆرۆنا لەسەر مامەڵەی کڕین و فرۆشتنی خانوو لە بریتانیا:

20/04/20

زاهیر باهیر

بە گوێرەی ڕاپۆرتێکی نوێ کۆرۆنا لە بواری مامەڵەی کڕین فرۆشتنی خانووش-دا وەکو هەموو بوار و بەشەکانی دیکەی پیشەسازی و کشتیاری و ژیان بە گشتی، داناوە .

ڕاپۆرتەکە باس لەوە دەکات کە لە ئێستادا 520،000 خانوو و فلات لە بازاڕدان و بەڵام کەس نییە مامەڵەیان پیوە بکات.  کە ئەمەش بە ڕێژەی لە سەدا 38 بڕی دابەزینی فرۆشتنی  خانووە لە ئێستادا لە بەرانبەر بە ساڵی پار کە هاتۆتە خوارەوە.

بە هۆی کۆرۆناوە لە مانگی پێشوودا حکومەت بڕیارێکی دەرکرد کە مامەڵە بە کڕین و فرۆشتنی خانوەوە لە ئێستادا وەستانی باشترە .  هاوکاتیش بە هۆی ناڕوونیی بارودۆخەکە لە ئایندەدا ئەوانەی کە كڕیارن ناوێرن هیچ هەنگاوێك بنین چونکە زەمانەتی کارەکانیان و ژیانیان لا ڕوونییە لە ئایندەدا.

ئەم گرفتەی مامەڵەی خانوو هەر ئەوە نییە کارمەندەکانی خۆشی بێ کار دەکەون و لەمەدا ناوەستێت ، بەڵکو پەلی هاویشتووە بۆ کۆمپانیاکانی وەکو ماڵ گواستنەوە، دروستکردنی کەرەسەی ناوماڵ و مەتبەخ، گۆڕانکاری لە بیناکەدا لەناو خودی ماڵەکەدا، کارگەی قەنەفە و کورسیی  سیسەم و کومبار و فەرش و بازاڕی توحفیات و… تد هەر هەمووی بەیەکەوە گرێدراوەنەتەوە.