سنە : کارگەرێ پێ واستەکاو وێشا مجیە سەروو جادەی
رۆ یەکوو مەی وەراموەر بە ١٢ پاژەرەژوو ١٣٩٥ رۆجیاری فرەو کارگەرا شاروو سنەی بە گڵێرەبیەی جە مەێذان سیروسەنە بە بەرز کەردەیۆ پلاککارتا کە بە درۆشمێ جۆراو جۆرێ پسۆ نان ، مەسکەن ، ئازادی ، ئازادی پێ کارگەر زینانیەکا بە ئەنجامداو راپەیمایی نارازی بیەو وێشا جە ئاژەو ژیوایشا نیشانەدا .جە وەختێنە ئی چالاکیە لوا راوە کە دە روێ وەلتەر جە لاو ئیدارە ئیتلاعاتوو شاروو سنەی ئاگادری دریابێ بە خالد حسینی”، “غالب حسینی” و “مجید حمیدی” پسۆ دەسەو هەماهەنگ کەردەو چالاکی کارگەرا .
دماجار جە وەختێ کەمەنە هێزە نیزامیەکا رژیمی پێ تێکداو راپایمایی کارگەرا وێشا یاونا یاگێ چالاکییەکەی ، بەلام هووشیاری و سوور بیەی کارگەرا سەروو چالاکیەکەیشا بە شێوێ ئارام بەهانێش بە هێزە نیزامیەکا بڕیە . شایانوو باسیا کە رۆ شەممەی جە کووجیەو مەردۆخوو شاروو سنەی پەنج کارگەرێ بە نامەکا لطف اله احمدی، نادر رضا قلی، حسین حسن‌آبادی، یدالله صمدی و زاهد مرادی بە تاوانوو رێک وستەو خەلکی بە بێ ئیجازەو ئۆستانداری شاروو سنەی قۆل بەس کریە . هەم وەخت چەنی شاروو سنەی جە شارەکا سەقز ، مەریوان و کرماشانیچ چالاکی پێ رۆ کارگەری لوێ راوە .
