ناڕەزاییەکان و خۆپیشاندانەکان پاکستان-یشی گرتەوە

30/11/19

ڕۆژی هەینی، 29/11 بە هەزاران قوتابی لە شاری لاهوڕی پاکستان ڕژانە سەر شەقامەکان وەکو هاوپشتی بۆ ڕێپێوانی قوتابییان . گروپی کۆمەڵایەتی زۆری تر وەکو مامۆستام، پارێزەر ، ئەکادیمیی ، دکتۆر،  لە زیاتر لە 50 شاری پاکستانا تێکەڵ بە خۆپیشاندانەکان بوون بەردەوامە.

داخوازیییەکانی قوتابیان:

• زیادکردنی بوجەی قوتابیانی خوێندنی باڵا.
• ڕێگاوبانی باشتر بۆ هاتووچۆ.
• باشکردنی خزمەت لە داخلییەکانا.
• دابەزاندنی پارەی خوێندنی زانکۆ و خۆێندنی بالا.
• کۆتاییهێنان بە هەراسانکردنی قوتابییانی زانکۆ.
• باشکردنی کواڵەتی خوێندن .
• دروستکردنەوەی یەکێتی قوتابییان ، کە بەشێکی دیکەی داخوازییەکانیان بووە .

لە هەمووش گرنگترە زانکۆ و خوێندنی باڵای کەرتی تایبەتیش هاتوونەتە سەر شەقامەکان بۆ هاوپشتیان.

یەکێك لە ئەکادیمییەکان، ‘ئەلی جان’، کە خۆشی چالاکە لە خۆپیشاندانەکەدا وتی  ” هیچ هەستێكی دیکەی جوانتر نییە کە ببینیت قوتابییەکانت فێری ئەوە بوون کە فێرتکردون .  ئەم قوتابییانە وەکو هاونیشتمانیەکی بەرپرسیار هەستدەکەن و چالاکی دەکەن، دەنگیان بەرزدەکەنەوە دژ بە سەرکوتکردنیان کە بۆ 35 ساڵە بەردەوامە …. باوەڕمان بەوە نییە کە قسەکردنی بەرپرسەکان  کافی بێت ، حکومەت دەبێت وەختی دروستکردنەوەی یەکێتی قوتابیان، دەستنیشان بکات”

یەکێکی دیکە لە قسەکانیا وتی ” ئەم گەنجانە هێزی ڕاستینەی ئەمڕۆن .  ئەم کەرتە بەهێزەی کۆمەڵ دەتوانێت سیستەمەکە شؤڕشگێڕ بکات . داوادەکەم کە حکوت مافەکانیان بدات لەبری ئەوە سەرکوتیان بکات”

قوتابییەکی کچ لە قسەکانیان باسی لەوە کرد کە چۆن هەندێك لە وەزیرەکان و بەرپرسان تیوتەیان کردوە کە هاوکاری و پشتیوانی لە خۆپیشاندەرانن دەکەن . ” گوایە پشتگیریمان دەکەن و دوامان لێدەکەن کە بچینە هۆڵەکانی پێشوازیلێکردنمان، بەڵام من دەمەوێت پێ لەسەر ئەوە داگرم و پێیانن دەڵێم ، ئەگەر ئێوە  دەتانەوێت پشتیوانی لە ئێمە بکەنن ئەوە وەرنە سەر شەقام و ئەو داخوازیانەی ئێمە بەرز بکەنەوە”.  درێژە بە قسەکانی دەدات و ڕودەکات ئەو کەسانە و بەرپرسانی دەوڵەت و دەڵێت ” ئێمەتان بەش بەش کردووە ، ئێوە ئێمەتان لە سیاسەتا فەرامۆشکردووە و کەنارتان خستوین .  ئێمەتان جیاکردۆتەوە لە پشتونەکان، لە بلوجەکان، لە کشمیرییەکان لە سێراکییەکان.  ئێمە سیاسەتەکانی ئێوە ڕەتدەکەینەوە کە ئێمە دابەش دەکات.  ئێمە کارمان بە هۆڵەکانی پێشوازیلێکردن نییە ، بەردەوامدەبین لە ناڕەزاییەکانمانا تاکو دروستکردنەوەی یەکێتی قوتابیان بەدەستدەهێنینەوە”